Yohaannisixxa Waleella16
Torbaane Mageniinxe Mufexxa Buudu
1Ookonechchi uduma eettene torbaane erganna'a, «Martineexxi eettene torbaane Mageniinxe mufexxa buuda buttate'n dhangalaasse» hiyyaaka lumoka hafuura Galmi giddi'ni ani laqenne.2Taakak iimik erganji abideemmaxxa buuda buttate'n dhangalaase; ookkene biniinchika beessissa adhdhemmakeera'ninna biniinchixxe misile'ni kumbu hiyyamake manna'n fuggoshsha rakkissaaxxi mada fulde.3Langak iimik erganjinna abidemmaxxa buuda abbaayyate'n dhangalaase; abbaayyatinna reyeeke manjishsha munde kadde; abbaayyatenni hedhechchi lubbo afeechchi duuchchi reye.4Sakkak erganjinna abidemmaxxa buuda galaaniwwake'inna wodiiinxe muummuwwa'n dhangalaase; kunnichchuwwinna munde kade.5Ookkone uduma wode'uwwake'n baallooma afeek iimik erganji hiyya'naa laqennee qici,«Hexxetekinna hexxeetake koo woyyichchaiitta murtetaxxeeAti qullichchaken.6Insa'ne woyyoletixxanna qulliyyetixxa munde dhangalaansemmaxxee;munde insa'nee ha'wisseten; tinni insa'ne'a hasissaaxxen.»7Iittanni ookkone tolchimalchinaa'n;«Ee, duuchchinxa dandetattoke Gootta Magenoo!Murte atixxi dhugaatenna qullummaten» hiyya'n haaso'aka ye'injo laqenne.8Sholgak iimik erganji abidemmaxxa buuda arshote'ni dangalaase; arshotinna manjo giirati gubbaashsha ise'a hunna uwwende.9Mannikinna jabake holatinni gubate; tenne baluwwa'ni baallooma afeeka Mageniinka summa yowwinee malee aadde angeba'a; ulfinnakanna isi'a uuneba'a.10Ondik iimik erganjinna abidemmaxxa buuda ookkone biniinchinxe moote hana laase; ookkone biniinchixxi mootummatinna dukkande; mannikinna abarakenaa'ni kexxeexxa arrabo ifika corqedhaa'emman.11Iittanni insa'ne seldonaa'ninna insa'nexxe madaa'n kexxeexxinni iimika Mageno yowwinee malee'e ifixxe hujexxe aadde angaba'a.12Jiyak iimik erganji abidemmak buuda lumoke Eefiraaxisike galaana'ni dhangalaase; borotenaa'n dagaake moyanjuwwi'a ori qixxeessatee ookkone galaanik wodi'i bage.13Ookkonechchi uduma eettene jawwetike afo'inaa'n, ookkone biniinchinke afo'inaa'ninna dharichchi wabeeka afo'inaa'n raachcha fakkaataak sasi fuggichchi hafuuruwwi fulaa'na'a afenne.14Tinniirinna beessissuwwa assitaaxxe fuggichcha hafuuruwwan; duuchchinxa dande'aake Mageniinxe lumoxxe barra'n kadaake bagdi'a manna bukki assito'a butta duuchchike moyanjuwwiba'a me'inaan.15«Kunnise ani moodhalchishsha dagannon; duwwi gatabaashshanna saala ifika leellabaashsha dammaqeexxi seemma ifixxa heqqedhaak manji eebbisemeeken.»16«Ookkonechchi udma iikki fuggichchi hafuuruwwi moyanjuwwa Ibirayisixiken laagadinni Armaagedoon hiyyendaaxxe bakkaba'a bukki asse.»17Torbaak iimik erganjinna abidemmaxxa buuda ayyeerte'n dhangalaase; ookkone Galami giddo hexxemmaxxe eettene mootenaa'n «Muxende» hiyyemmeek lumok hafuur fule.18Ookkenechchi uduma banqo, luulji, dindinsonna jabaxxi buttatixxi lele'ma kadde; manji buttate'n dademeexxe barranaa'n iitta hexxeexxi buttatixxi lele'ma kadde egendeba'an; isenna lumoshsha bira saxxeexxemman.19Lumok qachchinna saseba qoodeme; arduwwink qachchuwwinna diigeme; Magenikinna eettene lumoxxa Baabiloon qaabate; ise'ni jabaxxe mufenni wo'miteexxa bookatixxa buuda uwwe.20Oddooluwwa duuchchanna baaje; koobuwwatinna afendeba'aan.21Kiilote'ninna mikendoole shoole tommenna onde kiilo giraama kaddaaxxi jabaxxi kaade iimatenaa'n manjoke'n ibbe; tinni balanna hara lummoshsha rakkissaaxxe kaddemmaxxee mannikinna iitti kaade geessisseexxe seldonaa'n kexxeexxa Mageno yowwe.The Word for the World International