LUKAS22
1Perayaan Roti Mo Baragi, sa dukuhui Paskah, haot dini.2Imam-imam kapala lukun guru-guru agama rahat kelo sara ngunau awe de tau munu Yesus mererene gana ire takut lukun lun deo.3Tahui Raja Setan huluk huang aheng Yudas sa dukuhui lei Iskariot, nehiyo isa neke kuduablas rasul Yesus.4Gana hiyo Yudas tulak tong imam-imam kapala lukun kepala-kapala penjaga Blai Allah, de mampakat tentang ngunau awe sara ne de tau nyarah Yesus tong ire.5Ire begoh bebene tahui bajanyi de ngokoi duit tong ne.6Yudas susuk bebene tahui kelo kesempatan de nyarah Yesus tong ire, awe tanau lun deo.7Maka hampe andrau ne de ngaraya Parayaan Roti Mo Baragi. Tei andrau hiyo lun harus neleng domba de okan Paskah8Tahui Yesus nyingku Petrus lukun Yohanes, “Tulak de nyiap okan Paskah dela taka.”9Ire rueh batane, “Tei awe Hanyu kakan kamin nyiap ne?”10Samut Yesus, “Tei waktu kon huluk kota, kon sagar bakahalu isa laki sa koit pahat biisi ranu. Uma ne tong blai sa duhuluk ne11tahui uhui lukun sa ampun blai hiyo: Bapak Guru kuhui, ‘Tei awe uneng de murid-murid-Ku lukun Ku kuman okan Paskah?’12Tahui, sa ampun blai hiyo sagar nundru lukun kon isa kamar sa gaya tei loteng, lengkap lukun parabutne. Siap bo kongorengne tei anai.”13Maka Petrus lukun Yohanes tulak, lukun ire kahalu kongorengne jari pas ngunau sa haot dukuhui Yesus lukun ire. Tahui, ire nyiap pongokan Paskah.14Rahat haot waktu ne de kuman pongokan Paskah hiyo, Yesus maharung dadayo rasul-rasul-Ne.15Tahui Ne kuhui lukun ire, “Ku kakan bebene kuman pongokan Paskah ti dadayo kon samale Ku mantais.16Gana, prasaya bo: Ku mo sagar kuman ti eso hampe arti neke perjamuan ti nyata tei Kerajaan Allah.”17Libas hiyo Yesus ngengkat sangkir angur, kuhui sukur tong Allah, tahui kuhui, “Nigo ti, tahui nyabagi tei antara kon.18Gana Ku kuhui lukun nu: Malai hayakti Ku mo sagar kinum angur ti eso hampe Kerajaan Allah haot hulet.”19Libas hiyo Yesus nigo roti, kuhui sukur, tahui Ne nyibek-nyibek roti hiyo pakai tangan-Ne tahui ngokoi tong ire tahui kuhui, “Ti tenga-Ku sa sanarah dela kon. Gawi ngunau ti de ngingat Ku.”20Ngunau hiyo lei libas kuman. Ne ngokoi sangkir angur hiyo tong ire lukun kuhui, “Sangkir ti nehiyo perjanyian Allah sa bio, haot sah awi raha-Ku, raha sa tunumpak dela kon.”21Tapi, teau! Lun sa sagar nyarah Ku naan tei ti dayo Ku!22Anak Mirisia mla sagar matei ngunau sa kanakan Allah; tapi bajangan bo lun sa nyarah-Ne!”23Maka ire malai batane-tane, hiye tei antara ire sa sagar gawi ngunau hiyo.24Tahui, rasul-rasul Yesus bulo isa lukun sa lain tentang hiye antara ire sa paling gaya.25Jari, Yesus kuhui, “Pimimpin-pimimpin bangsa sa mo kinut Allah minindas rakyat ne, lukun penguasa-penguasa ne, ire kakan de rakyat nguhui ire ‘Pilinung Rakyat.’26Tapi, kon mo tau ngunau hiyo! Bat, lun sa pangagaya tei antara kon harus jari ngunau lun sa pingingkidik, lukun pimimpin harus jari ngunau pelayan.27Hiye sa labih gaya: lun sa maharung kuman tei ti, atawa lun sa malayani ne? Sareh lun sa maharung hiyo. Tapi Ku naan tei antara kon jari pelayan.28Kon talalahui setia lukun-Ku huang kongoreng katais sa dikinam Ku.29Maka, Ku sagar ngokoi kuasa tong kon de merentah, sama ngunau Bapa-Ku ngokoi kuasa lukun-Ku.30Jari, huang Kerajaan-Ku hiyo, kon sagar kuman kinum dayo-Ku. Lukun kon asing-asing sagar maharung tei