1 ተሰሎንቀ3dwr_ent
1ሄዋ ድራዉ፥ ኑዉ ገንጫናዉ ዳንዳየተናን እጼዳ ዎደ፥ አቴና ግያ ካታማን ኑረካ አታናዉ ቆፋ ቃቼዶ።2ህንተና ዞራናዳንነ ህንተንቱ አማኑዋን ህንተና ምንሳናዳን፥ ጾሳዉ ኦያ ኑ እሻ፥ ኑናና እትፐ ክርስቶሳ ምሽራቹዋ ቃላ ኦድያ ጽሞቶሳ ህንተኮ ኪቴዶ።3ሀ ዋይያ ጋሱዋን ህንተፐ ኦንነ ጉየ ስመና ማላ፥ አ ኪቴዶ። ኑን ሄዎ ዶረቴዳዋ ህንተንቱ ህንተንቱ ሁጰዉ ኤሪታ።4አያዉ ጎፐ፥ ኑን ህንተናና ደኢደ፥ ኑን ዋየታናዋ ካሰቲደ ህንተንቶ ኦዴዶ፤ ቃይ ህንተንቱ ኤርያዋዳንካ ካሰ ሄዋዳን ሀኔዳ።5ሄዋ ድራዉ፥ ቃይ ገንጫናዉ ታዉ ዳንዳየተናን እጼዳ ዎደ፥ “ኦን ኤር ጻላህያ ካፑ ህንተና ፓጨናን አገና። ኑ ዳቡራይካ መላ ግደናን አገና” ያጋደ ህንተንቱ አማኑዋ ኤራናዉ ጽሞቶሳ ህንተኮ ኪታድ።6ሽን ሀእ ጽሞቶስ ህንተንቱ ማታፐ ኑኮ ዪደ፥ ህንተንቱ አማኑዋባነ ህንተንቱ ሲቁዋባ ህንተንቶ ምሽራቹ ጊደ ኑዉ ኦዴዳ። ቃይ ኑን ህንተና በአናዉ ላሞትያዋዳን ህንተካ ኑና በአናዉ ላሞቲደ፥ ኡባ ዎደ ኑዉ ሎኦባ ቆፕያዋ እ ኦዴዳ።7ሄዋ ድራዉ፥ ኑናዳን ጾሳ ካልያዋንቶ፥ ኑ ዋይያንነ ኑ ቱጋን ኡባን ህንተንቱ አማኑዋ ባጋና ህንተዋን ኑ ምነቴዶ።8ጎዳን ምኒደ ህንተንቱ ደኦፐ፥ ኑንካ ሀእ ደኤቶ።9አያዉ ጎፐ፥ ኑን ህንተባዉ ጾሳ ጋላቴቶ። ኑን ኑ ጾሳ ስንን ህንተንቱ ድራዉ ደእያ ናሸቻ ኡባዉ አ ዳሮ ጋላቴቶ።10ኑን ህንተና በአናዉነ ህንተንቱ አማኖ ፓጬዳዋ ኩንናዉ፥ ቃማነ ጋላስ ኑ ኩመን ዎዛናፐ ጾሳ ዎሴቶ።11ኑ አዉ፥ ኑ ጾሳይ ባረ ሁጰዉ፥ ቃይ ኑ ጎዳይ የሱስ ክርስቶስ ኑን ህንተኮ ብያ ኦግያ ኑዉ ጊግሶ።12ኑን ህንተና ሎይ ሲቅያዋዳን፥ ጎዳይ ህንተንቱ እቱ እቱዋ ሲቅያ ሲቁዋነ ቃይ አሳ ኡባ ሲቅያ ሲቁዋ ህንተንቶ ዳርሶነ ጉጆ።13ኑ ጎዳይ የሱስ ባረ ጌሻቱዋ ኡባና ይያ ዎደ፥ ኑ ጾሳ፥ ኑ አዉዋ ስንን ህንተ ዎዛናይ ጌሻነ ፖኩ ባይናዋ ኦደ፥ ህንተና እ መን።