LUKAS20
1Tei isa andrau, tei Blai Allah, Yesus ngalajar lukun ngibirita Kabar Asuh tentang Kerajaan Allah. Rahat Ne ngalajar, hulet imam-imam kepala, guru-guru agama, lukun pimimpin-pimimpin Yahudi lukun sa lain,2ire kuhui, “Hiye hak-Nu de gawi kongoreng hiyo? Hiye sa ngokoi hak hiyo tong-Nu?”3Samut Yesus, “Ku gin kakan batane lukun kon,4hiye ngokoi hak tong Yohanes de ngabaptis? Allah atawa mirisia?”5Jari, ire mampakat de kelo samut tei antara ire. Uhui ire, “Amun taka kuhui, ‘Allah sa ngokoi hak hiyo tong Yohanes,’ Yesus sagar kuhui, ‘Amun ngunau hiyo, kunohiye kon mo prasaya lukun ne?’6Tapi amun taka kuhui, ‘Kohoi mirisia sa ngokoi hak hiyo tong ne,’ kongoreng lun lain tei ti sagar monting taka pakai watu hampe matei, gana ire prasaya bahwa Yohanes nehiyo nabi.”7Maka ire kuhui lukun Yesus, “Kamin mo tanau hiye sa ngokoi hak hiyo tong Yohanes de ngabaptis.”8Yesus kuhui, “Amun ngunau hiyo, Ku gin mo sagar mara lukun kon hiye sa ngokoi hak tong-Ku de gawi kongoreng ti.”9Tahui Yesus ngalajar lun-lun tei Blai Allah hiyo lukun perumpamaan ti, “Naan lun sa gawi kabun angur. Ne pesewa kabun hiyo tong pipire petani, tahui tulak tong negeri lain de waktu sa ela.10Tei waktu musim ngutik angur hiyo haot hampe, sa ampun kabun hiyo nyingku isa hamba ne tong petani-petani sa nyewa kabun hiyo de ire ngokoi mehe hasil kabun sa jari hakne. Tapi libas hamba hiyo hulet, ire ngompak ne, nyingku ne mudi, lukun awe ngokoi ne hiye-hiye.11Jari sa ampun kabun hiyo nyingku isa hamba tong ire, tapi ire ngompak ne lei. Ire ngawada ne, nyingku ne mudi, lukun awe ngokoi hiye-hiye.12Tahui, sa ampun kabun hiyo eso nyingku hamba sa ketelu tong ire. Ire pabatan ne labih parah eso, tahui nampi ne tong ongon kabun hiyo.13Maka sa ampun kabun angur hiyo bapaner huang aheng ne, ‘Hiye sa harus dakawi ku eso? Ku sagar nyingku anak sa sanayang ku. Sareh ire sagar ngohormat ne.’14Tapi, rahat petani-petani hiyo neau anak sa ampun kabun hulet, ire mampakat isa lukun sa lain ne, ‘Anak hiyo nireh sa sagar jari ampun kabun ti amun amai ne melah. Ayu, taka munu ne de kabun ti tau jari dela taka!’15Jari, ire ngoir ne tong ongon kabun hiyo tahui munu ne.”
Tahui Yesus tane lukun lun deo tei hiyo, “Kon tanau hiye sa dakawi sa ampun kabun angur hiyo lukun ire?16Sareh ne sagar hulet tahui munu ire. Libas hiyo ne sagar marasaya kabun angur hiyo lukun petani-petani sa lain.” Kiringo hiyo lun deo kuhui lukun Yesus, “Ada hampe hal hiyo jari!”17Yesus neau ire tahui kuhui, “Amun ngunau hiyo hiye arti ne ayat Kitab Suci ti? ‘Watu sa mo panakai tukang bangunan, haot jari watu sa penting.’*18Kongoreng lun sa ratu tei watu hiyo sagar rapai; lukun hiye sa tinipan watu hiyo sagar ramuk.”19Tahui guru-guru agama lukun imam-imam kapala brusaha nyaput Ne tei hayak hiyo gana ire tanau, bahwa ire sa dukuhui-Ne huang perumpamaan hiyo, tapi ire takut lukun lun deo.20Gana hiyo guru-guru agama Yahudi lukun imam-imam kapala neau Yesus lukun tiliti. Libas hiyo ire ngabayar pipire kulun de pupura jari lun-lun asuh. Ire nyingku lun-lun hiyo batane lukun Yesus de ngejebak Ne susuai uhui sa dukuhui-Ne, de ire tau nyarah Ne tong kuasa lukun wewenang pemerentah.21Lun-lun hiyo kuhui lukun Yesus, “Bapak Guru, kamin tanau kongoreng punguhui lukun ajaran-Nu talalahui bujur. Hanyu mo bipihak lukun lun-lun batantu tapi talalahui jujur lukun kongoreng lun. Hanyu ngalajar ire sara welum susuai lukun perentah Allah.22Gana hiyo suba Bapak Guru kuhui lukun kamin, munurut praturan agama taka tau mo taka ngabayar pajak tong Kaisar?”23Tepi Yesus haot tanau kanakan ire sa jahat hiyo, maka Ne kuhui,24“Suba peleha tong-Ku sikiping duit perak. Gamar lukun aran hiye tei hiyo?”
