መና ጎዳዉ ዱማዬዳ ሳማ
1“ ‘ “ቢታ ህንተ ላታናዉ ሳማን ሻክያ ዎደ፥ ሄ ቢታፐ እት ሳማ መና ጎዳዉ ዱማዪደ ዎተ። ሄዌካ ታማነ ላኡ ክሎ ሜትረነ ባጋ አዱቂያነ ታሙ ክሎ ሜትረ አክያ ሳኣ ግዶ። ሄ ሳአይ ኡባይካ ጌሻ ሳኣ ግዶ።2ሄ ሳኣፐ ኦይዱ ማዛን ቃራ ግዴዳ አዱሳተይ 500 ዋ፥ ጎምፓይካ 500 ዋ ግዴዳ ሳአይ ጌሻ ጎልያሳ ግዶ፤ አ ዩሹዋን 50 ዋ ግዴዳ መላ ሳአይ ደኦ።3ሄ ጾሳዉ ዱማዬዳ ሳኣፐ አዱሳተይ ታማነ ላኡ ክሎ ሜትረነ ባጋ፥ ጎምፓይ ቃይ እቼሹ ክሎ ሜትረ ግዴዳ ሳኣ ልካደ ሻካ። ሄዋን ጌሻ ጎሊ፥ እካ፥ ኡባፐ አዳ ጌሻይ ደእያ ጌሻ ጎልያዉ ሳኣ ግዲደ ደኦ።4ሄዌ ጌሻ ጎልያ ግዶን መና ጎዳዉ ኦናዉ፥ አኮ ሺቅያ ቄሳቶ ዱማቴዳ ጌሻ ሳኣ ግዶ፤ ቃይ ኡንቱንቱ ባረንቱ ጎልያ ኬጽያ ሳነ ጌሻ ጎልያዉካ ጌሻ ሳኣ ግዶ።5ቃይ አትያ ታማነ ላኡ ክሎ ሜትረ ባጋ አዱቂያነ እቼሹ ክሎ ሜትረ ባጋ አክያ ሳአይ ጌሻ ጎልያን ኦያ ሌዋቱዋሳ ላታ ግዶ፤ ኡንቱንቱ ባረንቶ ደእያ ካታማቱዋ ሄዋን ኬጽኖ።6“ ‘ “ሄ መና ጎዳዉ ዱማዬዳ ሳኣ ምይያን ታማነ ላኡ ክሎ ሜትረነ ባጋ አዱቂያነ ላኡ ክሎ ሜትረነ ባጋ አክያ ሳአይ ካታማ ኬጻናዉ ደኡዋ፤ ሄ ሳአይ እስራኤልያ አሳዉ ኡባዉ ግዶ።እስራኤልያ ካፖ እመቴዳ ሳማ
7“ ‘ “እስራኤልያ ካፖ እመቴዳ ሳማይ ላኡ ባጋናካ ጾሳዉ ዱማዬዳ ሳኣንነ ካታማ ሳኣን ዛዋቴ። እ አዋይ ዉልያ ባጋና ሜድተራነ አባ ጋኬ፤ አዋይ ዶልያ ባጋና እስራኤልያ ቢታ ዛዋ ጋኬ። አዉ እስራኤልያ ዛርያፐ እቱዋ ሳማዳን፥ አዋይ ዉልያ ባጋ ዛዋፐ ቢደ፥ አዋይ ዶልያ ባጋ ዛዋ ጋኬ።8ሄ ሳማይ እስራኤልያ ቢታ ካፖ ላታ ጋድያ ግዶ። ሀዋፐ ስንን ታ ካፓቱ ታ አሳ ኡቁኖፕኖ፤ ኡንቱንቱ እስራኤልያ አሳይ ኡባይ ባረ ዛርያን ዛርያን ጋድያ አካናዳን ኦኖ” ያጌ።ካፑ አዛዘትያ ህግያ
9“ ‘ኡባ ሞድያ መና ጎዳይ ሀዋዳን ያጌ፤ “ህንተኖ፥ እስራኤልያ ካፓቶ፥ ህንተዉ ሀእ ግዳና! ህንተ ሻቢረነ አሳ ኡቁንያዋ አግተ፤ ሱረ ፕርዳነ ጽሎተ ኦተ። ታ አሳ ኡንቱንቱ ላታ ቢታፐ ቆሊደ የደርስያዋ አግተ። ታን ኡባ ሞድያ መና ጎዳይ ሀዋ ኦዳይ።10“ ‘ “ህንተ ኡባዉካ ልከ ሚዛናይነ ቃራ ግዴዳ ማክያባይ ደኦ።11ልክያባቱ ኡባዉ ግዶ ግድያ ጎሞረያግያ ልክያ ሚሻ ግዶ። መላባ ማክያ ኤፋ ግያ ሚሻይ ጎሞረ ኦይቂያዎ ታሙዋፐ እት ኩሽያ ግዶ፤ ቃይ ጉክያዋ ማክያ ባትያ ግያ ሚሻይካ ጎሞርያዉ ታሙዋፐ እት ኩሽያ ግዶ። ሄዋ ግያዌ አፋይነ ባቲ ብጸ ላገ ግያዋ።