ጌሻ ጎልያ ዛረ ኬጸና ማላ ድጋናዉ ደንዴዳዋንታ
1ኦሞዱዋፐ ስሜዳ አሳቱ መና ጎዳዉ፥ እስራኤልያ ጾሳዉ ጌሻ ጎልያ ኬጽያዋ ይሁዳነ ቢንያማ ሞርከቱ ስሴድኖ።2ዛሩባቤላኮነ ጎልያ ካፓቱዋኮ ዪደ፥ ሀዋዳን ያጌድኖ፤ “አሶረ ካቲ አስራዶንኑና ሀ ሳአዉ አሄዳ ጋላሳፐ ዶሚደ፥ ኑንካ ህንተንቱ ጾሳ ኮዬቶነ ያርሼቶ። ሄዋ ድራዉ፥ ኑንካ ህንተናና እትፐ አነ ኬጾይተ” ያጌድኖ።3ሽን ዛሩባቤለ፥ ኢያሱነ እስራኤልያ ዛራቱዋ ካፓቱ ኡንቱንቶ ዛሪደ፥ ሀዋዳን ያጌድኖ፤ “ኑ ጎልያ ኬጻናዉ ኑዉነ ህንተንቶ አይ እትፐተነ ባዋ። ሽን ፓርሰ ካቲ ቂሮስ አዛዜዳዋዳን፥ ኑ ጻላላይ መና ጎዳዉ እስራኤልያ ጾሳዉ ኬጻና” ያጌድኖ።4ሄዋፐ ጉይያን፥ ይሁዳ ቢታ አሳቱ ኬጸናዳን፥ ሄ ጋድያን ደእያ አሳቱ ሀሽያ ሾጬድኖነ ያሽሴድኖ።5ቃይ ፓርሰ ካትያ ቂሮሳ ላይይ ዉራናዉነ አፐ ስሚደ ዳርዮስ ፓርሰን ካተቴዳ ዎዲ ጋካናዉ፥ ኡንቱንቱ ይሁዳ አሳቱዋ ዞረታ ላላናዉ ዞረትያዋንታ ማታዬድኖ።የሩሳላመ ላኤንዋ ኬጸተናዳን ድገቴዳ
6አርጸክስሰ ካዉተ ዶመን፥ ኡንቱንቱ ይሁዳነ የሩሳላመ አሳ ሞታናዉ ፓይልያ ዶዬድኖ።7አርጸክስሰ ካተት ደእሽን፥ ብሽላም፥ ምትረዳት፥ ጻብኤልነ ኡንቱንቱና እትፐ ኦያዋንቱና ግዲደ፥ ፓርሰ ካትያ አርጸክስሳዉ ዳብዳቢያ ጻፌድኖ፤ ሄ ዳብዳቢ ሶርያ ጋደ ፕዶልያንነ ቃላን ጻፈቴዳ።8ዎታዳራ ሞድያ ረሁምነ ጻፍያ ሽምሻይ የሩሳላመባ ሀዋዳን ያጊደ፥ ካትያ አርጸክስሳዉ ዳብዳቢያ ጻፌድኖ፤9“ሀ ዳብዳቢ ቢታ ሞድያ ረሁማፐ፥ ጻፍያ ሽምሻያፐ፥ በን ኤላማ ቢታን ደእያ ሱሳፐ፥ ኤሬካፐነ ባብሎነፐ ዬዳ ፕርድያነ ዳናትያ ኡንቱንቱ ያራቱዋፐነ10ግታነ ቦንቼቴዳ ካትያ አሳናፋር ኦሞድ አሂደ፥ ሳማርያንነ ኤፍራጺሳ ሻፋፐ አዋይ ዉልያ ባጋ ጋድያን ዎዳ አሳ ኡባፐ ጻፌቴዳ” ያጌድኖ።11ኡንቱንቱ አዉ ኪቴዳ ዳብዳቢ ሀዋዳን ያጌ፤ “ካትያ አርጸክስሳዉ፥ ኤፍራጺሳ ሻፋፐ አዋይ ዉልያ ባጋ ጋድያን ደእያ ነ ቆማቱዋፐ፦12“ካትያዉ፥ ነ ማታፐ ሃ ኑኮ ዬዳ አይሁዳቱ የሩሳላመ ቢደ፥ ሄ ማካላንቻነ ኢታ ካታማ ዛሪደ ኬጽ ደእያዋ ኤራ። አ ግምቢያ ኦራጽሲኖ፤ አ ጻጱዋካ ኦራጽሲኖ።