Issayaasikaa Raaga32
Qullummati Galchaaka Moyanjo
1Kunnise qullumati galchaaki moyanji moyaaxxe yanna daggaan;ardiinki akeekisanjuwwinna dhugaati muraan.2Mitti mittingi diidallotenaa'ninna hobonbaltetenaa'ni gollantammakedanbala'akenaa'n gollataake kadaan;Qiilla gammoojje giddo yaa'ammake muumetike wodi'ishshannabogi giddo hexxeexxe qiidifantaaxxe lumoxxe wolo'oshsha kandaan.3Konneechchi uduma afemaake mannixxi ille himmi hitabaan;laqammake mannixxi manshanna caqassaan.4Jarjarammakiirixxi sammo egendaan; qalbefataan;giggissammak arrabinna tikemeeke kadaanca'a hiyyenna haaso'aan.5Konneechchi edi'a gowwoole siggake hiyyendabaan;booso'uwwake ulfinni uwwemabaan.6Gowwoole gowwummande haasottaan;elobaaxxanna hedaan;Duuchchi Woddike Gootti eeyyabaaxxe hujaan;Duuchchi Woddike Gootta'n afo'o fulchedhaan;Solo'weeka itaachcho hoyyedha,dheebo'weeke wode'e uwwaba'a.7Afeeshshanni kadaake mannixxi huje fuggonxeni;fedhee qiconna hiyyeeyyetixxi ku'la seeriinxe kaddoolennahiyyeessa dhark balleessiyyotefuggoxxe hedaan.8Ulfichchi manji kinni yaadi isikinna ulfateeke;ulfaataaxxe huje ifixxenninna ti'niyye afemaan.Xoo'mama Galdaaxxe Melaalle'a Uwwendeexxa Xexxe'achchiisa
9Ha'no xoo'mamiki hexxina'neexxe melaallekexxine hafuura anka laqqe;Ha'no eloke ifike galduma'ni hexxina'neexxe melaallexxe ooseha'no'n kulaanexxa caqasse.10Wogga reefi saxxeeshshannielo qico galdinammakinna culphissinaanwoyinetiki hiddichchi gummisaba'ahiddichchuwwa qocedhati mayetixxi yanna daggaba'a.11Ha'noo ifi saada bokossiteexxi melaalle culphisse;ha'no xoo'mama galdineexxe meyyaxxi oose soda'at roqoonse;Seemma ha'nooxxanna fulchedhdhe;hidha ha'nooka yaaddotixxe seemman usudhdhe.12Ookkone shamoke bogixxe wi'lishshitinaa'niookkone gummatike woyinetike hiddichchixxee yaadde.13Anke ardike bogixxeutenna qu'muudo lateeke bogi'xxeOokkone feenxe hiyyatike minuwwi duuchchixxekonne burraaqatike qachchixxe oodhdhe.14Kollotik qachchi urmake kadaan;canci bira sa'emmak qachi bucuqqi hiyyaak gophemeeke kadaan;Iitti kollonna xelephpho duuchchi woddi'a wolo'ote kaddaan;diidiinxi harre burraaqqaaba'a, hori boba'aabanna kaddaan.Nage'akee Uwendeexxa Addachchiisa
15Tinninna kaddaak Hafuuri ale iiminaa'n dagaa qicoiitti qiilla gammoojje shamo bogaiikki shamo boginna gongoma kadaa qici'aten.16Qiilla gammoojje'n dhugaa mura hexxaan;shamoke boga'n qullumma hexxaan.17Qullummatixxi gumma nagee'aqullumma iyyedaggaachchinna ti'n hiyyatanna duuchchi woddi'a addatate kaddaan.18Ardi ank nega'iinke galduma'naddatemeeke mine'nweekensha hexxebaaxxe bakka'n hafuura adhdhe hedhaan.19Iikki gongomi kaadeti ganemoolennaiikki qachchi haranga bakka ba'oolenna20Wodi'i widi'nxa qaro sanne rorkinaakiirqotile ha'nooxxanna harre ha'nooxxanage'ik alla'ltinaakhittata eebbissendineeke.The Word for the World International