2 ቆሮንቶሳ6dwr_ent
1ህንተ ኑናና ጾሳ ኦሱዋ ኦደ፥ አ አ ኬካተ አኪደ ሀነና ኦግያን ጎኤተና ማላ፥ ኑን ህንተና ዎሴቶ።2አያዉ ጎፐ ጾሳይ፥“ታን እንጀ ዎድያን፥ኔን ግያዋ ስሳድ፤ቃይ አቶተ ጋላስ፥ኔና ማዳድ”ያጌ። በእተ፥ እንጀ ዎዲ ሀአ። በእተ፥ አቶተ ጋላሳይ ሀቻ።3ኑን ኑ ኦሱዋ ኦንነ ቦራናዋ ኮዮኮ፤ ቃይ ኦናነ ባናዋ ኮዮኮ።4ሽን ኡባባን ኑን ጾሳ ኦሳንቻቱዋ ግድያዋ ኑ ሁጲያን በሴዶ፤ ዳሮ ገንጫን፥ ዋይያን፥ መቱዋን፥ ዎልቃማ ቱጋን፥5ልሱዋን ሾጨትያዋን፥ ቃሹዋን፥ ሻቢረቱሳን፥ ዳቡራን፥ ገምእሹዋ ይያዋን፥ ጾማን፥6ጌሻተን፥ ኤራተን፥ ዳንዳያን፥ ኬካተን፥ ጌሻ አያናን፥ ቱሙ ሲቁዋን፥7ቱሙዋ ሃሳይያዋን፥ ጾሳ ዎልቃን ኑን ጾሳ ኦሳንቻቱዋ ግድያዋ ኑ ሁጲያን በሴዶ፤ ቃይ ጽሎተ ቶራ ኡሸቻ ኩሽያን፥ ጎንዳልያ ሀድርሳ ኩሽያን ኦይቃና።8ኑን ቦንቼቴዶነ ቶሸቴዶ፤ ቦረቴዶነ ጋላተቴዶ። ቃይ ቱሙዋ ሃሳዬቶ፤ ሽን አሳይ ኑና ዎርዱዋ ጊደ ቆፔ።9ኑን አሳይ ኤረና አሳ ማላ፤ ሽን አሳይ ኡባይ ኑና ኤሬ፤ ኑን ሀይቄዳ አሳ ማላ፤ ሽን ህንተ በእያዋዳንካ ደኤቶ፤ ሙረቴዳ አሳ ማላ፤ ሽን ሀይቂበይኮ።10ኑን ካዮትያዋንታ ግዶፐካ፥ ኡባ ዎደ ናሸቴቶ። ህዬሳ ማላቴቶ፤ ሽን ዳሮ አሳ ዱረዬቶ፤ ቃይ አያይነ ባይና አሳ ማላቴቶ፤ ሽን ኡባባይካ ኑዋ።11ቆሮንቶሳን ደእያ አሳዉ፥ ኑን ህንተንቶ ቆንጭያን ኦዴዶ፤ ኑ ኡሉዋካ ህንተና በሴዶ፤12ኑን ህንተንቶ ብበይኮ፤ ቤዳዋንቱ ህንተና። ኑን ኑ ኡሉዋ ህንተንቶ ገንበይኮ፤ ሽን ህንተ ኡሉዋ ኑዉ ገንዳዋንቱ ህንተና።13ሀእ ታን ታ ናናዉ ሃሳይያዋዳን፥ ህንተንቶ ሃሳያይ፤ ኑን ህንተና ኑ ኡሉዋ በሴዳዋዳን፥ ህንተካ ኑና ህንተ ኡሉዋ አስ ዶዪደ በስተ።