Issayaasikaa Raaga23
Xiroosixxee Kulemeeka Raaga
1Xiroosike qachchixxee kulemeeki raagik hiyyichchi konnechchinni butti'a hedheeken;Xiroosi mini belonna oddooli beloolete kadeemmaxxeeha'no Xiroosixxe lumolla hoboluwwa woo hiyye.Qophiroosik bogi,higginaa wodda laqqinaaxxi odo tenneten.2Ha'no abbaayya foofe lumolla hobolonn dagammaki manni duroonseekookkone oddola'ni hexxina'neekSidoonaxxi daddalto ho'no sammi hiyye.3Lumolla wode'uwwi hana,Xiiroosi'a Gibtseke boga'n hujendaaxxa midha iyyedangaaman;Lumoxxe abbaayya gamii'n dagammak maallaqi Xiroosi lumoka qabeenna afeexxe kadaan;tennexxee Xiroosi buttatike gosa gosake arduwwixxi dikko kaddaani.4Koo Sidoonake qachcha!tee lumoxxe abbaayyaxxe wolo'o shooki«Ani labbaxxannaa meyyaxxa atixxa oose nossebo'non.»5Xiroosii'n daggaaxxi odoGibtsee giddo laqendaa wodda wixxirri insa'ne'n daggaan.6Ha'no abbaayyati widi darre bayya hexxinaa'neeke;arda! Yaaddine ooxxinaa'n abbaayya Terseesi'a fooffe.7Lekka isexxi bayyi boga aaxxe iyyemarteexxi,ookko hexxaashsha assiteemmaxxi,Olmiki edi woddik qachchi,xoo'mamiink gammashshotik ha'nook qachchi koonnendebaata?8Kallachcha uggudhdhiteexxidaddaltuwwa isexxi hayyichchuwwa kadeekButtate'n ulfaateek gurgudhdhaakannaa jijjidhdhaaka manna afeemmakXiroosi tenne'n tenne hedhemmak aatemma?9Ulfinniinxa ifi saada salphatateebuttate'n lumedhemmaka duuchcha salphisateeDada Duuchcha Ajajak Duuchchi Woddike Goottaa muredheen.10Koo Terseesike arda!Konneechchinni edi'a atee hoyyaak hedha gophemmaxxee'eAbbaayike wodi'ishsha boga atika wo'mi.11Duuchchi Woddiki Gootti anga ifixxa abbaayyate'n dirrise;isexxa mootummuwwanna alalishe;Kenaanik kinjik dalla'uwwi diigemo'aajaja uwweexxi.12Hiyyee qici, «Tee ati bullotte'ettexxe,Tee Sidoonixxe dubarchcho!ta'anni edi'a mee gammad!«Kexxettexxi Qophiroosi widi'a foofi;ookkonna midde na'ge'a alfitaboxxo» hiyyeen.13Kunnise Baabiloonka boga uudde;iikki ardi woyifulabaake kade'een;Asoorik manni qiilla gommojjeke biniinchaitti burraaqaaxxe bakka ise assenne;Kinjiinxa xelleephonna ise'ni hana ijaare;iseka kinjiinka dalla'anna diinge;iseenna oletixxe tuulo assine.14Ha'no Terseesixxe Lumoxxe hoboluwwaha'nooxxe kolluwwa diigende'een.15Xiroosi torbaane tomme wogga qico'n dedhende gattaaxxi yanna daggaan; tinninna mitte moyaanjike hedhotike baron; tinni wogguwwa saxxechchi udumma Xiroosi'a mitte yabaabulto manjichcho'a faarsendammaxxe faaroshshanni Qiroosi'ana hiyyende faarsendaa qici:16Ati dedhendettexxi yabaabultokiraara gandaa'n qachchi giddo doyi!Ate qaabbantaashsha elo eloqico meelta'nheddo faaruwwanna faarsi!17Torbaane tomme wogga uduma Duuchchi Woddiki Gootti Xiroosi qaabbattan; isenna edixxe isexxe hujeba'a higgaashsha assaan; isenna buttatixxe gosa gosaxxe mootummuwwa duuchchinni welti yabaabuldaani.18Daddalde alfitaaka maallaaqa duuchcha Duuchchi Woddike Gootti'a gargari footeeke kadaani; ise ifi'a tuu'litaake kadebaaki Magenoke ergatemammaki manni hasissaaxxe itanna elolla seemma hidhdhaake kadaani.The Word for the World International