ኢዮባ13dwr_ent
1“ሀዋ ኡባ ታ አይፊ በኤዳ፤ ታ ሀይይካ ስሲደ አኬኬዳ።2ህንተ ኤርያዋ ታንካ ኤራይ፤ ታን ህንተፐ ላፍከ።3ሽን ታን ኡባ ዳንዳይያ ጾሳዉ ሃሳያናዉ ኮያይ፤ ህንተናና ግደና። ታን ታ ሞቱዋ አናና ሞተታናዉ አሞታይ።4ህንተ ቱሙዋ ዎርዱዋን ካሚታ፤ ህንተ ኡባይካ ፓና አክማቱዋ።5ህንተ ኡባይ ጮኡ ጌዳ ግዴርክቴሻ! ያትንቶ፥ ህንተና አሳይ አዳ ኤራንቻ ጋና ሽን!6“ሀእ ታ ሞቱዋ ስስተ፤ ታ ዶናፐ ከስያ ፓሉምያ ሀይዝተ።7ህንተ ጾሳ ዶና ግዲደ፥ ዎርዱዋ ሃሳዪቴየ? አ ድራዉ ኤቂደ፥ ጭሙዋ ሃሳዪቴየ?8ህንተ አ ማድያዌ ደኢ? ዎይ አዉ አባካቶ ግዲደ ሞተቲቴ?9እ ህንተና ፕልግ ጼልንቶ፥ ህንተፐ ሎኦባ ደማኔ? ህንተ አሳ ጭምያዋዳን፥ አ ጭማናዉ ዳንዳዪቴየ?10ህንተ ጌማን አሳ ሶምኡዋ ጼሊደ ማዶፐ፥ ጾሳይ ቱሙ ህንተና ሴራና።11አ ቦንቹ ህንተና ዳጋንኔ? አ አንጋይ ህንተና ያሸኔ?12ህንተ ኦድያ ሌምሶቱ ብድን ማላ ፓናዋንታ፤ ህንተ ሺሽያ ፓሉሚ ኡርቃፐ መቴዳ ጎንዳልያ ማላ።13“አነ ጮኡ ጊተ! ሃሳያና፤ ሀዋፐ ጉይያን፥ ባረ ሀኖዋ ሀኖ።14ታን ታ ሁጲያ አያዉ ህርጋ ጋርሳን ዎይታ? ታ ሸምፑዋካ አያዉ ታ ኩሽያን ኦይቃይታ?15በእተ፥ ጾሳይ ታና ዎያዋ ግዶፐነ፥ ታን አ ዳንዳያን ናጋና። ግዶፐነ፥ ታን ታ ሞቱዋ አ ስን ሺሻና።16ናጋራንቻ አሳይ አ ስን ሺቃናዉ ዳንዳየና ድራዉ፤ ሀዌ ታን ሺቃናዉ ጻልያዌ፥ ኦን ኤሪ፥ ታ አቶተዉ ጋሶ ግዳናዉ ዳንዳዬ።17ታ ሃሳያ አኬኪደ ስስተ፤ ታን ኦድያዌ ህንተ ሀይን ገሎ።18በእተ፥ ታን ታ ሞቱዋ ጊግሳድ፤ ሻትማናዋካ ኤራይ።19“አቤት ጾሳዉ፥ ኔን ታና ሞታናዉ ያይ? ኔን ታና ባይዛንቻ ከሶፐ፥ ታን ጮኡ ጋደ ሀይቃና።20ሽን ኔን ታዉ ሀ ላኡባቱዋ ኦ፤ ታን ኔፐ ጌምከ።21ታና ሙርያዋ አጋ፤ ነ አንጋን ታና ዳጋንፓ።22ሄዋፐ ጉይያን፥ ታና ጼሳ፤ ታን ኮያና። ዎይ ታን ሃሳይና፥ ታዉ ዛራደ ሃሳያ።23ባረዉ፥ ታን ባይዜዳ ባይዙነ ናጋራይ አፑኔ? ታ ባላነ ታ ናጋራ አነ ታና በሳ።24“ኔን አያዉ ነ ሶምኡዋ ታፐ ገንይ? ቃይ ታና አያዉ ነ ሞርክያዳን ፓይዳይ?25ታና፥ ጫርኩ አፍያ ቦንጭያ ማላ፥ ያሽሳዪ? ዎይ መሌዳ ሱላ ማላ የደርሳይ?26ኔን ታ ቦላ ጻፌዳ ሞቱ ጫማ፤ ሀራይ አትና፥ ታን ያላጋተን ደኣደ ኦዳ ባይዙዋነ አሻባካ።27ኔን ታ ገድያ ገድያ ብራታን ቃቻዳ፤ ታ ታንግያ ታንጉዋ ኡባ ዎቻሳ፤ ታ ገድያ ኮትያ ፕልጋ ጼላሳ።28ታን ዎቄዳባዳን ሀናይ፤ ብልአይ ሜዳ አፍላዳንካ ዎቃይ።