Laakkossiinka29
Malagatiinka Ayyaana
1« ‹Torbake agenjo sirettixxe barra'ni woyyitte bukki asse; edo hujjinammaxxa hujenna hujjinoqqe'e. Tinni ha'no malagatuwwa ufuufinaaxxe barran.2Duuchchi Woddik Gootti'a fishshatike ciincatike tolchi'a fafa afebaaka mitte jibichcha, mitte gedhebiinka korbeessanna mitte mitte woggaka torbaane gedhebiinka buruusuwwa shiqishshe.3Jibichchik welti midhatika tolcha sase kiilo, gedhebiinke korbeessinni welti lame kiilo, zayiteti qushshendeexxa shaqqaxxa bulle shiqqishshe.4Mitti mittinge torbaane gedhebiineke buruusinni welti zayiteti qushshendeexxa shaqqaxxa mitte kiilo bulle qixxeesse.5Lebbineexxi mitte re'etika korbeessa cubbo ha'no'a biratee'e cubbotike tolchi'a shiqqishshe.6Kunni tolchuwwi kulendemmaxxe ififixxe midhatixxe uwwanninna ififike ha'watike tolchuwwinni welti barra barra'ninna agenjo agenjo'n shiqammake ciincatike tolchuwwa'n lebeme'e fishsheti Duuchchi Woddike Gootta gammachchiissake giirate'n ciinceessemaake tolchuwwan.Cubbo Biratixxa Barra'n Shiqqaaxxa Uwwa
7« ‹Eettne torbake agenjixxe tommixxe barra'ni woyyitte yaa'a bukki hiyye. Eettene barra'n ifinna salphisse; hujetanna hujjinoqqe'e.8Duuchchi Woddik Gootti'a fishshetike ciincatike tolchi'a duuchchiing fafa afebaaka mitte jibichcha, mitte gedhebiinka korbeessanna mitte mitte woggaka torbaane gedhebiinka buruusuwwa shiqishshe.9Jibichchik welti midhatika tolcha sase kiilo, gedhebiinke korbeessinni welti lame kiilo, zayitet qushshendeexxa shaqqaxxa bulle shiqqishshe.10Torbaane gedhebiinke mitte mittenge buruusuwwinni welti zayiteti qeshshendeexxa shaqqaxxa mitte mitte kiillo bulle qixxeesse.11Cubbo ha'no'a biratee'e kadaashsha cubbote'e shiqaake tolchinninna ookkone tolchike iittanni kinni midhatike tolchinninna ha'watike tolchinni welti barra barra'n shiqeexxi ciicessemaake tolchi gadho mitte re'etika korbeessa cubbotike tolchi'a lebbineexxi shiqishshe.Fookinka Ayyaanixxe Barra'n Shiqqaaxxa Uwwa
12« ‹Torbake agenjo'ni tommenna ondixxe barra'ni woyyitte bukki bukki'i hiyye; edo hujjinammaxxa huje hujjinoqqe; Duuchchi Woddike Gootti'a torbaane barraka ayyaana ulfeesse.13Fishshe isixxi Duuchchi Woddika Gootta gammachchiisaake tolcha kado'a ciincatike tolchi'a fafa afebaaka tommenna sase Jiboota, lame gedhebiinka korbeessanna mitte mitte woggaka tommenna shoole gedhebiinka buruusuwwa shiqishshe.14Mitte mittende tommenna sase jibootinni welti sase sase kiilo shaqqaxxa bullenninna mitte mittende lame gedhebiinxe korbeeyenni welt lame lame kiilo zayitenn qushshendeexxa shaqqaxxa bulle midhatike tolcha shiqishshe.15Ittanni mitte mittengee tommenna shoole gedhebiinka buruusa welt mitte mitte kiillo zayitenn qushshendeexxa shaqqaxxa bulle midhatike tolchi'a shiqqishshe.16Iitanni cuobbotike tolchi'a mitte re'etika korbeessa shiqishshinaan; kunni edo shiqammake ciincatike tolchixxe midhati tolchinninna ha'winke tolchinn lebeme shqaake tolchan.17« ‹Langaxxe barra'n duuchchiigi fafa afebaaka tommenna lame jiboota, lame gedhebiinxa korbeeyyenna mitte mitte woggaka tommenna shoole gedhebiinka buruusa shiqishshe.18Jiboota, labbaxxa gedhebiinxa korbeeyyenna gedhebiinka buruusuwwa ififike midhatike tolchinninna ififike ha'watike tolchinni welti muremeeke laakkossixxe qixxe'n shiqishshe.19Cubbotike tolchi'a mitte re'etika korbeessa shiqishshinaan; kunni edo ciincatik tolch ifike midhatike tochinninni ifike ha'watike tochuwwinni welti shiqammake tolchuwwa'n lebemeeten.20« ‹Sakkaxxe barra'n duuchching fafa afebaaka tommenna mitte jiboota, lame gedhebiinka korbeessanna mitte mitte woggaka tommenna shoole gedhebiinka buruusuwwa