Laakkossiinka26
Langaka Ardiinka Laakosa
1Bala uurriteechchi uduma Duuchchi Woddik Gootti Muusenna qeesichcho Aaroonika belto Ali'aazaarii'i hiyyee qici,2«Isira'eelixxe tuuta giddike mini mini hadinaa'n wogga lame tomme ookkonechchi iima hedheeka lola dande'aaka duuchcha laakko'we» hiyye.3Tennexxee Muusenna qeesichchi Ali'aazaar Iyyaariko edidarre Yordaanoosi bira hedheeke Mo'aabike diida'ni ardake'n hine haasonneeqic,4«Duuchchi Woddik Gootti Muuse'e ajajemmashshanni woga lame tommenna ookkonechi iima hedheeka labballo laako'we.»Gibtseke Boginaa'ni Fuleeki Isira'eeliki Ardi Konnechchinni Butti'a Hedheeken:5Isira'eelika angafa belto Roobelixxi horte, Heenooki darree'n, Henooitotixxi gosa; Felusi darree'ni, Felusitotixxi gosa6Hatsirooni darree'ni Hatsiroonitotixxi gosa; Keriimi darree'ni, Keriimitoxxi gosa.7Tinni Roobelixxe gosa kaddaa wodda insa'ne giddii'n laako'emeek shoole tommenna sase kumanna torbaane dhibbanna sase tommemman.8Feluusik belti Eeli'aabite kadaa wodda,9Eeli'aabixxi labbaxxi oose Nemu'eeli, Daataaninna Aberoonitemman. Daataninna Aberooni kunni Muuse'ninna Aarooni'ni jalle'eke ardike ja'laabuwwa kandaa wodda, Qorenna hordofeeyye isixxi Duuchchi Woddike Gootta'ni jalline wodda insa'neenna tenne yaane he'nemman.10Lame dhibba onde tomme manna giira ittee wodda Qorexxi hordofeeye rertaa wodda konne manna kinni buttini haani hiyyeexxi isinni welti insa'ne'e liqiinse. Insa'ne'e arda xexxe'achchiisatee beesisa kande.11Kaddo malee Qorexxi oose rerteba'a.12Simoonixxe horte gosa gosan konnechchinni butti'a hexxeexxen: Nemu'eeli darree'ni, Nemu'eelitotixxi gosa; Yaameni darree'ni, Yaamenawitotixxi gosa; Yaakiin darree'ni Yaakinitotixxi gosa;13Zaara darree'ni Zaarahitotixxi gosa; Sa'uuli darree'ni Sa'uulitotixxi gosa.14Tinni Simoonixxe gosuwwa kaddaa wodda, insa'ne giddii'n laako'emeek lame tommenna lame kumanna lame dhibbamman.15Gaadixxi horte, gosa gosa insa'neexxe'n konnechchinni butti'a hexxeexxen: Tsifooni darree'ni Tsifoonitotixxi gosa; Haagi darree'n, Hagitotixxi gosa; Shuni darree'ni Shunitotixxi gosa.16Esina darree'ni, Esinitotixxa gosa; Eeri darree'ni Eeritotixxa gosa;17Arodi darree'ni Aroditotixxi gosa; Ari'eeli darre'ni Ari'eelitotixxi gosa.18Tinni Gaadixxi gosa kaddaa wodda insa'ne giddii'n laako'emeekir shoole tomme kumanna onde dhibbamman.19Eerinna Awinaani Yihudaxxe labbaxxe oosemman; yaane kinni insa'ne Kenaaanike boga'ni renne'en.20Yihudaxxi horte gosa insa'neexxe gosanaa'ni konnechchinni butti'a hexxeexxen: Seeloomi darree'ni Seelomitotixxi gosa; Faaresi darree'ni, Faareesitotixxi gosa, Zaara darree'ni Zaarihitotixxi gosa.21Faaresixxi horte gosa gosa insa'neexxenni konnechchinni butti'a hexxeexxen: Esooir daree'n Eesiritotixxi gosa, Hamuli darre'ni, Hamulitotixxi gosa.22Tinni Yihudaxxe gosa kadda wodda insa'nenaa'n laako'emek torbaane tommenna jaane kumanna onde dhibbamman.23Yisakoorixxi horte