ቢታ ሻኩዋ
1“ቢታ ሻካናዉ ማዝጋበቴዳ ዛራቱዋ ሱንይ ሀዋ: ሁጲሳ ባጋና እት ሳማይ ዳና ዛርያዉ እመቶ። ሄዌካ ሄትሎናፐ ሀማታዉ አፍያ ኦግያ ካሊደ፥ ሄዋፐካ ዳማስቆ ዛዋን ደእያ ሀጻር-ኤናና ማታ ካታማ አደ ሀማተ ማታን ዛዋቴ። ሄዌ አዋይ ዶልያ ባጋፐ ቢደ አዋይ ዉልያ ባጋ ጋካናዉ ደእያ ሳአዉ ሁጲሳ ባጋ ዛዋ ግዳና።2ዳና ዛዋና ኦይቀቲደ፥ አዋይ ዶልያ ባጋፐ አዋይ ዉልያ ጋካናዉ ደእያ እት ሳማይ አሴራ ዛርያዉ እመቶ።3አሴራ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ጋካናዉ ደእያ እት ሳማይ ንፍታሌማ ዛርያዉ እመቶ።4ንፍታሌማ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ጋካናዉ ደእያ እት ሳማይ ምናሰ ዛርያዉ እመቶ።5ምናሰ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ እት ሳማይ ኤፍሬማ ዛርያዉ እመቶ።6ኤፍሬማ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ጋካናዉ እት ሳማይ ሮቤላ ዛርያዉ እመቶ።7ሮቤላ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ጋካናዉ እት ሳማይ ይሁዳ ዛርያዉ እመቶ።8“ይሁዳ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ሳማ ዱማያ ዎ። አዉ ጎምፓይ ታማነ ላኡ ክሎ ሜትረነ ባጋ ግዴ። አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ዛርያ ሻክና ጋክያ ሳማና ቃራ። አዉ ግዶ ግሸቻን ጌሻ ጎሊ ደኤ።9“ሄ ሳማፐ ኔን መና ጎዳዉ ዱማያደ ዎያ ሳአይ ታማነ ላኡ ክሎ ሜትረነ ባጋ አዱሳነ ታሙ ክሎ ሜትረ አኮ ግዶ።10ሄ ሳአይ ቄሳቶ ዱማዬዳ ሳኣ ግዶ፤ እ ሁጲሳ ባጋና ታማነ ላኡ ክሎ ሜትረነ ባጋ አዱሳ፤ አዋይ ዉልያ ባጋና እቼሹ ክሎ ሜትረ አኮነ አዋይ ዶልያ ባጋናካ እቼሹ ክሎ ሜትረ አኮ፤ ቃይ ገድሳ ባጋና ታማነ ላኡ ክሎ ሜትረነ ባጋ አዱሳ። መና ጎዳ ጌሻ ጎሊ አዉ ግዶ ግሸቻን ደኤ።11ሀ ዱማይ ዎዳ ሳአይ እስራኤልያ አሳይ ታ ኦግያፐ ዎራ ስምያ ዎደ፥ ኡንቱንቱና ዎራ ስሜዳ ሌዋቱዋዳን ግደናን፥ አማነቲደ ታዉ ኦደ ጋምኤዳ፥ ጌሻ ቄሳቶ፥ ጻዶቃ ያራቶ እመቶ።12ሄዌ መና ጎዳዉ ዱማዬዳ ቢታፐ ኡንቱንቶ ዱማ ሳማ፤ እ ኡባፐ አዳ ጌሻ። ኡንቱንቱ ሳማይ ሌዋቶ ሳማን ዛዋቶ።13“ቄሳቱ ዋ ዛዋና ኦይቀቲደ፥ ሌዋቶካ አዱሳተ ታማነ ላኡ ክሎ ሜትረነ ባጋ፥ ጎምፓይካ እቼሹ ክሎ ሜትረ ግዴዳ እት ሳማይ እመቶ።14ኡንቱንቱ ሄ ጋድያፐ አያነ ባይዞፕኖ ዎይ ላሞፕኖ። ሄዌ ቢታ ኡባን ዱማቴዳዋ ግድያ ድራዉ፥ ሀራ አሳ ኩሽያን ገላናዉ በሰና፤ መና ጎዳዉ እ ጌሻ ሳኣ።15“አቴዳ ላኡ ክሎ ሜትረነ ባጋ አኮነ ታማነ ላኡ ክሎ ሜትረነ ባጋ አዱሳ ሳአይ ካታማ አሳይ ኡባይ ኮን ጎኤትያ ጎልያ ኬጽያነ መህያ ሄምያ ሳኣ ግዶ፤ ካታማይ ሄ ቢታዉ ግዶ ግሸቻን ደኦ።