Iyyoobikaa Maxaafa39
1«Buddanne ildaaxxa yanna egendeette?Gadansi ciniinfate ilaa wodda affe'e egndette?2Godoba afe'e hitteexxa yanna turaaxxannahaano illaaxxa egendette?3Guluffate ciniinfate beltanna ildaakihaanote kaddeexxa egendeette?4Beltanna insa'nexxi badda'a giddo nophphite jabaattaanfulde me'iteechchi kayyi'a langaxxa amatiba'a hingabaan.5«Diidi giddixxa harre fedhe galdaashsha wocci asseeki ayyete?Usurrakenaa'n isee tikeeki ayyete?6Qiilla gammoojje mine iseke'n galdaashshamaxine callike boga'ni'nna hexxaashsha asseennen.7Isenna canci bira sa'eeke qachchuwwana'n bayyatte'e hexxaanedi'a oofa'n cancaaka manna egendebaan.8Koobuwwate'n bobbaate hossaanookko itate kaddaaxxa haanjaxxa badda'a halsitaan.9Gafarsi ati'a ishshi hiyye hujaa?dala'i atiki giddo galaa?10Gafarsa qotiyyotishsha usurte'eati'a hujaashsha assa dandeettatto?11Jabaxxa hunna afeemmaxxe'e isoo addattatto?Jabaxxa atixxa huje iso'n waaldattota?12Atibaa ileema hige'eati'a midha aldu'metiba'a guraan hite'e heqqexxatto?13«Balguddi keela ifika rakee diriisedhaanyaane kinni qongishsha me'aba.14Balguddi quuphphe bukoti hana ibisabutinange'n hedhe'e eebbo'a waalaan.15‹Ookkoo'n mittilchchi sa'a wodda lekkati hadhe enqaanyookaan biniinchi mitti hadhe butuchchaan› hite'e hedabaan.16Beltanna isexxe kaddeebaashsha godoba jabataanelo isexxi tola gattoolenna yaadabaan,17Iitta beekkuma afabaashshahoyyedhennekinna gowwitaashsha assennek Anten.18Gongichchoke kexxaa wodda kinnfadhadokanna gulufeemmaka manna osoldaan.19«Koo Iyyoobi! Fadhadoke'e hunna utetteki goobake'nshuuroota oddeesite seessetteki atetee?20Koro'miisiinsha xogge koqa'nmanjo alanshaashsha ati assitato?21Fadhado bagediinbaa adhetee gulunfe me'inoolehunna ifixxe'n addate garmaama'nee himimmisaan.22Ijje soda'atte hinaachcho afebanmittelchchonna riffi hiyyaba'abagedo donbee'naanna midde udumi'a higabaan.23Gulufeeki loliinkki manni abixxeek loliink miyuwwicalaqisa'n welti ganema'n qililisaa'na laqaan.24Onno'ee buttina giwwisaanmalagata ufuunfee'naa laqoole loliinbaa qolcho'a hooxemaan.25Malagata ufuunfee'naa laqoole ‹hashshu› hiyyaanbayyii'ninni adhetika foole aadhaanbagedo ajajammake mannika hafuuranna ardiinka canca laqaan.26Jole dota'neekkeela bita'i dare'n bande'e me'ita'neek atike beekuminnitee?27Sinbiri iimi'aa bayyate me'ashshayookaan alaatte mine ijaadhdhitaashsha barsiissatto?28Allaate lumolla kinoxxe oddo'n hexxaan; ookkonna mine ijaadhdhitaanlumolla kinonna ise'a gollake kaddaan.29Ookko hexxee ittaachcho gaaddaanille isexxinna bayya hedheechcho affaan.30Konne qicin Alaattuwwa renshin qarqara'n bukki hitaanbeltanna isexxinna munde ha'witaan» hiyye.
The Word for the World International