Read ህዝቄላ 19

ህዝቄላ19dwr_ent

እስራኤልያ ዳናቱዋ ዝላሳ

¹ጾሳይ ህዝቄላ፥ “እስራኤልያ ካፓቶ ሀዋዳን ያጋደ ዝላላ፤²“ህንተ አታ ጋሞቱዋ ግዶን፥እዛ አይባ ጋማቲ!ያላጋ ጋሞቱዋ ግዶን ግሳደ፥ባረ ማራቱዋ ድቻዱ።³እዛ ባረ ማራቱዋፐ እቱዋ ድችና፥ዎዳላ ጋሙዋ ከሴዳ።እ ሻንካ ታማሪደ፥ አሳ ሜዳ።⁴ካዉተቱ ኡባይ አባ ስሲደ፥ኦላን ገሊደ ኦይቀቴዳ።ኡንቱንቱ አ ማጋን ጎቺደ፥ግብጼ ቢታ አፌድኖ።

⁵“አ አታ ናጎዌ ፖለተናን እጽና፥ህዶታይ ዬዳዋ በኣደ፥ባረ ማራቱዋፐ ላኤንዋ ድቻደ፥ዎዳላ ጋሙዋ ከሳዱ።⁶እ ዎዳላ ጋሙዋ ግዲደ፥ሀራ ጋሞቱዋ ግዶን፥ያነ ሃነ ስመረቴዳ።እ ሻንካ ታማሪደ፥ አሳ ሜዳ።⁷እ ኡንቱንቱ ዎልቃማ ጌሱዋ መንሬደ፥ካታማካ ባይዜዳ።ቢታይነ ቢታን ደእያ አሳይ ኡባይ፥አ ጉደን ሻቢረቴዳ።⁸ዩሹዋን ደእያ ካዉተቱ ኡባይ፥አ ኦይቃናዉ ጲርያ የጌድኖ።ባረንቱ ግትያካ ምጬድኖ፤ባረንቱ ኦላን አ ኦይቄድኖ።⁹ኡንቱንቱ ባረንቱ ማጋን አ ጎቺደ፥ኮዳን ጊጌዳ ጉ ጎልያን የጊደ፥ባብሎነ ካትያኮ አፌድኖ።ላኤን አ ጉደይ እስራኤልያ ደረቱዋን ስሰተናዳን፥ኡንቱንቱ አ ቃሾ ጎልያ ገልሴድኖ።

¹⁰“ ‘ነ አታ ሃ ዶናን፥ቶከቴዳ ዎይንያ ቱራ ማላ።ዳሮ ሃይ ደእያ ድራዉ፥ሄ ዎይንያ ቱራይ አይፍያ ዳርጻጽ ኡቴዳ፤ቃይ ዳሮ ዳሻና ደኤ።¹¹አ ማራቱዋፐ ምንያዌ፥ሞድያዋንቱ ጻምኣ ግዴዳ።አ ማራይ ዎልቃማ ማራቱዋፐ አዱቂደ፥ቦላዉ አዳ።ባረ ማራቱዋ ጮራተንነቃተን ቦላና ቤቴዳ።¹²ሽን ሄ ቱራይ ሀንቁዋን ሾደቲደ፥ቢታን ኦለቴዳ።አዋይ ዶልያ ጫርኩ አ አይፍያ መልስና ቆቆፈቴዳ፤አ ምኖ ታሺ መልና፥ ታማይ ሜዳ።¹³ሀእ ቃይ እ ሃ ባይና፥መላ ቢታን ቶከቴዳ።¹⁴ታማይ አ ማራቱዋፐ እቱዋ ኦይቂደ፥አ አይፍያናካ ድፕ ኦደ ሜዳ።ያትና፥ ካዉተ ጻምኣ ግድያ፥አይ ምኖ ማራይካ አ ቦላን አትቤና።“ ‘ሀዌ ዬኩዋ ዝላሳ፤ ሀዋ ዝላሳዳን ጎኤታናዉ በሴ’ ያጋ” ያጌዳ።

ህዝቄላ 19 / dwr_ent

እስራኤልያ ዳናቱዋ ዝላሳ

ህዝቄላ19dwr_ent