ግሹዋን ቄሳቱ ዋ ጋክያዋ
1“ቄሰተን ኦያ ኩመን ሌዊያ ዛረቶ እስራኤልያ ግዶን ቢታ ላታይ ባዋ። ኡንቱንቱ አሳይ መና ጎዳዉ ሺሽያ ታማን ጹግያ ያርሹዋፐ ሚደ ደእያዌ ኡንቱንቶ ላታ።2ኡንቱንቶ ኡንቱንቱ እሻንቱ ግዶን ላታይ ደኤና፤ መና ጎዳይ ኡንቱንቶ ገፔዳዋዳንካ እ ኡንቱንቱ ላታ።3“ኮሩማ ዎይ ዶርሳ አሳይ ያርሾ ሺሼዳዋፐ ቄሳቶ በስያዌ ሀዋ: ምሳ፥ ላኡ ባጋ ጎጎንጩዋነ ኡሉዋ ግዶ አሹዋ ኡንቱንቶ እምኖ።4ህንተ ካፐ፥ ዎይንያፐነ ዛይትያፐ ኮይሮ ጋኬዳ አይፍያነ ህንተ ዶርሳ እክስያፐ ባይራቱዋ ቄሳቶ እሚታ።5አያዉ ጎፐ፥ ኡንቱንቱነ ኡንቱንቱ ናናይ መና ጎዳ ሱንን ኤቂደ፥ መናዉ ቄሴ ግዲደ ኦና ማላ፥ ህንተ ዛርያ ኡባ ግዶፐ መና ጎዳይ ህንተ ጾሳይ ኡንቱንታ ዶሬዳ።6“ሌዊያ ዛረ ግድያ እት አሳይ እስራኤልያ ጋድያን አይ ካታማፐነ ደንዲደ፥ መና ጎዳይ ዶርያ ሳአዉ ዮፐ፥7እ ብያሳን ደእያ ሌዋቱ መና ጎዳ ስንን ኤቂደ ኦያዋዳን፥ እካ መና ጎዳ ባረ ጾሳ ስንን ኤቂደ ኦ።8ቃይ ባረ አዉዋ አቁዋ ባይዝና፥ ባረና ጋክያዋ አኬዳዋ ግዶፐካ፥ ሌዋቱ ጎኤትያዋ ኡባ ኡንቱንቱና ልከ ሻኪደ አኮ።ኢታ ሜዝያፐ ናገታናዳን እመቴዳ ሴራ
9“መና ጎዳይ ህንተ ጾሳይ ህንተንቶ እሜዳ ቢታ ገልያ ዎደ፥ ሄ ጋድያን ደእያ አሳይ ኦያ ቱና ኦሱዋ ኦፕተ።10ባረ አቱማ ናኣ ዎይ ማጫ ናቶ ያርሾ ጊደ፥ ታማን ጹግያ አይ አሳይነ ህንተ ግዶን ቤቶፖ። ብትያዌ፥ ማራጭያ ጼልያዌ፥ ሙሩንያዌነ ካጫ ኦድያዌ ቃይ ህንተ ግዶን ደኦፖ።11አያንቲያዌ፥ አያናቱዋ ጼግያዌ፥ ሻሬችያዌነ ሀይቄዳ አሳ አያና ጼግያዌ ህንተ ግዶን ደኦፖ።12ሄዋ ማላባ ኦያ አይ አሳይነ መና ጎዳ ማታን እጸቴዳ አሳ። ኡንቱንቱ ሄዋ ማላ ቱና ኦያ ድራዉ፥ መና ጎዳይ ህንተ ጾሳይ ሄ ካዉተ ህንተ ስንፐ የደርሳና።13ሽን ህንተ መና ጎዳ ህንተ ጾሳ ስንን ኩመን ፖኮባይ ባይናዋንታ ግድተ።ጾሳይ ናብያ ኪታና ጌዳዋ
14“ሀ ህንተ ላታናዉ ብያ ጋድያን ደእያ ካዉተቱ ሙሩንያዋንቱነ ማራጭያ ጼልያዋንቱ ኦድያዋ ስስያዋንታ። ሽን ህንተ ሄዋ ኦናዳን መና ጎዳይ ህንተ ጾሳይ ህንተና ተኤዳ።15መና ጎዳይ ህንተ ጾሳይ፥ ህንተ ዛርያ ግዶፐ፥ ታ ማላ ትምቢትያ ኦድያዋ ህንተንቶ ደንና። ህንተ እ ግያዋ ስስተ።16ህንተ ሲና ደርያ ቦላን ሺቄዳ ዎደ፥ መና ጎዳ ህንተ ጾሳ ሀዋዳን ያጊደ ኦቼድታ፤ ‘ኑን ሀይቀናዳን፥ መና ጎዳ ኑ ጾሳ ኮሻ ዛር ስሶኮ፤ ቃይ ሀ ዎልቃማ ታማካ ላኤን በኦኮ’ ያጌድታ።17“መና ጎዳይ ታዉ ሀዋዳን ያጌዳ፤ ‘ኡንቱንቱ ጌዳዋ ኡባ ልከ ጌድኖ።18ታን ኡንቱንቱ ዛራቱ ግዶፐ፥ ነ ማላ ትምቢትያ ኦድያዋ ኡንቱንቶ ደንና፤ ታ ቃላ አ ዶናን ዎና፤ እካ ታን አ አዛዝያ ኡባ ኡንቱንቶ ኦዳና።19እ ታ ሱንን ኦድያ ታ ቃላ ስሰና ኦስነ ሀሉዋ ታን ከሳና።20ሽን ታ አዛዛቤናዋ ጻሊደ ታ ሱንን ኦድያዌ ዎይ ሀራ ጾሳቱዋ ሱንን ኦድያ ሄ ትምቢትያ ኦድያዌ ሀይቆ’ ያጌዳ።21“ህንተ፥ ‘ትምቢትያ ኦድያዌ ኦድያ ቃላይ መና ጎዳፐ ግደናዋ አያን ሻክ ኤራኔ?’ ያጎፐ፥22ሄ ትምቢትያ ኦድያዌ መና ጎዳ ሱንን፥ እ ኦዴዳ ቃላይ ፖለተናን እጾፐ፥ ሄዌ መና ጎዳይ ኦድቤና ቃላ ግድያዋ ኤሪታ። ሄ ትምቢትያ ኦድያዌ ዎርዱዋን ኦዴዳ ድራዉ፥ አዉ ያዮፕተ።