Iyyaasu19
Simoonike Gosati Mi'a Uwwemeeka Qadaada
1Langaki hixi Simoonike minike aanchi aanchike ardi'a ibe; insa'ne'aa uwwemeemmaki bogi Yihudake gosati minike ardike bogi giddi'a e'yeemman.2Kunniirinna Bersaabehi'ki, Sheebak, mooladaki3Hatsarishu'aalik, Baalaki, Etseemik,4Eltolaadik, Betuuliki, Horimaki,5Tsiqilaagi, Beetimarikabootiki, Haatsaarisuusak6Beetileba'otinna Shaaruheeni hiyyemeeka tommenna sasi qahchcuwwinna konne qachchuwwike qarqara'n hedheemmaki shiixxarammi qachchuwwinni mitteban.7Konneerinn welt weli Ayyini, Rimooni, Eterinna Ashaani hiyyemaak shool qachchuwwinna konnee qachchuwwi qarqara'n hedheemmake shiixxarammi qachchuwwi.8Iittanni bita'i darre'n Ba'ilatibe'eeri yookaan Raamaati qico'n hedheeka qachchuwanna konnee qachcuwwi qarqara hedheemmaka shiixxaramma qachchuwwa mitteba abideetemman; kunni Simoonike gosati mini minike aanchi aanchike ardi'a uwwemeeke bogi konnetemman.9Yihudake minike ardi'a uwwemeeki bogi yo'oshsha ba'lake kadeemmaxxee Simoonike gosati minike ardi'a Yihudake gosati minike qoobbonaa'n qadaadummati uwweme.Zabiloonike Gosati Minike Ard'a Uwwemeeka Qadaada
10Sakkaki hixi Zabilonike minike aanchi aanchike ardi'a ibe; insa'ne'aa uwwemeeki bogi Saariidi qachchi qico'n mare geyeeken.11Ookko'n kexxeexxi insa'nexxi gabala Mere'alaba fuleexxi Dabashetem qico'ni Yooqine'aamike qachchuwwiba dhidhimi darre'n hedheek galaanixxa duuka me'ita'n boroti darre'n Mari'ila qachchi qico'n marite geltaan.12Saariidii'n boroti darre'n wirri hita'n Kisilooti Taabori darree'n saxxe'e Dabiratinna Yaafi'a marte geltaan.13Ookko'ninna boroti darre'n Rimoonike qachchiba'a me'inammake oranaa'n Nii'ake qachchibaa wirri hiteexxi Gaatiheferinna Itiqaatsinike qachchixxa kute saxxaani.14Middi darrexxi gabala Hanatoonii'ni kutte saxxee Yifita'elixxe Dhooqa'n marte lufi hittaan.15Iitta'n Qaxaatike, Nahilaalike, Shimiroonike, Yidaalake, Beetelihemike qachchuwwinni welt laakkoossiki tommenna lame qachchuwwanna qarqara hedhemmaka shiixxaramma qachchuwwa mitteba bukki asse abidaan.16Tennexxe Kunni qachchuwwinna qarqara hedhemaki shiixxarammi qachchuwwi Zabilonike minke aanchi aanchi ardi'a uwwemeemmake geegomman.Yissaakoorike Geego Kade Uwwemeeka Boga
17Sholniingi hixi Yisakoorike aanchi aanchi ardi'a ibe,18Insa'neke bogi giddo Iyyizira'eelik, Keslootik, Sunemik,19Hafarayimik, Shi'oonik, Aanaharatinik,20Raabitki, Qisoonik, Abeetsiki,21Reemeetik, Eniganimik, Eeniganiimkanna Beetiphatsiniki qachchuwwi afemaan.22Gabala insa'nexxi Taaboorixxa kooba Shahatsumakanna Beetisihemeshika qachchuwwa duuka me'texxi Yordaanoosike Galaana'n marte uurritaan. Kunni laakkoossik tommenna jaane qachchuwwanna qarqara hedheeke shiixxaramma qachchuwwa mitteba abideeten.23Tennexxe kunni qachchuwinna qarqarake'n hedheeke shiiaxarammi qachchuwwi Yisakoorike minike aanchi aanchike ardi'a uwwemeeke geegi giddo hedheeke qachchuwamman.Asseerike Minike Aanchi Aanchike Ardi'a Uwwemeeka Geego
