Read 2 ሳሜላ 22

2 ሳሜላ22dwr_ent

ዳዊተ ጾን ስሚደ የጼዳ የ

¹መና ጎዳይ አ ሞርከቱዋ ኡባ ኩሽያፐነ ሳኦላ ኩሽያፐ አሼዳ ጋላስ ዳዊተ መና ጎዳዉ ሀ የ የጼዳ።

²“መና ጎዳይ ታዉ ዎጋ ዛላ፤ታን ኦላፐ ናገትያ ሚጻ፤እ ታና አሽያዋ።³ታ ጾሳይ ታን አኮ ባቃትያ ታ ዎጋ ዛላ።እ ታ ጎንዳልያ፤እ ታና አሽያ ዎልቃማ።እ ታን ቆሰታ አትያ ሳኣ፤እ ታና ማካላንቻ አሳቱዋፐ አሼ።⁴ጋላታይ በስያ መና ጎዳ ታን ጼሳይ፤እ ታ ሞርከቱዋፐ ታና አሼ።

⁵“ሀይቁዋ ቤታይ ታ ሄራን ስርመቴ፤ባሻይ ድኡዋዳን ታና ሙኬዳ።⁶ዱፉዋ ዎዶሩ ታና ቃቻና ሀኔ፤ሀይቁ ጲርያዳን ታና ኦይቄዳ።⁷ታና መቱ ኢስና መና ጎዳ ጼሳድ፤‘ታና ማዳ’ ጋደ ታ ጾሳዉ ዋሳድ።እ ባረ ጌሻ ጎልያን ታ ኮሻ ስሴዳ፤ታን ዋሴዳ ዋሱ አ ሀይን ዎዳ።

⁸“ጾሳይ ሀንቀቴዳ ድራዉ፥ቢታይ ዪቂዪቂደ ቃጼዳ፤ደረቱዋ ጻጱ ጋጅ ጋጅ ኮኮሬዳ።⁹አ ሲያፐ ሀንቁዋ ጩዋይ ጩዋቴዳ፤አ ዶናፐ ምያ ታማ ላጩነ ጹግያ ቦንቁ ከሴዳ።¹⁰ሳሉዋ እ ጳልቂደ፥ ዱገ ዎዳ።ሄ ዎደ አ ገድያፐ ጋርሳና መዳ ሻሪ ደኤ።¹¹ቀፍያና ደእያ ኪታንቻቱዋን፥ክሩበቱዋን ኡቲደ ፓሌዳ፤ጫርኩዋ ቀፍያ ቦላን ቤቴዳ።¹²ባረና ማን ካሜዳ፤አ ዱንካኒ እራና መዳ ሻርያ።¹³አ ስንን ደእያ ዎልቃማ ፖኡዋፐታማ ላጩ ከሴዳ።

¹⁴“ቃይ መና ጎዳይ ጉጉንዳን ሳሉዋፐ ጉሜዳ።ኡባፐ ቂያ ጾሳይ ባረ ኮሻ ስሴዳ።¹⁵ባረ ዎንዳፍያ አዳ የዲደ፥ባረ ሞርከቱዋ ላሌዳ።ዋልቃን ፖኡዋ ኪቲደ፥ኡንቱንታ የደርሴዳ።¹⁶መና ጎዳይ ሴሬዳ ዎደነ፥ሀንቀቲደ ፔኑቄዳ ዎደ፥አባ ሃይ ግሴዳ ቢታይ በቴዳ።ቃይ ሳኣ ባሱካ ቆንጬዳ።

¹⁷“ጾሳይ ቦላፐ ኩሽያ ዱገ የዲደ፥ ታና ኦይቄዳ፤ጪማ ሃፐ ታና ከሴዳ።¹⁸እ ታና ታ ዎልቃማ ሞርክያፐነታና እጽያዋንቱፐ አሼዳ፤አያዉ ጎፐ፥ ኡንቱንቱ ታዉ ሎይ ዳሮ ዎልቃማ።¹⁹ታ ዋይያ ጋላስ፥ኡንቱንቱ ታ ቦላ ደንዴድኖ፤ሽን መና ጎዳይ ታና ዘምፕስያዋ።²⁰እ ታና አኮ ሳኣ ከሴዳ፤ታናን ናሸቴዳ ድራዉ፥ ታና አሼዳ።

²¹“ታ ጽሎተዳን መና ጎዳይ ታዉ ጭጌዳ፤ታ ኩሽያ ጌሻተዳን እ ታዉ ዛሬዳ።²²ታን መና ጎዳ ኦግያ ካላድ፤ታን ታ ጾሳ አጋደ ዎራ ባበይከ።²³ታን አ ህግያ ኡባ ናጋድ፤አ ዎጋ ፖልያዋ አጋበይከ።²⁴ታን አ ስንን ሱረ ደኣድ፤ታን ታና ናጋራፐ ናጋድ።²⁵ሄዋ ድራዉ፥ መና ጎዳይ ታዉታ ጽሎተዳንነ ታ ጌሻተዳን ዛሬዳ።