16ሄ ካታማይ ኦይዱ ሚዛናን ደኤ። ሁጲሳ ባጋይ 4 ክሎ ሜትረነ ባጋ፤ ገድሳ ባጋይ 4 ክሎ ሜትረነ ባጋ፤ አዋይ ዶልያ ባጋይ 4 ክሎ ሜትረነ ባጋ፤ አዋይ ዉልያ ባጋይካ 4 ክሎ ሜትረነ ባጋ።17ካታማዉ ሄን ጋዲ ደኦ፤ ሄ ጋዲ ሁጲሳ ባጋና፥ ገድሳ ባጋና፥ አዋይ ዶልያ ባጋናነ አዋይ ዉልያ ባጋና 250 ዋ አኮ ግዶ።18ጌሻ ሳኣ ባጋና አቴዳ ሳአይ አዋይ ዶልያ ባጋ ዋያ ዎደ፥ አዱሳተይ እቼሹ ክሎ ሜትረ፤ አዋይ ዉልያ ባጋ ዋያ ዎደ፥ አዱሳተይ እቼሹ ክሎ ሜትረ። ሄ ሳኣን ሞኬዳዌ ኡባይ ሄ ካታማን ኦያዋንቶ ቁማ ግዳና።19እስራኤልያ ዛረ ኡባፐ ሄ ካታማን ኦናዉ ይያዋንቱ ሄ ቢታ ጎሽኖ።20ህንተ ዱማይያ ሳአይ ኡባና ኦይዱ ማርያናካ ታማነ ላኡ ክሎ ሜትረነ ባጋ አዱቄ። ሄ ሳአይ ካታማይ ኬጸቴዳ ሳኣነ ጌሻ ሳኣ ባረናን ጉጄ።21“ጌሻ ጎልያፐ፥ ቄሳቱ ዋ ሳማፐ፥ ሌዋቱዋ ሳማፐነ ካታማ ሳኣፐ አዋይ ዶልያ ባጋናነ አዋይ ዉልያ ባጋና ደእያ አቴዳ ቢታይ ካፖ ግዶ። ሄ ቢታዉ ጎምፓይ ታማነ ላኡ ክሎ ሜትረነ ባጋ። ሄ ካፑዋ ቢታይ ሁጲሳ ባጋና ይሁዳ ጋኬዳ ሳማን፥ ገድሳ ባጋና ቢንያማ ጋኬዳ ሳማን ዛዋቴ።23አቴዳ ዛረቶ ቢታይ ሀዋዳን ሻከቴ። አዋይ ዶልያ ባጋፐ አዋይ ዉልያ ባጋ ጋካናዉ፥ እት ሳማይ ቢንያማ ዛርያዉ እመቶ።24ቢንያማ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ሳማይ ስሞና ዛርያዉ እመቶ።25ስሞና ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ሳማይ ይሳኮራ ዛርያዉ እመቶ።26ይሳኮራ ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ሳማይ ዛብሎና ዛርያዉ እመቶ።27ዛብሎና ዛዋና ኦይቀቲደ፥ አዋይ ዶልያ ባጋፐ አዋይ ዉልያ ባጋ ጋካናዉ ደእያ እት ሳማይ ጋዳ ዛርያዉ እመቶ።28ጋዳ ገድሳ ዛዋይ ታማራ ካታማፐ ደንዲደ፥ ማሪባ-ቃዴሳን ደእያ ፑልቱዋና አደ፥ ግብጼ ሻፋ ካሊደ ቢደ፥ ሜድተራነ አባ ጋኬ።29“ህንተ እስራኤልያ አሳዉ ላታ ኦደ ሻካና ቢታይ ሀዋ፤ ሀዋንቱ ኡንቱንታ ጋካና ሳማቱዋ። ታን ኡባ ሞድያ መና ጎዳይ ሀዋ ኦዳይ።ካታማ ፐንገቱዋ
30“ካታማፐ ከስያ ፐንገቱ ሀዋንታ። ኡንቱንቱ እስራኤልያ ዛራቱዋ ሱንን ጼገታና። ሁጲሳ ድርሳ ግምቢ 4,500 ዋ አዱቃና፤31ካታማ ፐንገቱ እስራኤልያ ዘረ ሱንን ጼገታና። ሁጲሳ ባጋና፤ ሮቤላ ፐንግያ፥ ይሁዳ ፐንግያነ ሌዊያ ፐንግያ ጌተትያ ሄዙ ፐንገቱ ደአና።32አዋይ ዉልያ ድርሳ ግምቢ 4,500 ዋ አዱቃና፤ ሄ ግምቢያን ዮሴፎ ፐንግያ፥ ቢንያማ ፐንግያነ ዳና ፐንግያ ጌተትያ ሄዙ ፐንገቱ ደአና።33ገድሳ ድርሳ ግምቢ 4,500 ዋ አዱቃና፤ ሄ ግምቢያን ስሞና ፐንግያ፥ ይሳኮራ ፐንግያነ ዛብሎና ፐንግያ ጌተትያ ሄዙ ፐንገቱ ደአና።34አዋይ ዉልያ ድርሳ ግምቢ 4,500 ዋ አዱቃና፤ ሄ ግምቢያን ጋዳ ፐንግያ፥ አሴራ ፐንግያነ ንፍታሌማ ፐንግያ ጌተትያ ሄዙ ፐንገቱ ደአና።35“ካታማ ዩሹ ኡባና ልክና፥ 18,000 ዋ ግዳናዋ። ሄ ዎድያፐ ዶሚደ ሄ ካታማይ፥ ‘መና ጎዳይ ሄዋን ደኤ’ ያጌቲደ ጼሰታና” ያጌ።