اقرأ Iyyaasu 15

Iyyaasu15

Isira'eeli Yihudake Minike Ardi'a Geyeka Geego

¹Isira'eelii'i Yihudake minike aanchi aanchi ardi'a uwwemeeki bogixxi gabala Eedoomike bogixxe bita'i darrexxe gaba'la'n hexxeexxe Tsinixxe gammoojje qiillake kasi qico'n mare geyedheen.²Bita'i darre'n insa'neke bogixxi gabala Maxinetixxe Abbaayyake kasa'n bita'i darre'n abbaayya giddi'a suuxxi hiyye e'yeeke bogi qico'ntemman.³Ookkoo'n bita'i darre'n Aqirabiimika ora woxxe saxxe marte Tsini geltaan. Qaadesi Berineke bita'i darre'inna Hetseroonike qachchinaa'n sa'e me'ite Aadaarike qachchanaa'n toggi hiyyati Qarqake qachchi darre'n wirri hitaan.⁴Atsimoonike qachchibaa saxxe me'ati Gibtseke bogixxe gabala'n hedheeke galaani qico'n marte gelta'n, Mediteraniyetixxe Abbaayya'n marte uurtaan. Tinni bita'i darre'n Isira'eelii'i Yuhuudake minixxe gabalan.

⁵Boroti darreexxi gabala Maxinetixxe Abbaayya qico'n, Yordaanoosik galaan timi qico'nten. Middi darrexxi gabala kinni Yordaanoosik galaanike timibaa'ni Abbaayya giddi'a suuxxi hiyye e'yeeke bogiba'n⁶Beetihogila qico'n marte geltaan, ookko'ninna Yordaanoosixxe dhooqake middanaa'n sa'exxi Boohaani hiyyemmake Roobeli beltike qaabbet kinji qico'n marte geltaan.⁷Ookko'ninna Akoorixxe dhooqanaa'ni Dabiri'a qabbatta'n Aduumimike ori edi darrexxe dhooqake bita'i'n middi darre'n Geligela'a wirri hitaan. Tennexxe Gabala Ensheemeshixxe muummexxa saxxa'n Enirogeeli marete gelteen.⁸Iittanni Heenomike belitixxe Dhooqake bita'a hexxeexxe adaddeeshumma'n Iyyaabusitotike qachchik kadeeke Iyyerusaalemike qachchi darree'n Heenomixxe dhooqa edi darre hexxeexxe koobaxxa xungo'n saxxa'n middi darre'n Raafayimixxe dhooqa marte gelteen.⁹Ookko'inna gabala koobatixxe xungo'n kexxeexxi Nefitohaaxxe muummuwwaba marte gelteen; Efiroonixxe koobake qachchuwwixxa saxxa'n Ba'aala yookaan Qiriyatiyi'aarimibaa wirri hitaan.¹⁰Ookko'ni Ba'aala qarqaranaa'n middi darree'n Seyiirixxe koobabaa wirri hitaan; Yi'arimi yookaan Kisaloon hiyyendaaxxe koobaxxa adaddeeshumma saxxaan adaddee Beetishemeshike qachchibaa dirrite Timinake qachchibaanna qaxxaamurtaan.¹¹Tinninni gabala midha Aqaroonixxe koobake'n alallee qabate'e Shikerooni gama'n wirrihita'n Ba'aalixxe koobaxxanna Yabini'eelixxa saxxa'n Meditiraayanixxa Abbaayya marte geltaan.

¹²Dhidhimi darrexxi gabalanna Meditiranixxe Abbaayyanna ise qariqara hedheeke bogi qico'niten; tinninna Yihudake ardke bogixxi elqe kayyi'n aanchi aanchixxi gabala tenneten.

Kaaleb Keberooninna Debirni'i Injifate Abixxeexxa

¹³Iyyaasu Duuchchi Woddik Gootti ajajemma shanni Kaalebii'i Yifaaneke belti'a Isira'eeli'i Yihudake gosati minike qoobinaa'n Qiriyati'arbaaqi yookaani Kebirooni gegoke kadaasha uwwe. (Ariba Enaaqike annamman)¹⁴Kaalebi Sasiinxa Enaaqixxa horte: Sesinii'i, Ahimaaniinna Talimayii'i Kebiroonina'n shorre.¹⁵Ookko'n ke'exxi Debiri hedhammaka arda lolo'a me'e; Kunni qachchi edidarre Qiriyatisefeeri hiyyema'eemman.¹⁶Kaalebi «Qeriyatisefeerika qachcha lole'e abidake manji'a belto anixxa Akisaa'a aadhisaanen» hiyye¹⁷Tennexxe Kaalebika dayyo, Qeneezik belti Otini'eeli ookkonee qachcha lole abide; Kaalebinna belto ifika Akisaa'a Gotoonniyyani'a uwwee'na'a aadhe.

¹⁸Akisa Gotoni'alba'a dagee wodda, anna isikenaa'ni huccaaka fichcha kadhataashsha duute ise'a gorsa uute isenna harrichchotenaa'n dirriteshshanni Kaalebi isee, «Ati'a maasona'a hassaate?» Hiyye ise qore.¹⁹Isenna, «ani'a ute'ettaki bogi bagoke kadeemmaxxee'e wodi'iinxa muummuwwa ani'a uwwi» hite. Kaalebinna alee'ninna aadee'ni lame wodi'iinxa muumme ise'a uwwe.

