አሳይ እዝራዉ እሞ ዛሩዋ
1እዝር ጾሳ ጎልያ ስንን ኩንድ ዬኪደ ዎስያ ዎደነ ናጋራካ ፓጽያ ዎደ፥ እስራኤልያ አሳፐ ዳሩ፥ ማጫዌ፥ አቱማዌነ ናናይ ኡባይ አኮ ሺቂደ፥ ምሻ ዬኩዋ አናና ዬኬድኖ።2ሄዋፐ ጉይያን፥ ኤላማ ያራ ግዴዳ ይህኤላ ናአይ ሻካነ ሀዋዳን ያጌዳ፤ “ኑን ሀ ቢታን ደእያ አይሁዳ ግደና ማጫዋንታ አኬዳ ድራዉ፥ ኑ ጾሳዉ አማነትበይኮ። ግዶፐነ፥ ቃይ እስራኤልያዉ ሀእካ ህዶታይ ደኤ።3ሄዋ ድራዉ ታ ጎዳዉ፥ ኔንነ ኑ ጾሳ አዛዞ ያይያዋንቱ ዞሬዳዋዳን ኑን ሀ ማቻቱዋነ ኡንቱቱፐ የለቴዳ ናና ኡባ የዳናዉ ኑ ጾሳና ጫቀቶይተ። ሀዌ ኡባይ ህጊ ግያዋዳን ፖለቶ።4ሀ የዉዋ ኑን ዎት ኦነንቶ፥ ኑና ካለናዌ ነ ኦሱዋ ግድያ ድራዉ፥ ደንዳ! ምና! ኑንካ ኔና ማዳና”።5እዝር ደንድ ኤቂደ፥ ካለያ ቄሳቱ ዋ፥ ሌዋቱዋነ እስራኤልያ አሳ ኡባ ሀ ጌተቴዳዋዳን ኦና ማላ ጫቂሴዳ፤ ኡንቱንቱካ ጫቄድኖ።6ሄዋፐ ጉይያን፥ እዝር ጾሳ ጎልያ ስንፐ ደንዲደ፥ ኤልያሽባ ናአይ ያሆሀናን ደእያ ክፍልያ ገሌዳ። ኩመን ቃማ ኦሞዱዋፐ ስሜዳ አሳቱዋ ናጋራዉ ዬኪደ አቄዳ ድራዉ፥ ሄ ሳኣን ቁማ ምቤና፤ ሃካ ኡሽቤና።7ሄዋፐ ጉይያን፥ ኦሞዱዋፐ ስሜዳ አሳይ ኡባይ የሩሳላመ ሺቃና ማላ፥ ይሁዳ ኡባንነ የሩሳላመን አዋዩዋ አዋዬድኖ።8ሀ ሄዙ ጋላሳ ግዶን ሄ ሳኣ ሺቀና ኦንነ ደኦፐ፥ አዉ ደእያባይ ኡባይ አፐ አከታናዳንነ እካ ኦሞዱዋፐ ስሜዳ ሺቁዋፐ ሻከቲደ የደርሰታናዳን ካፓቱነ ጭማቱ ኩሼድኖ።9ሄ ጌተቴዳ ሄዙ ጋላሳቱ ዉረናን ደእሽን፥ ኡዱፑን አግናን ላታማን ጋላሳን ይሁዳነ ቢንያማ አሳይ ኡባይ የሩሳላመ ሺቂደ፥ ሀ ዴጾ የዉዋፐነ ዎልቃማ እራፐ ደንደዳዋን ኮኮሪደ፥ ጾሳ ጎልያ ስንን ደእያ ዳባባን ኡቴድኖ።10ሄዋፐ ጉይያን እዝር ደንድ ኤቂደ፥ ኡንቱንታ ሀዋዳን ያጌዳ፤ “አይሁዳ ግደና ማጫ አሳቱዋፐ ማቼቱዋ አኪደ ናቄድታ፤ ሄ ጋሱዋን እስራኤልያ አሳ ናቁዋ ካሰዋፐካ ያ ዳርሴድታ።11ሀእ ህንተንቱ ናጋራ መና ጎዳዉ፥ ህንተንቱ ማይዛ አዎቱዋ ጾሳዉ ፓጽተ፤ እ ዶስያባካ ኦተ። ሄ ቢታን ደእያ አይሁዳ ግደና አሳቱዋፐነ አይሁዳ ግደና ህንተንቱ ማቼቱዋፐ ሻከትተ”።12ሄ ሳኣን ሺቄዳ ሺቁ ባረንቱ ኮሻ ቁ ኦደ፥ ሀዋዳን ያጌድኖ፤ “ኔን ኑዉ ኦዴዳዋዳን ኑን ኦናዉ በሰ።13ሽን አሳ ፓይዱ ጮራ፤ እራይ ዎልቃም ቡክያ ባልጉዋ። ያትያ ድራዉ፥ ኑን እራፐ አትያ ሳአይ ባይና ሳኣን ሀዋን ኤቃናዉ ዳንዳዮኮ። ቃይ ኑን ሀ የዉዋን ሎይ ናቄዳ ድራዉ፥ ሀዌ እት ጋላሳን ዎይ ላኡ ጋላሳን ጊግያባ ግደና።14ሄዋ ድራዉ፥ ሀ ሺቄዳ አሳ ኮታን ኑ ካፓቱ ኮሽያዋ ኦኖ። ሀ የዉዋፐ ደንዴዳዋን ኑ ጾሳ ዎልቃማ ሀንቁ ኑፐ ስማና ጋካናዉ፥ ኑ ካታማቱዋን ደእያ አይሁዳ ግደና ማጫዋንታ አኬዳ ኡባይ ኬሬዳ ዎድያን የሩሳላመ ዪኖ፤ ቃይ ሄ ካታማቱዋ ጭማቱነ ፕርድያዋንቱካ ኡንቱንቱና ዪኖ” ያጌድኖ።