gosa gosa insa'neexxenni konnechchinni butti'a hexxeexxen: Toola darree'ni Toolitotixxi gosa, Faawa darree'ni Faawitotixxi gosa;24Yaasubi darrenaa'ni, Yaasubitotixxi gosa, Shimeeroni darrenaa'ni Shimeeritotixxi gosa.25Tinni Yisakoorixxe gosa kadda wodda, insa'ne giddii'n laakko'eemeek jaane tommenna shoole kumanna sase dhibbamman.26Zabilonxi horte gosa gosa insa'nexxenni konnechchinni butti'a hexxeexxe: Sereddi darre'ni Sereditotixxi gosa darree'ni Elooni Yahiyi'eelinna insa'nexxi hortemman.27Tinni Zabilonixxe gosa kaddaa wodda insa'ne giddii'n laakko'emeek jaane tomme kumanna onde dhibbamman.28Yooseefixxi horte Minaase darre'ninna Efireemi darre'ni gosa gosa insa'neexxi konnechchinni butti'a hexxeexxen:29Minaasexxi horte Maakiri darree'ni Maakirtotixxi gosa; Maakirinna Gele'adike annamman; Gele'adi darree'ni Gele'aditotixxi gosa.30Gele'adixxi horte konnechchi butta hexxeexxemman: Ii'eziir darree'ni I'eziiritotixxi gosa, Heleeqi darree'ni Keeligitotixxi gosa,31Asiri'eeli darree'ni, Asiri'eelitotixxi gosa, Seekemi darree'ni Seekemitotixxi gosa;32Shemiida darree'ni, Sheemiditotixxi gosa, Ooferi darree'ni Ooferitotixxi gosa.33Ooferik belti Seliphi'aadi labbaxxa oose afeemmabaan; isixxi oose dubara callamman; Insa'nenna Mahilehi, Nu'a, Hogila, Milikanna Tirtsa'a hiyyema'am.34Insa'ne Minaasexxe horte kaddaa wodda insa'ne giddii'n laakko'emek onde tommenna lame kumanna torbaane tomme dhibbamman.35Efireemixxi horte gosa gosa insa'nexxenni konnechchinni butti'a hexxeexxen: Suutuli darree'ni Suutulitotixxi gosa, Bekkeeri darree'ni, Bekkeerixxi gosa, Tahana darree'ni Tahanitotixxi gosa.36Edeni darre'n Edeenitotixxi gosa; tinni Suutullaxxe hortemman.37Konneechchinni butti'a hexxeexxi Efireemixxe gosa kadda wodda insa'nenaa'n laako'emekir sase tommenna lame kumanna onde dhibbamman.
Insa'nenna gosa gosa insa'nexxenni laakko'emeeke Yooseefixxe hortemman.38Biiniyaamixxi horte gosa gosa insa'nexxishshanni konneechinni butti'a hexxeexxen; Beela darree'ni, Beelitotixxi gosa, Ashibeel darree'ni, Aseebelitotixxi gosa, Ahiirami darree'ni Ahiiraamitotixxi gosa.39Soofani darree'ni Soofanitotixxi gosa, Huufami darree'ni Huufamitotixxi gosa.40Beelaxxa horte Ardinna darre'ninna Ne'iman darree'n: ardi darree'n Arditotixxi gosa, Na'imani darree'n Na'imitotixxi gosa.41Tinni Biiniyaammixxe gosa kaddaa wodda, insa'ne giddii'n laakko'emeek shoole tommenna onde kumanna jaane dhibbamman.42Daanixxi horte gosa gosa insa'neexxishsha: Simi'ee darree'ni, Simi'etotixxi gosa. Tinni Daanixxe gosa kaddaa wodda,43Duuchching Simi'etotixxe gosamman; insa'ne giddii'n laakko'emeek jaane tommenna shoole kumanna shoole dhibbamman.44Aseerixxi horte gosa gosa insa'nexxishsha konnechchinni butti'a hexxeexxe: Yiimina darree'ni, Yumiinitotixxi gosa; Yesuwwa darree'ni Yesuwitotixxi gosa; Beeri'a darree'ni Beeri'atotixxi gosa,45iittanni Beeri'axxe horte darree'n: Heberi darree'ni