Faarotikaa Maxaafa79
Ardiinke Nage'i'a Soodatendeexxa Soodachcho
Asaafixxa Faaro.
1Ee, Magenoo! Gosa gosak ardi atika boga adhdhe;woyyichcha galma atikanna battoosse;Iyyerusaaleminna diige.2Atike erganjuwwika rensha allaatteatixxe qulliyyeka maala biniichchi itaashsha assine.3Insa'ne Iyyerusaalemike qarqara'ni munde wodi'iinsha dunende;insa'neka rensha moogaaki mitti manjinna midde gatebaan.4Olla'a no'oke'n hedheeke gosa gosake arda'ni yowweemmenne;qarqara no'oke'ni hedeeke gosa gosake arda'ni ce'memmeennekenna oso'lemmeenneke kandenne.5Ee, Duuchchi Woddike Goottaa! No'o'nita duuchchi woddi'a mufatete?Haani qico'nta hinaaffe atixxi giiratishsha ha'ita'ni hexxaa?6Bala atixxa Magenumma atixxa ege'nebake gosa gosake arda'niatee summa atika soodattabaaxxe mootumma'n mufe atixxa dhangalaasi7Tennee iitta assitaatelchi insa'ne Ya'iqoobixxa horte shinnemmaxxeenna,baxxe insa'nexxa onchineemmaxxeeten.8Yo'oshsha salphante hanguli hineennaxxee,no'oke annuwwixxe cubboxxe no'on laakotexxe buuto'a no'o'o xixa waalde'emararte atixxi no'oba'a rakke dagowwaal.9No'oo anjrtattoke Ee, Magenoo! Ulfinna atike summikee hite no'o gargaar;atike summi'a hitee no'o anjir;cubbo no'oxxeenna araarem.10Gosa gosaak ardi, «Mageni insa'nek habata hedhe?» maa hiyya?Atike erganjuwwixxa duundeexxa munde halo fula atixxa ille no'oxxi uunda'naa gosa gosake ardixxe oddo'n egendowwaal.11Usuremeeke mannika abara uudi;Reyaashsha murte uwwendeeka mannanna jabaaxxe atixxe hunnanni gatis.12Dada Duuchchike Goottaa!Qarqaark gosa gosak ardi ate'n afo'o fulchedheemmaxxee torbane anga insa'ne'n halo ful.13Ookkone woddanna atixxe allaala giddo he'nennek atik ardi,duuchchi wodda atee'e galateefantannon;ilatenaa'n ilati qico'n atee sandannon.
The Word for the World International