12ጉባ ልክያ ዎደ፥ ህንተ ልክያ ሚሻይ ሳቅለግዶ። ላታሙ ጌራይ እት ሳቅለ ግዶ፤ ቃይ ኡሱፑን ታሙ ሳቅሊ እት ምናነ ግዶ።13“ ‘ “ህንተ እሙዋ እሚደ፥ ሀዋዳን እምተ። ህንተ ቆጽ ሺሽያ ዛርጋፐ ኡሱፑን ታሙዋፐ እት ኩሽያ፥ ባንጋፐ ኡሱፑን ታሙዋፐ እት ኩሽያ፥14ቃይ ዎጋራ ዛይትያፐ ጼቱዋፐ እት ኩሽያ እምተ። ሀዋንታ ልክያ ዎደ፥ ኔን ማክያ ሚሻይ ባተ ግዶ። ታሙ ባቲ እት ጎሞረ ዎይ እት ኮረ ግዴ።15እስራኤልያ አሳይ ሄምያ ላኡ ላኡ ጼቱ መህያ ዉዲ ደእያዋፐ እት ዉድያፐ እት እት ዶርሳ እምተ። ሄዋንቱ አሳ ናጋራ አቶ ጊሳናዉ፥ ካ ያርሹዋ፥ ጹግያ ያርሹዋነ እትፐተ ያርሾ ግድኖ። ታን ኡባ ሞድያ መና ጎዳይ ሀዋ ኦዳይ።16ቢታን ደእያ አሳይ ኡባይ ሀዋ ኡባ እስራኤልያ ካፖ እሞ።17ካፑ ኦናዉ በስያ ኦሱ፥ እስራኤልያ አሳይ ቦንችያ ባላቱዋን፥ አግናይ ጼርያ ጋላሳትዋንነ ሳምባታቱዋን ጹግያ ያርሾቶ፥ ካ ያርሾቶነ ኡሻ ያርሾቶ ኮሽያዋ እሞ። እስራኤልያ አሳ ናጋራ አቶ ጊሳናዉ፥ ናጋራ ያርሾቱዋ፥ ካ ያርሾቶ፥ ጹግያ ያርሾቶነ እትፐተ ያርሾቶ ኡባዉ ኮሽያዋ እ እሞ” ያጌ።18“ ‘ኡባ ሞድያ መና ጎዳይ ሀዋዳን ያጌ፤ “ኮይሮ አግናን፥ ኮይሮ ጋላስ ትላ ቦላና እት ኮሩማ ጌሻ ጎልያ ጌሻናዉ ሺሻ።19ቄሲ ሀ ናጋራ ያርሹዋ ሱፐ አኪደ፥ ጌሻ ጎልያ ፐንግያ ቆስለቱዋ፥ ያርሽያ ሳ ዩሹዋን ደእያ ደዉ ኦይዱ ምዛናዉነ ግዶ ዳባባ አፍያ ድርሳ ፐንግያ ቆስለቱዋ ኦኮ።20ኦንነ ቆፐናን ዎይ ኤራና ዪደ ኦዳ ናጋራ አቶ ጊሳናዉ፥ አግናዉ ላፑን ጋላሳን ሄዋዳንካ ኦ። ያታደ ጌሻ ጎልያ ቱናተፐ ጌሻ።21“ ‘ “ኮይሮ አግናን፥ ታማነ ኦይደን ጋላሳን ፓስጋ ባላ ቦንችተ፤ ቃይ ላፑን ጋላስ ጋካናዉ፥ እርሹ ገልቤና ኡክ ሚተ።22ሄ ኮይሮ ጋላሳን ካፑ ባረ ግሻነ ባረ አሳ ድራዉ ናጋራ ያርሹዋ ኦደ ኮሽያዋ፥ እት ኮሩማ እሞ።23ሄ ባላይ ቦንቼትያ ላፑን ጋላሳቱዋን ሀች ሀች ላፑን ኮሩማቱዋነ ላፑን ዶርሳ ኦርገቱዋ ኡባይካ ትላ ቦላና ደእያዋንታ ጹግያ ያርሹዋ ኦደ፥ መና ጎዳዉ ኮሽያዋ እሞ። ሄዋናካ እትፐ ናጋራ ያርሾ ሀች ሀች እት ዴሻ ኦርግያ እሞ።24እት እት ኮሩማነ እት እት ዶርሳ ኦርግያ ያርሽያ ዎደ፥ ካ ያርሾ 17 ክሎ ግራመ ዛርጋነ ሄዙ ሊትሮ ዛይትያ እሞ።25“ ‘ “ላፑን አግናን፥ ታማነ እቼሻን ጋላሳን ዶምያ ላፑን ጋላሳ ባላ ዎድያን ኡባን፥ ናጋራ ያርሹዋ፥ ጹግያ ያርሹዋ፥ ካ ያርሹዋነ ዛይትያ ካሰዋፐ ዱማየናን ካፑ እሞ” ያጌ።