kuduablas tahta de merentah kuduablas suku bangsa Israel.”31“Simon, Simon, ringo ti! Raja Setan haot dokokoi ijin de nguji kon; ngunau gandum sa pinisah neke upak ne, maka sa asuh pinisah neke sa dat.32Tapi Ku haot bodoa dela nu, Simon, de nu tatap prasaya lukun-Ku. Lukun amun nu waleng lukun-Ku, nu harus pukuat puloksanai-puloksanai nu.”33Petrus nyamut, “Tuhan, ku rela huluk penjara lukun matei dadayo Tuhan!”34Yesus kuhui, “Prasaya bo Petrus, samale piak mongkoko andrau ti, nu telu kali mangaku mo kinut-Ku.”35Libas hiyo Yesus kuhui lukun ire, “Hurap rahat Ku nyingku kon lukun mo kelewa kon koit epau, tas wahasi, atawa sapatu, hiye kon naan kukurangan? Samut ire, “Mo!”36Yesus kuhui, “Tapi hayakti hiye sa naan epau atawa tas wahasi, harus koit ne; lukun hiye sa awe naan pedang, harus ngiai jubah ne de midi pedang.37Gana, prasaya bo, ayat Kitab Suci sa ngunau ti eau ne, ‘Ne kananggap lun jahat,’ harus jari tei arep-Ku. Gana kongoreng sa tunulis tei huang Kitab Suci tentang Ku rahat jari hayakti.”38Murid-murid Yesus kuhui, “Tuhan, tei ti naan rueh pedang.” Samut Yesus, “Haot bo!”39Yesus tulak tong luar kota lukun ngunau biasa, Ne tulak tong Bontot Jaitun. Rasul-rasul-Ne gin tulak uma-Ne.40Rahat ire hampe tei hiyo, Yesus kuhui lukun ire,“Kon harus bodoa de kon mo bodosa amun naan pencobaan.”41Libas hiyo Ne tulak labih oro dodoho neke ire, lukun Ne sujud tahui bodoa.42Uhui-Ne, “Bapa, amun tau, ada nonop ku nginam katais ti. Tapi gawi bo susuai lukun sa kanakan Bapa, mo ngunau kanakan-Ku.”43Rahat Ne bodoa, naan malaikat hulet tong-Ne de pukuat-Ne.44Yesus bujur mantais tahui bodoa makin bujur-bujur. Lahik-Ne ngunau raha mitek tong tane.45Tupon bodoa, Yesus waleng pudi tong rasul-rasul-Ne. Ne kahalu ire rahat mandre gana dat sehu.46Tahui Ne kuhui lukun ire, “Kunohiye kon mandre? Sele lukun bodoa de kon mo kuno cobaan.47Tandring Yesus eso bapaner, hulet isa rombongan lun. Ire pinimpin awi Yudas, isa neke kuduablas rasul Yesus. Yudas tulak tong Yesus lukun nunuh Ne.48Tapi Yesus kuhui lukun ne, “Yudas, hiye lukun tunuh hiyo nu nyarahan Anak Mirisia?”49Rahat rasul-rasul-Ne haot sadar hiye sa sagar jari, ire tane lukun Yesus, “Tuhan, hiye kamin harus ngalawan ire pakai pedang?”50Tahui erai kulun neke ire manyarang hamba imam agung, nampek kilinge sanan ne pakai pedang hampe mitus.51Tahui Yesus bapaner, “Haot bo!” Tahui Ne nyaput kilinge lun hiyo, lukun pamaeh ne.52Tahui Yesus kuhui lukun imam-imam kepala, perwira-perwira pengawal Blai Allah, lukun pemimpin-pemimpin Yahudi sa hulet tong hiyo de nyaput-Ne, “Hiye Ku ti penjahat, hampe kon hulet koit pedang lukun pamantu de nyaput Ku?”53Padahal, tiap andrau Ku naan lukun kon tei Blai Allah lukun waktu hiyo kon mo nyaput Ku. Tapi hayak ti kesempatan dela kon, rahat Raja Setan gawi kanakan ne.”54Ire nyaput Yesus tahui koit-Ne tong blai Imam agung. Petrus uma neke oro.55Tei botuk natat hiyo naan pandruk apui sa haot penelelap, lukun Petrus maharung dadayo lukun lun-lun sa maharung tei kililing ne.56Erai kulun hamba wawei neau Petrus maharung tei iring pandruk apui hiyo; hamba wawei hiyo niliti Petrus, tahui kuhui, “Lun ti gin iroh naan dadayo lukun Yesus!”57Samut Petrus, “Mo! Ku mo kinut-Ne!”58Mo ela libas hiyo, naan lun lain neau Petrus tahui kuhui lukun ne, “Nu gin isa neke ire!”