Ire nyamut, “Kaisar!”25Uhui Yesus, “Amun ngunau hiyo, okoi tong Kaisar sa jari hak Kaisar, lukun okoi tong Allah sa jari hak Allah.”26Ire bujur lengon bebene kiringo samut Yesus hiyo. Jari ire merene bo. Ire mo kahalu isa kasala gin tei punguhui sa dukuhui Yesus tei tama lun deo.27Tei waktu hiyo naan pipire lun Yahudi neke kolompok Saduki hulet tong Yesus. Ire mo prasaya amun lun sagar welum waleng neke kapatei. Jari, ire batane lukun Yesus,28“Bapak Guru, Musa nulis hukum ngunau ti dela taka. Amun naan laki sa melah, awe naan anak, maka puloksanai ne harus kawin lukun walune de ngokoi lului dela lun sa haot melah hiyo.29Naan pitu kulun panani. Sa punguntuha nohe isa wawei, tahui melah awe baanak.30Tahui, puloksanai ne sa kurueh nohe lukun walu neke puloksanai ne sa punguntuha, tapi ne gin matei awe baanak.31Ngunau hiyo lei hal sa sama jari lukun puloksanai sa ketelu hampe puloksanai sa kipitu kongoreng ire melah lei awe baanak.32Akhirne, wawei hiyo melah lei.33Gana pitu puloksanai ujut hiyo nohe wawei sa sama, tei andrau lun matei penewelum waleng, ohe hiye wawei hiyo?”34Tahui Yesus kuhui, “Lun sa eso welum tei dinia ti kawin,35tapi lun-lun sa patut de penewelum waleng libas kapatei, lukun welum tei jaman sa sagar hulet, ire mo kawin eso.36Ire sagar sama ngunau malaikat gana mo sagar matei eso. Ire nehiyo anak-anak Allah, gana ire haot penewelum waleng neke kapatei.37Musa haot mara lukun jelas bahwa lun sa matei sagar penewelum waleng. Huang tulisan ne tentang pulau haket sa melelap hiyo, Ne dukuhui Tuhan Allah Abraham, Allah Isak, lukun Allah Yakub.38Ne lain Allah lun matei, tapi Allah lun welum, gana tei tama-Ne kongoreng lun welum.39Kiringo samut Yesus hiyo, pipire guru agama kuhui, “Bapak Guru, Hanyu bujur bebene!”40Gana hiyo ire mo maleh eso tane hiye-hiye lukun Yesus.41Yesus tane lukun ire, “Ngunau awe tau dukuhui bahwa Raja Panyalamat lului Daud?42Padahal Daud gagalo kuhui huang kitab Masmur,‘Tuhan kuhui lukun Tuhan ku:Maharung bo tei uneng sa terhormat tei tuhi sanan-Ku,43
hampe Ku pakalah musuh-musuh-Nu,gawi ire manyarah kalah tahui tumun lukun kuasa Nu.’ 44Jari amun Daud kuhui Raja Panyalamat hiyo ‘Tuhan,’ ngunau awe Ne tau jari lului Daud?”45Rahat kongoreng lun eso kiringo, Yesus kuhui lukun murid-murid-Ne. Uhui-Ne,46“Bagati lukun guru-guru agama. Ire jorih malan-malan pakai jubah sa amau, lukun jorih konohormat tei pasar-pasar. Ire jorih maharung tei uneng sa terhormat tei uneng simihiang lukun tei uneng pesta.”47Guru-guru agama hiyo nipu walu-walu de halu harta ire. Hampe blai walu-walu hiyo gin kanarampas ire. Ire bodoa amau-amau, de nangkep kajahat ire. Ire hiyo sareh sagar nirime hukuman sa labih weat.
