Iyyoobikaa Maxaafa4
Elfaazika Siretika Haaso'a
1Teemaanike bogiki maniji Elifaazi Iyyoobikee haaso'i'a hisse haaso'ani:2«Koo Iyyoobi! Ta'a ani atinni haaso'enele ossiteenni caqqassatto?Kaddomalee kinni haaso'a walabo'noni?3Ati heddo manna barsiissa'eettani,gargaaraaka afebaaka manna jajabeessita'ettani.4Hedhdo gugguffateekara gorisitaatanni,shaqqeekaranna jabeessitaatani.5Ta'a kinni rakko ate'ninni daggeemmaxxee atinni hophpholdeetten;rakko a'uritemmaxxeenna mekki hitee'tteni.6Mageno sodaatta'n mitte ci'ma belo hexxettentennexxee Magenoke'ni kiphate jabaat.7«Cubbo hujebake manjo kade'e rakko geltee'na,ba'edheeki manji hedheexxe kaddoole hedi me'eke?8Ani uudenneshshate kadoole midha hunjjammashsha fuggoxxa huccaakimidhatishsha rakkote haa'maani.9Mageni insa'nee ifike Hafuurinni balleessaani;Ifixxe mufetixxe diidallonninna biraan,10Fuggaaleeyye Neenqiinshsha harqitaani,Mageni kinni, isso insa'neexxa enqe eniqe biraani.11Neenqi abide itaachcho gophoole reyammashsha insa'nenna rennaan,Neenqi okkonexxi beltanna xeerendammashshanni insa'neexxi oosenna xereendaani.12«Mitte barra erga mitte sho'iki aniba gelte,tenne erganna mitti manji manshshate'n hashasha'ni kule.13Manji hashsha diiphe cokokki hiyye'e,alaalshshitaaxxa oojjo hashsha oojjotee wodda,14Alayye sodaatennebisi duuchchinni roqoonse culphisenne.15Gandammaxxe diidalloshsha alba anka fiya'ni sa'eechchialayokenaa'n kexxeexxa bisi ank orda ke'isse.16Ookko uurree'naa mittelchcho afenneyaane kinni hubate uuddannoolennamaachcho kaddeexxa haakenneookkoneechchi uduma mittilchchinna shokki hiyya'neechchi hedhebaaxxe bakka'nilaqqenneki hasoo'i hiyyaamma qici17‹Mageni edo manji ca'ichchake?Manji dadeemmake Mageni irra qullichchakee?18Mageni Ifika erganjjuwwa addata gopha'noole,Ifixxe erigana'ninna midde dedhdha afa'neeke kadoole,19Hittata buttinakenaa'ni dademeka,ookkone butinana'ni woyo'ebaakanna,corroqqa shiixxonigechchi'a rertammashsha reyaaka manjjo addata?20Manji gorsa lubbondinni hedheekee;dedhange'ni galgala reye ba'aani.21Horateechcho duuchchanaa'n fuleexxi,Mageniinka ora ege'nebaang reyaani.›The Word for the World International