Lee Eermiyaasikaa Raaga 48

Eermiyaasikaa Raaga48

Mo'aabixxe'e Kulendexxa Erga

¹Mo'aabixxa Ba'ne.
Dada Duuchcha ajajaak Duuchchi Woddiki Gootti Isira'eelik Mageni hiyya'nee qici:«Aanne'e Neebo'a ba'nenden.Qiriyaataminna abidende salphattaan;jabaxxi kolluwwa diigendaan.²Konneechchi edi'a Mo'aabixxi saadendabaan;gosa gosaki ardinna Haseeboni'ni ofo'le;‹Amme ookkone boga balleessino› hine fuggoxxa ise'n mari'antaan.Tee Medimeen; ateenna bucuqqi hitaboxxoshsha assinaan;wolaantichchikinna shorrinaani.³Horonayimii'ni laqenda'neexxa,jabaxxe ba'nexxinna diigenshatixxa rare caqasse!⁴Mo'aabi baxxaan;oose isexxina raartaan.⁵Insa'nenna heeqinse oo'na'niLuuhiti'i qabantaan;Insa'ne'ni gelteexxe ba'nexxe hunbaashshina'ni oo'na'ni;Horonayimii'ni butti'a dirrinaan.⁶Baqatine lubbo ha'noxxanna gatese!qiilla gammoojje'ni hexxeexxe qu'muudoshsha kadde.⁷Huje ha'nooxxe'ninna karra ha'nooxxe'n addatinammaxxe'eha'noonna booji'endinaanKaamoshinna qeesoletinna jalqabuwwik welti;boojin adhdhine me'inaan.⁸Mitti mittinge qachchuwa'ni balleesanji dagaan;mitti qachchinna gatabaan.Duuchchi woddiki Gootti haaso'eexxi;dhooqatinna diidi urime gataan;⁹Phirri hiyye baaje fulo'a;Mo'aabi'a keela uwwe.Qachchuwwi mittichchinna hedhabaqico'ni;uruma kade gataan.

¹⁰«Duuchchi Woddike Goottixxa huje ga'ma'mi hiyya'ni hujaaki yowwemeeke kadun;isika ajajee'na'a wolaantichik munde dunabaasha hoyyaaki yowwemeeken!

Moa'bike Qachchuwwixxa Diigensha

¹¹«Mo'aabi kotofik hedheeke woyinetike bulbulo;oosummandenaa'ni ke'isse ititee hedhemman;Mitte miyanaa'ni wele miya'ni fulchinebaan;booji'eme ege'nebaan;Anjatinn hexxemmashshanni hexxeen;xe'me isexxinna jijjirendebaang hexxeen.¹²Tennexxee mitte miyana'ni weleke'ni fulchaaka manna;erganoxxe yanna daggaan»Hiyya'neen Duuchchi Woddik Gootti.«Insa'nenna isoo dunnaan;Miyakanna duwwi gatinsaan;manqorqoruwakanna enqine birraana.¹³Isira'eelik manni;Beeteli'ni addate shookemashshan,Mo'aabinna Kaamoshi hinaaxxe magenoofatamaxxe fakke'ni shookan.

¹⁴«Ha'no koo Mo'aabike manna, ‹No'o lolinke mannannalolake no'o jabake mannani hiyya hitta dandetine›?¹⁵Mo'aabi ba'aan, qachchuwwikinn diigeman;elolla dargageeyenna gorraano'a aa'ne me'inaan»hiyya'neen summi lumoke Duuchchi Woddike Gootta kadde'ek moyanji.¹⁶«Mo'aabixxi iba shiqqe'en;ba'netinna iso'ni ikki woddi dagga'neen.¹⁷Qarqarake'ni hexxina'neek duuchchi;gurra iseka egendineeki duuchchi isi'a oodhe,‹Baalletixxi jabbaxxi bokko,ulfiniinxi siqqo hitta enqema dandeette!›

¹⁸«Mo'aabi'i balleesaki,ate'n dagaan;Kinjike dalla'ikka atika qachchuwwina isinni balleesan;Tee Diboonxe meyyaxxe belto;ulfiniixxe bakkanaa'n dirri;bagoke buttina'ni ofo'le.¹⁹Tee Aro'erii'i hexxaatexxeorin qarqara uurrite uudi baqate'neeka labbaka,Baaje fulda'neexxa meyyaxxa,‹kaddeexxi yaane maachcho isi?› hite qore.²⁰Mo'aabi iba ifixxe'n shooke'eni;woo hitina'ni; raareMo'aabixxa ole kada,Arinooni bira ege'nishshe.²¹Murte Abike boga'ni,Holooni, Yaasanna Mefa'aati'ni,²²Dibooni'n, Neebo, Beeti Dibilatayi'n,²³Qeriyaatami'n, Beeti Gaamuli'n, Beetime'ooni'ni,²⁴Qeryooti'ninna Bootsira'ni; bayyanna shiqa, hedheke Mo'aabike qachchuwwi duuchcha'n dage'een.²⁵Mo'aabixxi hunna enqende'en;aniga isixxinna kutende'en,»hiyya'neen Duuchchi Woddiki Gootti.