13ቃይ ካትያዉ፥ ሀ ካታማይ ኬጸትያባ ግዶፐነ አ ግምቢያካ ኦራጽስያባ ግዶፐ፥ ሄዋፐ ጉይያን፥ ኡንቱንቱ ጊራነ ቃራጻ ቃንጸናዋ ኤራ። ሄዋፐ ደንዴዳዋን ካትያ ጎለዉ ገልያ ሚሻይ ፓጫ ግዳና።14ኑን ካቲ ሱንና ኦያዋንታ ግድያ ግሻዉነ ካቲ ካዉሽሽን በአናዉ ኮየና ድራዉ፥ ሀዋ ኔን ኤራና ማላ ጊደ ኪቴቶ።15ሄዋ ድራዉ፥ ካሰ ነ አዎቱዋ ታርክያ ማጻፋይ ኮየቲደ ጼለቶ፤ ሄዋን ጻፈቴዳዋፐ ኔን ሀ ካታማይ በንፐካ ዶሚደ፥ ማካላንቻ ካታማ ግድያዋነ ካተቶነ ቢታቶ መቱዋ መዳዋ ግድያዋ ኤራናዉ ዳንዳያሳ። ሄዋፐ ደንዴዳዋን እ ኮለቴዳ።16ሄዋ ድራዉ፥ ሀ ካታማይ ኬጸትያዋ ግዶፐነ አ ግምቢያካ ኦራጽስያዋ ግዶፐ፥ ኤፍራጺሳ ሻፋፐ አዋይ ዉልያ ባጋ ቢታይ ነ ኩሽያፐ ከሴዳዋ ኤራ” ያጌድኖ።17ካቲ ሀዋዳን ያግያ ዛሩዋ ኡንቱንቶ የዴዳ፤ “ዎታዳራቱዋ ሞድያ ረሁማ፥ ጻፍያ ሽምሻያ፥ ሳማርያንነ ኤፍራጺሳ ሻፋፐ አዋይ ዉልያ ባጋ ጋድያን ደእያ ኡንቱንቱና ኦያ አሳ ኡባዉ፥ ህንተንታ ሳሮ ጋይ።18ህንተንቱ ታዉ የዴዳ ዳብዳቢ ብለቲደ ናባበቴዳ።19ታን አዛዝና፥ ካሰ ታርኪ ኮየቲደ ጼለቴዳ፤ ሀ ካታማይ በንፐካ ዶሚደ፥ ካተቶ ማካላንቻ ግድያዌነ መቱዋ መያዋንቱ ደእያ ሳኣ ግድያዌ ኤረቴዳ።20የሩሳላመን ዎልቃማ ካተቱ ካዉቴድኖ፤ ኤፍራጺሳ ሻፋፐ አዋይ ዉልያ ባጋ ቢታፐካ ሄ ካተቱ ጊራነ ቃራጻ አኬድኖ።21ሄዋ ድራዉ፥ ታን ኡንቱንቶ ኦተ ግያ አዛዙዋ እማና ጋካናዉ፥ ሀ አሳቱ ሄ ካታማ ኬጽያዋ ኤሳና ማላ ኦድተ።22ህንተንቱ ሀ የዉዋ ሸነኮ ጌና ማላ ናገትተ። አያዉ ጎፐ፥ ካተቶ መቱዋ ዳርሳናዉ ኮሸና” ያጊደ ኪቴዳ።23ካትያ አርጸክሲሳ ዳብዳቢ ረሁማዉ፥ ጻፍያ ሽምሻያዉነ ኡንቱንቱና ኦያ ኡባቶ ናባበቴዳ ዎደ፥ የሩሳላመን ደእያ አይሁዳ አሳቱዋኮ ኤሌል ቢደ፥ ኡንቱንቱ ኬጽያዋ ዎልቃን ተኤድኖ።24የሩሳላመን ደእያ ጾሳ ጎልያ ኪታይ ፓርሳ ካቲ ዳርዮሰ ካተቴዳ ላኤን ላይይ ጋካናዉ፥ ኤቆ ሳኣን አት አጌዳ።