Hebertotixxi gosa, Meliki'eeli darree'ni Melike'eeltotixxi gosa.46Aseeri Seerahi hiyyendaaxxe belto afe'eman.47Tinni Aseerixxe gosa kandaa wodda, insa'ne giddii'n laako'emeek onde tommenna sase kumanna shoole dhibbamman.48Nefitaalemixxi horte gosa gosa insa'nexxishsha konnechchinni butti'a hexxeexxen: Yahitsi'eeli darree'ni Yahitsi'eelitotixxi gosa; Guuni darree'ni, Guunitotixxi gosa;49Yetser darre'n Yetseritotixxi gosa; Shileemi darree'ni Shileemitotixxi gosa;50Tinni Nefitaalemixxe gosa kadaa wodda, insa'ne giddii'n laako'emek shoole tommenna onde kumanna shoole dhibbaman.51Isira'eelike labballik duuchching laakkosi mitteba, jaane dhibbanna mitte kumanna torbaane dhibbanna sase tommeman.52Duuchchi Woddik Gootti Muuse'e hiyyeqic,53«Iikki bogi insa'neke laakkosike summixxe qixxe'ni qoqodeme'e qadaadi insa'ne'a uwwemmowwaal.54Heddate'eka laakkosa afe'exxe gosa'a ba'laka qadaada, heenooka laakkossa affe'eexxe gosa'a kinni heenoga uwwi; mitti mitting qadada borresemeeke laakkosixxe qixxe'n adhdhowaal.55Bogink qoqodensha hixikite kadowwaali, mitti mittinxi gosa qadaada ififike edike annuwwike summinnite kaddaan.56Mitti mitting qadaadi hixiiki qoqodemowaal; heddo laakkosike ba'lak qadaad heeno laakkosike shiixxok»57Gosa gosati insa'nexxishsha laako'endeemaxxi Leewwito konneechinni butti'a hexxeexxen.
Gediso darree'ni, Gershoonitotixxi gosa, Qe'aati darree'ni Qe'aatitotixxi gosa, Meraari darree'ni, Meraaritotixxi gosa.58Iittanni konnechhcinni butti'a hexxeexxinna Leewwixxe gosaman: Liibinitotixxi gosa, Kebiroonitotixxi gosa'a, Moholitotixxi gosa'a, Muusitotixxi gosa, Qoretotixxi gosa. Qe'aattinna Imram i'le.59Imraamixxe arek summi Yokaabidi hiyyemaan. Isenna Gibtse boga'ni Leewwitotenaa'ni ilendeexxe Leewwixxe horten. Isenna Aarooni'i, Muusenna dayyo insa'neexxa Maaryaami'i Imraami'a ilde.60Aarooninna Naadabike, Abihu, Ali'aazaarikenna Itamaarike annamman.61Yaane kinni Naadabinna Abihu seerbeloxxe giira'ni Duuchchi Woddike Gootti'a tolcha shiqinsheemmaxxe'e renne.62Wogga insa'neexxi mitte aganjo yookin ookoneechchi iima hexxeexxi labbaxxi Leewwito duuchchi laakko'endeexxi lame tommenna sase kuma kadde; insa'ne wele Isira'eltotishsha qadaadi insa'ne'a uwwemagophammaxxee Isira'eelitotixxe welt laakko'emmebaan.63Muusenna qeesichchi Ali'aazaar Iyyaariko edi darre Yordaanoosike galaani bira hedheeke Mo'aabike diidda'ni he'nemma wodda Isira'eelika arda laakkonne wodda laakko'emeemmak konne mannamman.64Muusenna qeesichchi Aarooni Siinaxxe qiilla gammoojje'n Isira'eelika arda laakkonnee wodda konne laakko'emeeke manninaa'n mittikinna hedhemmaba'a.65Tinninna kaddeechchi iikki manni qiila gammoojje'n rennaaxxa ookkone wodda Duuchchi Woddik Gootti haaso'emaxxete kadda wodda Yoofonika belto Kaalebiinna Naweka belto Iyyaasu gadhidarre insa'nenaa'ni reyebaak gate'eemmak mitti manjinna hedhemmabaan.
The Word for the World International