24Ondiki hixi Aseerike minike aanchi aanchike ardi'a ibe;25Insa'neke bogi giddo Heliqaatii'i, Halii'i, Beexeniki, Akishafii'i,26Alamelekeki, Ami'adinikinna Mishi'aalik qachchuwwi afemaan. Dhidhimi darrexxi gabala Qermeeloosixxanna Shihoorilibinatixxa duuka me'itaan.27Boroti darre'n Beetidaagoni'a wirri hiteexxi Zabilonixxenna Yiftahi'elixxe Dhooqaxxa duuka me'iyoti Kabulii'i bita'i darre'n gatisseexxi middi darre'ni Beeti'emeqinna Ni'eeli marite geltaan.28Ookko'inna edi'a me'iteexxi Ebrooni , Rehoobi Hamooni'ninna Qaanaa'n saxxe lumoxxe Sidoona qico'n geltaan.29Gabala kollifachchotike Xiroosike qachcha marte geltee'e Raama'a wirr hitaan; ookko'inna Hosa'a wirri hiteexxi Akizibi darre'n Meditiraanixxe abbaayya'n marte uuritaan.30Kunninna Uumake, Afeeqikenna Rehoobike qachchuwwinni welt lame tommenna lame qachchuwwinna qachchuwwi qarqara hedheeka shiixxarammi qachchcuwwa mitteba abideeten.31Tennexxee kunni qachchuwwinna qarqarake'n hedhemmak shiixxaramm qachchuwwi Aseerike gosati minike aanchi aanchike ardi'a uwwemeemmake geegon.Nifitaalemike Minike Aanchi Aanchike Ardi'a Uwwemeeka Geego
32Jiyak hixi Nefitaalemike minike aanchi aanchike ardi'a ibe.33Insa'neke bogixxi gabala Halefinna Tse'ineenimi hedheeke lumoke Qilixxiba'n kexxeexxi Adamineqeebi'ninna Yaminiya saxxe'e Laqumi'a daga'n marte Yordaanoosike galaana'n uurritaan.34Ookkoneechchi uduma gabala dhidhimi darre'n Azinotitaabori'a wirri hiteexxi Huqooqi'a toggi hite me'itaan. Tinni gabala bita'i darre'n Zabiloni dhidhimii darre'n Aseeri Yordaanoosike galaani boroti darre'n Yihudaten.35Iittanni kollifanteemmaki qachchuwwi Tsidimi, Tseeri, Hamaati, Raaqaati, Kenereeti,36Adaama, Raama, Hatsoori,37Qaadeesi, Edire'i, Enihatsoori,38Yiri'onni, Megidaali'eeli, Horemi, Beeti'anatinna Beetishemeshi laakkoossi tommenna sallane qachchuwwanna qarqarake'n hedheeke shiiaxaramma qachchuwwinni mitteba.39Tennexxe kunni qachchuwwinna qarqara hedheeki shiixxarammi qachchuwwi Nefitaalemike minike aanchi aanchike ardi'a uwwemeke bogi giddo hedheeken.Daanike Minike Aanchi Aanchike Ardi'a Uwwemeeka Geego
40Torbaki hixi Daanike minike aanchi aanchike ardi'a ibe,41Boga insa'neki giddo Tsoori'ak, Eshita'oolik, Irishemeshiki,42Sha'alibimik, Ayyaloonik, Yitaalaki,43Eeloonii'i, Timinak, Aqaroonik,44Eliteeqe, Gibetooniki, Ba'ilatiinki,45Yihuudiki, Beeneberaaqiki, Gaatirimoonin,46Meyariqoki qachchuwwinna iittanni Iyyophee qarqarike boginni welt Raaqoonik qachchi hedheen.47Daanike miniki aanchi aanchiki ardi insa'ne'a geyaa boga dandeene abixxa gonphee wodda Layishi mareexxi ookkone qachcha lole abinde, ardakanna shinne birreexxi qachcha ifike asse'ne ookkoo ofolle; qachchika summanna jijiirrexxi ifike hundaayyetike annika summa Daani hine fulchine.48Tennexxe kunni qachchuwwinna qarqarake'n hedheeki shiixxarammi qachchuwwi Daanike minike aanchi aanchi ardike geegon.Iyyaasu'a Uwwemeeka Geego
49Isira'eeliki ardi boga qoodeme'e ifi ifika qoobbo abixxinchinni udumi'a Iyyaasu'u Neeweke belti'a geyaaka boga uwwe.50Duuchchi Woddik Gootti ajajemmashshanni kooba callike Eefireemike bogi giddo uuno'a laqeeka Teminaseera hiyyemaaka qachcha uune. Isinna ookkone qachcha qammalcheexxi ookko ofo'le. Mageni ajajemmashshanni Efireemike koobatike boga'ni afendaaxxa Teminaasera hiyyendaaxxa Feleegatika qachcha uune; isinna hiisseexi qachcha ijaare; galdumi boonno assedhe.51Qeesichchi Ali'aazaar Neewek belti Iyyaasunna Isira'eeliki minike ardika akeekisanjuwwi Seelo afenshatike duunkaanixxe baxxe'n Duuchchi Woddike Gootti edo Isira'eelike ardi'a hixiki qoondemmaki geegi konneten. Konne qicinetemman boga qoonde birreek.The Word for the World International