²⁶“አቤት ጾሳዉ፥ አማነትያዋንቶ ኔን አማነትያዋ፤ሱረቶ ኔንካ ሱረ።²⁷ጌሻቶ ኔንካ ጌሻ፤ሽን ጌላቶ ኔን ጭንጫ።²⁸ባረንታ ዝቂስያዋንታ አሻሳ፤ሽን ባረንታ ቂስያዋንታ ዝቂሳናዉ ኔን ኡንቱንታ ጼላሳ።²⁹አቤት መና ጎዳዉ፥ ታ ጾምፒ ኔና፤መና ጎዳይ ፖእስና፥ ታ ማይ ክቼ።³⁰ነ ማዱዋን ታን ታ ሞርከ ኦላንቻቱ ቦላ ዎራጃይ፤ታ ጾሳን ታን ኡንቱንታ ሚጻ ጼራና ጉፓ አይ።³¹ጾሳ ኦጊ ሱረ።መና ጎዳ ቃላይ አማነትያዋ።አኮ ባቃትያ ኡባቶ እ ጎንዳለ።³²መና ጎዳፐ አትና፥ ሀራ ጾስ ባዋ፤ኑ ጾሳፐ አትና፥ሀራ ዎጋ ዛል ባዋ።³³ታዉ ዎልቃ እምያዌነታ ኦግያ ሳሮ ኦያዌጾሳቴ።³⁴እ ታ ገድያገንእያ ገድያዳን ምንሴ።ታና ቃ ግሹዋን ሳሮተን ዎ።³⁵እ ታ ኩሽያ ኦላ ሜዘዬ፤ሄዋ ድራዉ፥ ታን ታ ቀስያን፥ናሃስያ ግያ ብራታ ዎንዳፍያን ዳፋደ ዱካይ።

³⁶“ታና አሽያ ነ ጎንዳልያኔን ታዉ እማዳ፤ነ ሎኦ ኦካይ ታና ግታዬ።³⁷ታን ሀመትያ ሳኣ አሳሳ፤ሄዋ ድራዉ፥ ታ ገዲ ሀልጽቤና።³⁸ታ ሞርከቱዋ ታን የደርሳደ መንሬድ፤ታን ኡንቱንታ ይሰናን ደኣደ ጉየ ስማበይከ።³⁹ታን ኡንቱንታ ላኤን ደንደናዳን ሾጫድ፤ኡንቱንቱ ታ ገድያን ኩንዴድኖ።⁴⁰ኦላዉ ታና ዎልቃ ዳንጭሳዳ፤ታናና ጋዳትያዋንታ ታዉ ጉልባትሳዳ።⁴¹ታ ሞርከቱዋ ታ ስንፐ ጉየ ባቃትሳዳ፤ታና እጽያዋንታ ታን ይሳድ።⁴²ባረንታ ማድያዋ ኮዬድኖ፤ሽን ኦንነ ኡንቱንታ አሽቤና።መና ጎዳካ ኡንቱንቱ ጼሴድኖ፤ሽን እ ኡንቱንቶ ኮይቤና።⁴³ታን ኡንቱንታ ባናዳን ሊቅሳድ፤ኦግያን ደእያ ኡርቃዳንካ ኡንቱንታ ድርጸሬደ የድ።

⁴⁴“ታ አሳ ማካላፐ ታና አሻዳ።ካዉተቱዋ ቦላ ሱንደ፥ ታና ናጋዳ፤ታን ኤረና አሳይ ታዉ ሞደቴዳ።⁴⁵አላጋ ጋደ አሳይካ ታ ስንን ጉልባቴ።ኡንቱንቱ ታ ዋርያ ስሲደ፥ታዉ አዛዘቲኖ።⁴⁶ኡንቱንቱ ዎዛና ካሃ ባዪኖ።ባረንቱ ናገትያ ሚጻፐ ኮኮሪደ ዪኖ።

⁴⁷“መና ጎዳይ ደኤ! ጾሳይ፥ታ ዎጋ ዛላይ ጋላተቶ።ጾሳይ፥ ታና አሽያ ዛላይ፥ቁ ቁ ጎ።⁴⁸እ ታ ሀሉዋ ከስያ ጾሳ፤ካዉተቱዋ ታፐ ጋርሳና ዎያዋ።⁴⁹ታ ሞርከቱዋፐ ታና ከስ አክያዋ።አቤት ጾሳዉ፥ ኔን ታናና ጋዳትያዋንቱ ቦላንታና ቁ ቁ ኦሳ።ማካላንቻ አሳቱዋፐ ኔን ታና አሻሳ።⁵⁰ሄዋ ድራዉ፥ ታንመና ጎዳ ካዉተቱዋ ግዶን ጋላታና፤ታን ነ ሱንካ ሳባና።

⁵¹“ጾሳይ ባረ ካትያዉጾኑዋ ቦላን ጾኑዋ እሜ።ባረ ኦኬዳዎ፥ ዳዊተዉነ አ ዘረዉ፥አገና ሲቁዋ መናዉ በሰ”ያጊደ የጼዳ።

2 ሳሜላ 22 / dwr_ent

ዳዊተ ጾን ስሚደ የጼዳ የ

2 ሳሜላ22dwr_ent