Faarotikaa Maxaafa52
Magenxa Murtenna Mageniinka Badhaadha
Faarsaleeyyetike Sooresi'a Eedoomichchi Doyiqi Sa'ooliba Dageexxi «Daawwiti Abemelek Miniba'a Dage'een» hiyye Iso'ni Kulee Wodda Daawwitixxa Gence.
1Koo worba manjoo, ati mayee fuggoxxenni hollitatto?Ati Mageniinxe ille'ni tuffatende'eetekmayee duuchchi wodda ifi dukkattoo?2Ati soba barate'eetek,ati hedde hereegge'e balleessa maldate'eek;arabi atik qaraxxe haadoshshaten.3Eloxxe yaane irra fuggoxxadhugaa haso'ati manni'n dhara haaso'a eettatton.4Ati koo sobaaleessa manjoomanna miitaaxxe yaane eettatton.5Mageni duuchchi woddi'a atee butti'a tutunsaan;butte aadheexxi duunkaana atikenaa'ninna atee goshaan;manni hedhoti hedhaammaxxe buttanaa'n atee hoyyaan.6Qulliyyetinna tennee uudde'e sodateexxigacifachchoti atee hitaa qici,7«Mageno gollake assedhebaakeifixxe karraxxe bira sa'ne'ni ifi jajeekafuggoxxa assatinna jabake kadeeka manjichcho uudde.»8Ani kinni Mageniinke minne'nqufeeke ejersiinke haqichchishshaten;duuchchi woddinaa'ni duuchchi woddi'a isixxe duuchchi woddixxe jaalala'n addatannon.9Assitetexxe yaanexxe'ee duuchchi woddi'a atee saadannon;summi atik eloke kadeemmaxxee summa atike'n addatanno;atixxe qulliyye giddonna atee saadanno.The Word for the World International