ሆሰ12dwr_ent
1ኤፍሬማ አሳይ ዎንታፐ ኦማርስ ጋካናዉ ኦያባይ ኡባይ፥ አዋይ ዉልያ ባጋፐ ይያ ጫርኩዋ ኩጭያዋዳን ዎይ የደርስያዋ ማላ ጎኤና። ኡንቱንቱ ዎርዱዋነ ማካላ ኦሱዋ ዳርሲኖ፤ አሶረ ቢታና ጫቁዋ ጫቀቲኖ፤ ዎጋራ ዛይትያ ግብጼ ቢታ የዲኖ።2መና ጎዳዉ ይሁዳ አሳና ሞቱ ደኤ፤ እ ያቆባ አሳ ኡንቱንቱ ኦግያዳን ሙራና፤ ኡንቱንቱ ኦሱዋዳንካ አዉ ዛራና።3ያቆብ ባረ ዳይ ኡሉዋን ደኢደ፥ ባረ እሻ ግንድያ ኦይቄዳ። ቃይ ጋማ ጋኪደ፥ ጾሳና ባጸቴዳ፤4ኪታንቻናካ ባጸቴዳ ጾኔዳ። ባረና ኬካ አይፍያን ጼላናዳን፥ ዬኪደ ዎሴዳ። ያቆብ ጾሳ ቤቴለን ደሜዳ፤ ጾሳይ ያን አናና ሃሳዬዳ።5ሄዌ መና ጎዳ፥ ኡባፐ ዎልቃማ ጾሳ። እ ኤረቴዳ ሱንይካ መና ጎዳ ጌተቴ።6ሄዋ ድራዉ፥ ህንተ ጾሳኮ ስምተ፤ ሲቁዋነ ሱረ ፕርዳ ምንስ ኦይቂተ፤ ህንተ ጾሳይ ኦናዉ ናግተ።7ዛልአንቻ ኩሽያን ዎርዶ ሚዛናይ ደኤ፤ አሳ እ ጭምያዋ ዶሴ።8ኤፍሬመ፥ “ታን ዳሮ ዱረ፤ ታን ታዉ ዱረታ ደማድ። ታ አቁዋ ኡባ ግዶን ታናን ኡንቱንቱ ባላ ዎይ ናጋራ ግድያባ ደምክኖ” ያጌዳ።9መና ጎዳይ ሀዋዳን ያጌ፤ “ታን ህንተና ግብጼ ጋድያፐ ከሳደ አሄዳ መና ጎዳ ህንተ ጾሳ፤ ዳስያ ባላ ጋላሳዳን፥ ታን ህንተና ላኤንዋካ ዱንካንያን ዎና።10ታን ትምቢትያ ኦድያዋንቶ ሃሳያድ። ዳሮ ሳጻካ ኡንቱንቶ እማድ፤ ቃይ ኡንቱንቱ ባጋና ዳሮ ሌምሳቱዋ ኦዳድ” ያጌ።11ጋላኣደን ናጋራይ ደኤ፤ ጋላኣደ አሳቱ ቱሙዋፐ ፓናዋንታ። ኡንቱንቱ ገልጋላን ኮሩማቱዋ ያርሺኖ። ሄዋ ድራዉ፥ ኡንቱንቱ ያርሽያ ሳአቱ ጎሻ ግዶን ኬሌዳ ሹቻ ማላ ግዳናዋ።12ያቆብ ሶርያ ቢታ ባቃቴዳ፤ እስራኤሊ ማጫ አሳ አካናዉ ከራ ኦዳ። ማጫ አሳ አካና ድራዉ፥ እ ያን ዶርሳ ሄሜዳ።13መና ጎዳይ እስራኤልያ አሳ ትምቢትያ ኦድያዋ ባጋና ግብጼ ጋድያፐ ከሴዳ፤ ሄ ትምቢትያ ኦድያዋ ባጋና ኡንቱንታ ናጌዳ።14ሽን ኤፍሬመ ጾሳ ሎይ ሀንቀሴዳ፤ ሱ እ ጉሴዳዋ አጩዋ አ ጎዳይ አ አቻና፤ ቃይ አ ጫሻ አዉ ዛራና።