Faarotikaa Maxaafa114
Isira'eelik Ardi Gibtsee'n Fuleeke, Fulatike Ayyaani'a shiqqeexxa Qaabbetixxa Faaro
1Isira'eelik ardi GibtseenYa'iqoobixxe hortenna annafeeke lagadike ardanaa'ni fulde me'itee wodda,2Yihuda galma MageniinkeIsira'eelinna qadaada isike kadde.3Abbaayya affe, baajje,Yordaanoosinna illee iima higge.4Koobuwwa gedhebiinxe korbeeyyeshshatullichcuwwikinna gedhebiinke buruusishsha xerefise.5Tee abbaayya ati baajetechchikoo Yordaanoosi atinna illee iima higgeteechchi mayeete?6Ha'no koobuwwa gedhebiinxe korbeeyyeshshatullichchuwwikinna gedhebiinke buruusishsha xereffissineechchi mayeete?7Dada Duuchchike Gootti edoYa'iqoobike Mageni edo tee buttaa culphisi.8Isi rassa baleesiinba'a;jaxxa kinonna wodeiinxe muummeba'a jijjiireeken.The Word for the World International