Mo'aabika Salphinne

²⁶«Duuchchi Woddiki Gootti tuffatemaaxxe'e,Mo'aabii'i ha'wisine machchoosse.Mo'aabi ifixxe honqo'o'ni hana gangalataan;osollemeeke kadaan.²⁷Isira'eeli'ni gacifataataba?Isexxe haasotetexxe qixxe'ni,Umo atika le'misaatak,moodhalshite welti uggita'na meya ise'e dhaqqabutashsha?²⁸Ha'no Mo'aabike qachcha'n hexxina'neke manna;qachchakenaa'n fuldine rassat giddo hedhdhe;Guuggenjo bowwa'i qarqara;mine ijadhdhitammashsha kadde.

²⁹«Mo'aabi holla'neexxe,ifi lummisse caaqa'neexxe;Ifi duke kijibeexanna;godoba jabeesse'exxanna lanqeenen.³⁰Ani isexxa ifi duka ege'neennen yaane kinn toliinxen,»hiyya'neen Duuchchi Woddik Gootti.«Tolange ifi saada'neen.³¹Tennexxee Mo'aabi'a oodha'nen;Mo'abike bogi duuchchi'a woo hiyyaanen;Qiirheresike manni'anna gaaddannon.³²Sibimake woyinetike hiddichcho;Iyyazeeri'a oodhane caala midde ati'a oodhanon;Damooletinna abbaayatiqico'ni daalde'en;Iyyazeriqico'n gelte'en;Haama gelteexxa midha atixxanna woyinetika hiddichcho atika,balleessaaki dageen.³³Mo'aabike hiddichchuwinke fichchike boonchonna'n;gammadikinna ilileete bayyate'en;Woyintika bulubulo miicamake miyi giddii'ni fulaabasha basse'enen;ilillisa'ni miicaki afemabaan;Ookkona hafuuri laqemoolenna;ililleettetika hafurabaan.³⁴«Haseebonii'n Eli'aal qico'ninna Yaaheesi qico'ni;Tso'aari'ni Horonayimi qico'ni Egilaati Shelishi qico'ni;Insa'nexxi raare adda laqisaan;Nimiirimik wodi'inna midde bage'en.³⁵Magenoofantammake tulluchuwa'ni tolchinammaka;ifike magenoofantamake magenuwwi'a hixaana gubaakaMo'aabii'ni balleesanon,»hiyya'nene Duuchchi Woddiki Gootti.³⁶«Tennexxee qalbe anxi Mo'aabi'a;Qiirheresike ardi horatechcho duuchcha gophemaxxe'e;reyotiba susuu'le afunfa'na'a oodhammake mannishsha ins'ane'a oodha'enen.³⁷Mitti mittinge manji uminna;areedi duuchchi hademeen;Aniga duuchchi madooteen;hidha duuchcha'inna yaaddotixxa seemmanna usu'dhineen.³⁸Mo'aabi'ke minuwwixxi heellcho duuchcha'ni;ardi bukku hiyyammabaYaaddo malee'e wele lanqaachchi hedhebaan;hunnemaxxe odolchoshsha Mo'abii'i enqeenen,»hiyya'ne Duuchchi Woddik Gootti.³⁹«Hitta kadee enqeme!Hitteeqico isi'a oo'ne!Mo'aabi hitta kade dudduro wirri hiyye!Mo'abi oso'lematike,qarqarake'n hedheeke duuchchi'a alayyiineke beessisa kade.»

⁴⁰Duuchchi Woddik Gootti hiyya'nee qici:«Yoona sinbiriinsha guule iso'ni hana iba'ni,keelakanna Mo'aabi'ni farri assaan.⁴¹Qachchuwwakanna lolle abindaan;kolluwwatanna abindan;Eettene barra Mo'aaabiki loliink manni qalbe;ciniiffattaaxxe manjichchoshsha kaddaan.⁴²Mo'aabi Duuchchi Woddika Gootta tuffattemmaxxemma ba'aan;moyanjumma isixxinna gattaan.⁴³Koo, Mo'aabike arda;weekenshanna balen, fonxorotinna ate'e heqqitaen»hiyya'neen Duuchchi Woddiki Gootti.⁴⁴«Weekenshatenaa'n baajaki duuchchi,bale giddo ibaan;Baletenaa'n fulaakifonxoroti abidemaan;Mo'aabii'i xixannoxxi wogga daggaan,»hiyya'neen Duuchchi Woddiki Gootti.

⁴⁵«Mo'aabika alba,gamo isixxixxa sammo gubbaaxxiGiira Haseboo'ni,bubenjikinna Sihoonike minenaa'ni fule'en;Baqatammakir Haseebonike gaaddisi hunda,gollifate kadaaxa gopher uure'en.⁴⁶Koo, Mo'aabi aane ati'a!Kaamoshik ardi kutti hiyye'en;Labbaxxi atixxi oosenna booji'ende mete'en;meyyaxxi atixxi oosenna adheende me'iteen.

⁴⁷«Yaane kinni udumi uduma,Mo'aabixxa booji'o hiisannon,»hiyya'neen Duuchchi Woddiki Gootti.Mo'aabi'ni murendeexxi murte tenneten.

The Word for the World International

https://app.library.bible/content/2b894378475c6aea