Tahui Yesus tane lukun lun deo tei hiyo, “Kon tanau hiye sa dakawi sa ampun kabun angur hiyo lukun ire?16Sareh ne sagar hulet tahui munu ire. Libas hiyo ne sagar marasaya kabun angur hiyo lukun petani-petani sa lain.” Kiringo hiyo lun deo kuhui lukun Yesus, “Ada hampe hal hiyo jari!”17Yesus neau ire tahui kuhui, “Amun ngunau hiyo hiye arti ne ayat Kitab Suci ti? ‘Watu sa mo panakai tukang bangunan, haot jari watu sa penting.’*18Kongoreng lun sa ratu tei watu hiyo sagar rapai; lukun hiye sa tinipan watu hiyo sagar ramuk.”19Tahui guru-guru agama lukun imam-imam kapala brusaha nyaput Ne tei hayak hiyo gana ire tanau, bahwa ire sa dukuhui-Ne huang perumpamaan hiyo, tapi ire takut lukun lun deo.20Gana hiyo guru-guru agama Yahudi lukun imam-imam kapala neau Yesus lukun tiliti. Libas hiyo ire ngabayar pipire kulun de pupura jari lun-lun asuh. Ire nyingku lun-lun hiyo batane lukun Yesus de ngejebak Ne susuai uhui sa dukuhui-Ne, de ire tau nyarah Ne tong kuasa lukun wewenang pemerentah.21Lun-lun hiyo kuhui lukun Yesus, “Bapak Guru, kamin tanau kongoreng punguhui lukun ajaran-Nu talalahui bujur. Hanyu mo bipihak lukun lun-lun batantu tapi talalahui jujur lukun kongoreng lun. Hanyu ngalajar ire sara welum susuai lukun perentah Allah.22Gana hiyo suba Bapak Guru kuhui lukun kamin, munurut praturan agama taka tau mo taka ngabayar pajak tong Kaisar?”23Tepi Yesus haot tanau kanakan ire sa jahat hiyo, maka Ne kuhui,24“Suba peleha tong-Ku sikiping duit perak. Gamar lukun aran hiye tei hiyo?”
Ire nyamut, “Kaisar!”25Uhui Yesus, “Amun ngunau hiyo, okoi tong Kaisar sa jari hak Kaisar, lukun okoi tong Allah sa jari hak Allah.”26Ire bujur lengon bebene kiringo samut Yesus hiyo. Jari ire merene bo. Ire mo kahalu isa kasala gin tei punguhui sa dukuhui Yesus tei tama lun deo.27Tei waktu hiyo naan pipire lun Yahudi neke kolompok Saduki hulet tong Yesus. Ire mo prasaya amun lun sagar welum waleng neke kapatei. Jari, ire batane lukun Yesus,28“Bapak Guru, Musa nulis hukum ngunau ti dela taka. Amun naan laki sa melah, awe naan anak, maka puloksanai ne harus kawin lukun walune de ngokoi lului dela lun sa haot melah hiyo.29Naan pitu kulun panani. Sa punguntuha nohe isa wawei, tahui melah awe baanak.30Tahui, puloksanai ne sa kurueh nohe lukun walu neke puloksanai ne sa punguntuha, tapi ne gin matei awe baanak.31Ngunau hiyo lei hal sa sama jari lukun puloksanai sa ketelu hampe puloksanai sa kipitu kongoreng ire melah lei awe baanak.32Akhirne, wawei hiyo melah lei.33Gana pitu puloksanai ujut hiyo nohe wawei sa sama, tei andrau lun matei penewelum waleng, ohe hiye wawei hiyo?”34Tahui Yesus kuhui, “Lun sa eso welum tei dinia ti kawin,35tapi lun-lun sa patut de penewelum waleng libas kapatei, lukun welum tei jaman sa sagar hulet, ire mo kawin eso.36Ire sagar sama ngunau malaikat gana mo sagar matei eso. Ire nehiyo anak-anak Allah, gana ire haot penewelum waleng neke kapatei.37Musa haot mara lukun jelas bahwa lun sa matei sagar penewelum waleng. Huang tulisan ne tentang pulau haket sa melelap hiyo, Ne dukuhui Tuhan Allah Abraham, Allah Isak, lukun Allah Yakub.38Ne lain Allah lun matei, tapi Allah lun welum, gana tei tama-Ne kongoreng lun welum.39Kiringo samut Yesus hiyo, pipire guru agama kuhui, “Bapak Guru, Hanyu bujur bebene!”40Gana hiyo ire mo maleh eso tane hiye-hiye lukun Yesus.41Yesus tane lukun ire, “Ngunau awe tau dukuhui bahwa Raja Panyalamat lului Daud?42Padahal Daud gagalo kuhui huang kitab Masmur,‘Tuhan kuhui lukun Tuhan ku:Maharung bo tei uneng sa terhormat tei tuhi sanan-Ku,43
hampe Ku pakalah musuh-musuh-Nu,gawi ire manyarah kalah tahui tumun lukun kuasa Nu.’ 44Jari amun Daud kuhui Raja Panyalamat hiyo ‘Tuhan,’ ngunau awe Ne tau jari lului Daud?”45Rahat kongoreng lun eso kiringo, Yesus kuhui lukun murid-murid-Ne. Uhui-Ne,46“Bagati lukun guru-guru agama. Ire jorih malan-malan pakai jubah sa amau, lukun jorih konohormat tei pasar-pasar. Ire jorih maharung tei uneng sa terhormat tei uneng simihiang lukun tei uneng pesta.”47Guru-guru agama hiyo nipu walu-walu de halu harta ire. Hampe blai walu-walu hiyo gin kanarampas ire. Ire bodoa amau-amau, de nangkep kajahat ire. Ire hiyo sareh sagar nirime hukuman sa labih weat.
Pioneer Bible Translators