Jaalalatikaa Maxaafa6
1Tee ati melaalle duuchchinaa'n caala danchondeettexxeeatik eeyyalli haba hedhe?Atinni welti hansonna'aeeyyemalli atik me'eebi hoone darre'nite?2Eeyyemalli anki hore ifika bobbaalsateedadanchoole daraaro bukki assedhateeFishshallo qurunfuuduwwa hexxeebaaade ifike hiddichchuwwike boonchibaa mareen.3Ani anke eeyyalixxen ank eeyyalinna anken;isi hore ifika daraarteexxe suufe giddo bobbaalsaan.4Tee anxe eeyyemalloo, Tirtsake qachchishsha ati danchate;Iyyerusaalemishshanna eldaatten;baandira abixxe fuleeke sannachishshanna gaachchanniik sodaachchissaattexxen.5Insa'ni anee boojiinmaxxee'e;ille atixxa anenaa'n hoyyedhiAtike umik ordichchi Gele'adixxe Koobanaa'n adadde ya'eekehoriinke bobba'ishshaten.6Atixxi issooriansheme fuleeka gedhebo,Duuchching lakko lakko ileekennaisi giddii'ninna mittikinna maseenni hedhemabaakishshaten.7Buqecatixxe sharbe giddii'n atixxi lamiinxi boqowelinaa'n shatendeexxe roomaanetixxe lame qame labbaan.8Jaane tomme mootittuwwa,saddeeta tomme garba aruwwannalaakkossi birra sa'eeki heddi dubaruwwi hedha dande'aan;9Yaane kinni busheeshshinaachcho affebaaxxi anxi guuggenjo ise gargar hexxeexxen;isenna amatee filendeexxe,ildeexxi ama isexxinna mittelchoten;Dubarrikinna isee uudeexxi, «Atixxa wodo!» hite;mootittuwwatinna garba aruwwanna isee'e faarsiteen.10Soodimariinke ifishsha turuffi hiteexxi,agenjiinshanna wa'a hite, arishshotishsha iffeexxi,Baandira abixxe googeessa fuleeke sannachchishsha, gaachchanni isek sodaachchisa'neexxi tinni ise ayyete?11Dhooqa giddo lateeka reefika hiddichchuwwa uushshotee,woyinetinna luuphisse;roomaanenna daraartexxa uudateadadde hiddichchiinka fichcha marenne.12Tennee ege'nebe'no edi darrehalcha anxi anee anke ardixxe moyanjiinxe fadhadiinxe gaaruwaxxe oddo'n anee offo'lishshe.13Tee Sulaamaaxi, higge dagi, higge dagi ballo'oatee uundonnaa higge dagi, maganneten higge dagi.Labbak WaajubichchiMehanayimika sirba uudamake manjishsha,Sulamaxisi'i uudina'eechchi mayeete?
The Word for the World International