15አሳሄላ ናአይ ዮናታንነ ቲቅዋ ናአይ ያህዛይ ጻላላይ ኡንቱንቱ ቆፋ ጳልቄድኖ፤ ቃይ ማሹላምነ ሌዊያ ግዴዳ ሻባታይ ጳልቂያዋንታ ማዴድኖ።16ሄዋ ድራዉ፥ ኦሞዱዋፐ ስሜዳ አሳይ ሄ ጌዳዋዳን ኦድኖ። ቄሲ እዝር ኡባ ዛራቱዋፐካ ካፓቱዋ ኡንቱንቱ ሱንን ሱንን ዶሬዳ። ታማን አግናን ኮይሮ ጋላሳን ካፓቱ የዉዋ ቆር ጼላናዉ ዶሜድኖ።17ኮይሮ አግናን ኮይሮ ጋላሳይ ጋክያ ዎደ፥ አይሁዳ ግደና ማጫዋንታ አኬዳ አሳቱዋ ኡባ ቆሪደ ዉርሴድኖ።አይሁዳ ግደናዋንቱፐ ማችያ አኬዳ አሳ ሱን
18አይሁዳ ግደና ማጫ አሳቱዋፐ ማችያ አኬዳዋንቱ ሀዋፐ ካሊደ ጻፈቴዳዋንታ። ቄሳቱ ዋፐ: ዮጸዴቃ ናና ግዴዳ ኢያሱነ አ እሻቱዋ ያራፐ ማእሴያ፥ ኤልኤዛራ፥ ያሪባነ ጋዳልያ።19ሀዋንቱ ባረንቱ አይሁዳ ግደና ማቼቱዋ የዳናዉ ጫቄድኖ፤ ቃይ ባረንቱ ናቁዋ ድራዉ፥ ዉድያፐ እት ዶርሳ ኦርግያ ናቁዋ ያርሹዋ ኦደ ያርሼድኖ።20እሜራ ያራን አይሁዳ ግደና ማቼቱዋ አኬዳዋንቱ ሀናናነ ዛባድያ።21ሀሪማ ያራቱዋፐ ማእሴያ፥ ኤላሳ፥ ሻማእያ፥ ይህኤላነ ኦዝያና።22ፓሽሁራ ያራቱዋፐ ኤልዮኤናያ፥ ማእሴያ፥ እስማኤላ፥ ናታንኤላ፥ ዮዛባዳነ ኤልኣሳ።23ሌዋቱዋፐ: ዮዛባዳ፥ ሻማእያ፥ ቃሊጻ ግያ ቀላያ፥ ፓታህያ፥ ይሁዳነ ኤልኤዛራ።24ማዝሙርያ የጽያዋንቱፐ: ኤልያሽባ። ፐንግያ ናግያዋንቱፐ: ሻሉማ፥ ጸለማነ ኡራ።25ቃይ ሀራ እስራኤልያ አሳፐ: ፓርኦሻ ያራቱዋፐ ራምያ፥ ይዝያ፥ ማልክያ፥ ምያሚና፥ ኤልኣዛራ፥ ማልክያነ ባናያ።26ኤላማ ያራቱዋፐ ማታንያ፥ ዛካራሳ፥ ይህኤላ፥ አብዳ፥ ይረሞታነ ኤላሳ።27ዛቱ ያራቱዋፐ ኤልዮኤናያ፥ ኤልያሽባ፥ ማታንያ፥ ይረሞታ፥ ዛባዳነ አዚዛ።28በባያ ያራቱዋፐ ያሆሀናና፥ ሀናንያ፥ ዛባያነ አትላያ።29ባና ያራቱዋፐ ማሹላማ፥ ማሉካ፥ አዳያ፥ ያሹባ፥ ሻኣላነ ይረሞታ።30ፓሀት-ሞኣባ ያራቱዋፐ አድናሀ፥ ካላላ፥ ባናያ፥ ማእሴያ፥ ማታንያ፥ ባጻልኤላ፥ ቢኑያነ ምናሳ።31ሀሪማ ያራቱዋፐ ኤልኤዛራ፥ ይሽያ፥ ማልክያ፥ ሻማእያ፥ ሽምኦና፥32ቢንያማ፥ ማሉካነ ሻማርያ።33ሀሹማ ያራቱዋፐ ማታናያ፥ ማታታ፥ ዛባዳ፥ ኤልፈሌሳ፥ የረማያ፥ ምናሳነ ሽምአ።34ባና ያራቱዋፐ ማእዳያ፥ አምራማ፥ ኡኤላ፥35ባናያ፥ በድያ፥ ካሉሀ፥36ዋንያ፥ ማረሞታ፥ ኤልያሽባ፥37ማታንያ ማታናያነ ያእሳ።38ቢኑያ ያራቱዋፐ ሽምአ፥39ሸሌምያ፥ ናታና፥ አዳያ፥40ማክናዳባያ፥ ሻሻያ፥ ሻራያ፥41አዛርኤላ፥ ሸሌምያ፥ ሻማርያ፥42ሻሉማ፥ አማርያነ ዮሴፎ።43ናቦ ያራቱዋፐ ይእኤላ፥ ማቲትያ፥ ዛባዳ፥ ዛቢና፥ ያዳያ፥ ዩኤላነ ባናያ።44ሀዋንቱ ኡባቱ አይሁዳ ግደና ማቼቱዋ አኬዳዋንታ። እቱ እቱ ሀራይ አቶ ናናካ የሌድኖ።