Tapi Petrus nyamut, “Mo! Lain ku!59Kikira erai jam libas hiyo, naan lun lain sa mingkiak, “Mla bujur lun ti murid Yesus, gana ne gin lun Galiea!”60Tapi Petrus nyamut, “Ku mo tanau hiye sa dukuhui nu hiyo!” Rahat hiyo lei, tandring Petrus eso bapaner piak mongkoko.61Tahui Yesus ngulis tong arah Petrus lukun neau Petrus. Maka tirikingat Petrus bahwa Tuhan haot kuhui lukun ne, “Samale piak mongkoko tei andrau ti, nu haot telu kali mangaku mo kinut-Ku.”62Tahui Petrus tulak neke hiyo lukun nangis nyinsirok.63Lun-lun sa rahat ngajaga Yesus, nguhulut-Ne lukun ngompak-Ne.64Ire nalou mate-Ne tane lukun-Ne, “Suba Hanyu nanguh hiye sa ngompak Nu?”65Deo bebene punguhui sa ngawada-Ne.66Tei kiat andrau ne, pimimpin-pimimpin Yahudi, imam-imam kapala, lukun guru-guru agama simpun, tahui Yesus dokoit tong tama Mahkamah Agama ire.67Uhui ire lukun-Ne, “Wara lukun kamin, hiye Hanyu ti Raja Panyalamat? Yesus nyamut, “Amun Ku mara lukun nu, kon sareh mo sagar prasaya lei.68Lukun amun Ku tane lukun nu, sareh kon sagar mo nyamut.69Tapi malai neke hayakti, Anak Mirisia sagar maharung tei tuhi sanan Allah Sa Paling Bukuasa.”70Kongoreng ire kuhui, “Amun ngunau hiyo, Hanyu ti Anak Allah?”
Yesus nyamut, “Ngunau hiyo uhui kon.”71Tahui ire kuhui, “Mo perlu eso saksi! Taka haot kiringo neke mulut Ne!”
Tapi Petrus nyamut, “Mo! Lain ku!59Kikira erai jam libas hiyo, naan lun lain sa mingkiak, “Mla bujur lun ti murid Yesus, gana ne gin lun Galiea!”60Tapi Petrus nyamut, “Ku mo tanau hiye sa dukuhui nu hiyo!” Rahat hiyo lei, tandring Petrus eso bapaner piak mongkoko.61Tahui Yesus ngulis tong arah Petrus lukun neau Petrus. Maka tirikingat Petrus bahwa Tuhan haot kuhui lukun ne, “Samale piak mongkoko tei andrau ti, nu haot telu kali mangaku mo kinut-Ku.”62Tahui Petrus tulak neke hiyo lukun nangis nyinsirok.63Lun-lun sa rahat ngajaga Yesus, nguhulut-Ne lukun ngompak-Ne.64Ire nalou mate-Ne tane lukun-Ne, “Suba Hanyu nanguh hiye sa ngompak Nu?”65Deo bebene punguhui sa ngawada-Ne.66Tei kiat andrau ne, pimimpin-pimimpin Yahudi, imam-imam kapala, lukun guru-guru agama simpun, tahui Yesus dokoit tong tama Mahkamah Agama ire.67Uhui ire lukun-Ne, “Wara lukun kamin, hiye Hanyu ti Raja Panyalamat? Yesus nyamut, “Amun Ku mara lukun nu, kon sareh mo sagar prasaya lei.68Lukun amun Ku tane lukun nu, sareh kon sagar mo nyamut.69Tapi malai neke hayakti, Anak Mirisia sagar maharung tei tuhi sanan Allah Sa Paling Bukuasa.”70Kongoreng ire kuhui, “Amun ngunau hiyo, Hanyu ti Anak Allah?”
Yesus nyamut, “Ngunau hiyo uhui kon.”71Tahui ire kuhui, “Mo perlu eso saksi! Taka haot kiringo neke mulut Ne!”
Pioneer Bible Translators