²⁰Isira'eelii'i Yihudake gosati minik ardi'a aanchi aanchinni uwwemeeki geeg konneechchinni butti'a hedheeken:²¹Bita'i darre'n Eedoomi qico'n hedheeki Isira'eeli Yihudake gosati minik qachchuwwi Qebsi'eeli, Edeeri, Yaguri,²²Qiina, Dimoona, Adi'aada,²³Qaadeesi, Hatsoori, Yitinaani,²⁴Zifi, Xellemi, Be'aaloti,²⁵Hatsoorihadata, Qiriyotihetsirooni, yookaani Hatsoori,²⁶Amaami, Shema'i, Moolada,²⁷Hatsaarigada, Heeshiimoon, Beetiphaalexxi,²⁸Hatsarishu'aali, Bersaabehi, Biiziyotiya,²⁹Be'aala, Iiyuumi, Etseemi,³⁰Eltolaadi, Kesili, Horima,³¹Tsiqilaagi, Maadiimana, Saanisana,³²Liibawooti, Shilihiimi, Iyyiniinna Rimooni hiyyemmaki laakkoossiki lame tommenna sallane qachchuwwanna qachchuwwika ola'a duuchcha mitteba abideeten.³³Gammoojichchi bogi giddo hedheeki qachchuwwi Eshita'ooli, Tsoori'a, Ashiina,³⁴Zaanoha, Enigaanimi, Taapuha, Enaami,³⁵Yaarmuuti, Adulaami, Sekooti, Azeeqa,³⁶Shi'arayiimi, Aditaayimi, Gedeeranna Gederotaayim hiyyemaki laakkoossiki tommenna shoole qachchuwwanna qachchuwwika olla'a duuchcha mitteba abideeten.

³⁷Iittanni Tsinaani, Haadasha, Miigidaligaadi,³⁸Dili'aani, Mitsiphpha, Yooqixi'eeli,³⁹Lakishi, Bootsiiqati, Egilooni,⁴⁰Kabooni, Lahimaasi, Kitilishi,⁴¹Gederoti, Beetidaagon, Naa'imanna Maqeeda hiyyemaaki laakkoossiki tommenna jaane qachchuwwunna qachchuwwi qarqara hedheeka shiixxaramma qachchuwwa duuchcha mitteba abideeten.

⁴²Konne duuchchinni welt Libina, Eteri, Ashaani,⁴³Yiifitahi, Ashina, Neetsibi,⁴⁴Qe'iila, Akizibinna Meriisa hiyyemaaki laakkoossiki salane qachchuwwanna qarqarake'n hedheeka shiixxaramma qachchuwwa duuchcha mittebaa abide'een.

⁴⁵Aqarooni hiyyemaak qachchi isi qarqara'n hedheemmake shiixxaramma qachchuwwi duuchchinni mitteba;⁴⁶Aqarooninaa'n Mediteriyanixxe Abbaayya qico'n Ashidoodike qarqara'n ijaarememmaki qachchuwinna qachchuwwike qarqara'n hedheek shiixxarammi qacchchuwwi mitteba;⁴⁷Iittanni Ashidoodike qachchi qarqara hedhemmake shiixxaramma qachchuwwinn mitteba; Gaazak qachchi Gibtseke qarqara hedheeke galaani qico'inna Mediteranixxe Abbaayya qico'ni hedheeke shiixxaramma qachchuwwin mitteba;⁴⁸Koobatike bogi giddo Saamiri, Yaatiri, Soko,⁴⁹Daana, Qiriyatiseferi yookaan Debiri,⁵⁰Anaabi, Ashiteemo'a, Aanimi,⁵¹Goosheni, Holooninna Giilo hiyyemaaki tommenna mitti qachchuwwi qarqarake'n hedheeke shiixxaramma qachchuwinni mitteba bukki asse'en.

⁵²Iittanni Arabi, Duuma, Eshi'aani,⁵³Yaanimi, Beetitapuuha, Afeeqa,⁵⁴Humixa, Kebirooni hiyyendeexxi Qiriyati'arbaaqinna Tsii'ori hiyyemaaki laakkoossiki sallani qachchuwwi qarqara hedheeke shiixxaramma qachchuwwinn mitteba bukki asse'en.

⁵⁵Ma'ooni, Qermeloosi, Ziifi, Yuuxa,⁵⁶Iyyizira'eeli, Yoqidi'am, Zaanoha,⁵⁷Qayin, Gibi'anna Timina hiyyemaaki laakkoossiki tommi qachchuwwi qarqara hedhemmake shiixxaramma qachchuiwwini mitteniba bukki asse'en.

⁵⁸Ittani Halihuli, Betitsuuri, Geedoori,⁵⁹Ma'iraati, Beetii'anotinna Elitiqo hiyyemaaki laakkoossiki jaani qachchuwwi qarqara hedhemmake shiixxaramma qachchuwwinni mitteba;

⁶⁰Qiritiyatibaali yookaan Qiriyatiyi'aariminna Raabati hiyyemaaki lamme qachchuwwi qarqara hedhemmake shiixxaramma qachchuwwinni mitteba⁶¹Konneerininn welt qiilla gammoojje giddo hedhemmake Beeti'araba, Miidiini, Sekakaa⁶²Nibishaani, Maxineti qachchinna Eenigaadi hiyyemaak laakkoossiki jaani qachchuwwi qarqara hedheeke shiixxaramma qachchuwwinni mittebaten.

⁶³Yaane kinni Isira'eli'i Yihudaki ardi Iyyerusaalemi hedhaammaka Iyyaabusaxxe gosaka arda shorra dandennebaan. Tennexxee Iyyaabuusaki ardi telchi qico'n Isira'eeli Yihudake ardinni welt hedha'neen.

The Word for the World International

https://app.library.bible/content/2b894378475c6aea