Yohaannisixxa Waleella4
Magenooffachcho, Iima Moote'n Offo'leekee
1Ookkoneechchi uduma kunse iimatte'n banedeexxa hula afenne; Sirete'n malagatiinke hafuurishsha ane'n haaso'aa'naa laqennek hafuuri anee, «Amo kaba iimi'a! Konneechchi uduma kada hassissaaxxa yaane ate'n leellishshannon» hiyye.2Aninna hirbange'n hafuurik hedhennan; kunse moote iimate'n uurrite'een; tenne moote'ninna ofo'le'eeke hedhemman.3Mootete'n offo'leexxi hedhemmakinna Iyasephidinikenna Serdinoke fiixa kinjo fakkata'emman; Mergidike fiixa kinjo fakata'eemmak dowwichchinna eettene moote qarqara'n dowweemman.4Iittanni eettene moottexxe dowwe'n wele lame tommenna shoole mootuwwa hexxemman; tennee moottuwwa hananna golallamma seemma oddo'weemmakiirinna ifi ifike umo'n worqetika kallachcha uggudheemmak lame tommenna shoole geedhe ofoldeemman.5Eettene mootenaa'n banqo dindinsonna balaqi fulaamman; mooteti edo torbaane ifuwwi ifa'emman; kunniirinna torbaane Mageniinke Hafuuruwwan.6Iittanni eettene moote edo luqqitte warawara hitaaxxi daa'witetixxi abbaayya hexxemman; eettene mootetixxe oddo'n, isexxe dowwe'ninna edi udumii'n ille itti wo'mite'eexxi shoole daduwwa hexxemman.7Iitti taakaxxi dada neeqa, langaaxxi jibichcha fakkaata'eemman; sakkaxxi manjiinka alba labaake alba afe'eemman; sholgaxxinna phirri hiyaake sinbira fakata'eemman.8Tinni shooliinxi daduwwa mitte mittendi jaane jaane keeluwwa afe'eemman; konne keeluwwixxe dowwe'ninna giddi darreera'n ille itti wo'mite'eemman; hashshanna barra«Woyyichchi woyyichchi woyyichchiduuchchiinxa dande'aak,hedheemmak, hedhaakkinna dagaakGootti Mageni!» hiyya uurrisa'emmaba'a.9Tinni hedho affe'eexxi dadaar ookkone mooteti hana ofo'leemmakeenna duuchchii woddanaa'n duuchchii woddi'a hedhoke kadeexxi hedhaakee ulfinna gaachchanna galata isi'a uunaa wodda,10iitti lame tommenna shoole geedhe ookkone mootete'n ofo'leek edo albik gonbisemmeexxi duuchchii woddinaa'n duuchchii woddi'a hedhoke kadeexxi hedhaakee saganda'emman; ifi ifika kallachchuwwanna eettene moote edo uggurreexxi,11«No'oke Goottanna no'oke Magenoo,ulfinnikinna gaachchanii, hunnatinna sadino ati'a hassissaan;Ati duuchiigeechcho daddeetaxxeefedhi atixxen kunnichchiirinna dademeexxihedhaake kade'een.»The Word for the World International