shiqishshe.21Ookkonee jiboota, eetene labbaxxa gedhebiinxa korbeeyyenna gedhebiinka buruusuwwa ififike midhatike tolchinninna ififike ha'watike tolchinni welti muremeeke laakkosixxe qixxe'n shiqishshe.22Cubbotike tolchi'a mitte re'etika korbeesa shiqishshinaan; kunni edo ciincatik tolch ifike midhatike tolchinninna ifike ha'watike tolchuwwinni welti shiqammake tolchuwwa'n lebemeeten.23« ‹Sholgaxxe barra'n duuchchinxi fafa afebaaka tomme jiboota, lame gedhebiinxa korbeeyyenna mitte mitte woggaka tommenna shoole gedhebiinka buruusa shiqishshe.24Okkonee jiboota, eettenee labbaxxa gedhebiinxa korbeeyyenna gedhebiinka buruusuwwa ififike midhatike tolchinninna ififike ha'watike tolchinni welti muremeeke laakkossixxe qixxe'n shiqishshe.25Cubbotike tolchi'a mitte re'etika korbeessa shiqishshinaan; kunni edo ciincatik tolch ifike midhatike tochinninna ifike ha'watike tochuwwinni welti shiqammake tolchuwwa'n lebemeeten.26« ‹Ondixxe barra'ni duuchchiing fafa afebaaka sallane jiboota lame gedhebiinka korbeessanna mitte mitte woggaka tommenna shoole gedhebiinka buruusuwwa shiqishshe.27Ookkonee jiboota, eettenee labbaxxa gedhebiinxa korbeeyyenna gedhebiinka buruusuwwa ififike midhatike tolchinninna ififike ha'watike tochinni welti muremeeke laakkossixxe qixxe'n shiqishshe.28Higgeenni midhatixxe uwwanaa'ninna ha'wiinxe uwwanni welti barra barra'n shiqaake ciincatike tolchi gadho wele mitte labbaka recco cubbotike tolchi'a lebbine shiqishshe.29« ‹Jiyyaxxe barra'n duuchchiing fafa afebaaka saddeeta jiboota, lame gedhebiinxa korbeeyyenna mitte mitte woggaka tommenna shoole gedhebiinka buruusa shiqishshe.30Ookkonee jiboota, eetene labbaxxa gedhebiinxa korbeeyyenna gedhebiinka buruusuwwa ififike midhatike tolchinninna ififike ha'watike tolchinni welti muremeeke laakkossixxe qixxe'n shiqishshe.31Cubbotike tolchi'a mitte re'etika korbeessa shiqishshinaan; kunni edo ciincatik tolch ifike midhatike tochinninna ifike ha'watike tochuwwinni welti shiqammake tolchuwwa'n lebemeeten.32« ‹Torbaxxe barra'ni duuchchiing fafa afebaaka torbaane jiboota, lame gedhebiinxa korbeeyyenna mitte mitte woggaka tommenna shoole gedhebiinka buruusuwwa shiqishshe.33Ookkonee jiboota, eettenee labbaxxa gedhebiinxa korbeeyyenna gedhebiinka buruusuwwa ififike midhatike tolchinninna ififike ha'watike tochinni welti muremeeke laakkossixxe qixxe'n shiqishshe.34Cubbotike tolchi'a mitte re'etika korbeesa shiqishshinaan; kunni edo ciincatik tolch ifike midhatike tochinninna ifike ha'watike tochuwwinni welti shiqammake tolchuwwa'n lebemeeten.35« ‹Saddeetixxe barra'ni bukki hiyye; eetene barra'n edo hujjinammaxxa huje hujjinoqqe.36Duuchchi Woddike Gootti'a fishshatike ciincatike tolchi'a duuchchiing fafa afebaaka mitte jibichcha, mitte gedhebiinka korbeessanna mitte mitte woggaka torbaane gedhebinka buruusuwwa shiqishshe.37Ookkonee jiboota, eettenee labbaxxa gedhebiinxa korbeeyyenna gedhebiinka buruusuwwa ififike midhatike tolchinninna ififike ha'watike tolchinni welti muremeeke laakkossixxe qixxe'n shiqishshe.38Cubbotike tolchi'a mitte re'etika korbeessa shiqishshinaan; kunni edo ciincatik tolch ifike midhatike tolchinninna ifike ha'watike tolchuwwinni welti shiqammake tolcha'n lebemeeten.39« ‹Werreegikinna ifixxe eeyyanni shiqishshinaaxxe uwwuwwa'n lebbine ciincatika ha'nooka tolchuwwa, midhatika ha'nooka tolchuwwa, ha'watika ha'nooka tolchuwwanna mittoomiinka ha'nooka tolchuwwa muremeeke ha'nooke ayyaannuwwa'n Duuchchi Woddike Gootti'a shiqishshe.› »40Muusenna Duuchchi Woddik Gootti iso'o ajajeemmaxxa duuchcha Isira'eelike arda'n kule.The Word for the World International