Hoose'ikaa Raaga4
Isra'eeli ku'lendeexxxa Ku'la
1Bogake'n hexxina'neeke ha'nooDuuchchi Woddik Gootti ku'la'nexxi ku'la hexxemmaxxee,ha'noo Isira'eelito konne Duuchchi Woddike Goottika hiyyichcho laqqe:«Addatensha hexxebaan; jaalalanna hexxebaan,bogi giddo Mageno ege'na hexxebaan.2Okkkoo hedheek badinotik, dhara haaso'a, manjo shiya;moorakenna yabaabulle callan;Insa'nenna aangemmaxxa kako diingaan;ookkoo munde dunanna manjo shiya bira saxxeen.3Tennexxe bogi oodhe;ise giddo hedhaak duuchchi yaadan;Biniinchuwwi, ci'uwwa,abbaayya giddixxi qulxu'muwwa mudde.4«Yaane kinn huuni manji moromoqqe;ayyinna wele manjo diinoqqe;Qeesole ku'linammashsha;ardi atik iittanden.5Ha'noonna hashshanna barra guggufattinaan;wabeekkoletinna ha'noonn welti guggufattaan;Tennexxe ani ha'nooxxa ama Izira'eelii ama ballessannon.6Ank ardi ege'na gophatenaa'n kexxeexxa ba'een.«Ha'noo ege'na tuffatinemmaxxee,aninna qeesolete kaddinabaashsha ha'noo tuffatennen;Ha'noonna ha'nooke Magenika seera deetinemmaxxee;aninna ha'nooxxa oose dedhannon.7Qeesoletik laakkossi bira sa'emmashshanniane'n hunja'nexxi cubbonna bira saxxeen;ani ulfinna insa'neka salphinnake'n jijjiireennen.8Anke ardixxi cubbo insa'ne'a durummatee kaddee;insa'nexxa batto'a yo'oshsha eeneen.9Qeesoletinna ardakenaa'n gargar higgebaan;aninna duuchchiinga me'inji insa'nekishshanni insa'nee xixannon;huje insa'nexxishshanni hira insa'ne'a uwwannon.10«Insa'nenna indaani yaane kinni goddinabaan;yababulaani yaane kinn horrabaan;Duuchchi Woddika Gootta waalleexxiifi11yabaabulete'e,Bagokenna reefike woyintike bulbuli'a ifi sa'isine uune;konnechuwwa'ninna12anke ardanaa'ni qalbeeffachcho a'lendexxee,haqichchiki giissineexxa fakke gorsa laqe'naani;Sibijiinxa siqqo insa'nexxanna insa'ne'a hiissita'neechcho uutaan;yabaabulletik hafuuri insa'nee dedhise'naMageno insa'neke'n addatemmebaan.13Okkoneechchi uduma insa'ne koobuwwatixxe xungo'ni tolcha tolchinaan;eloka gaaddisa afe'ke baaluxi hinaake haqichcho'n,Kommebolina Ahooma hinaake haqichchi hunda,Tullichchuwwake'n ciincatika tolcha shiqinsaan.Tennexxee ha'nook dubarruwwi yabaabulaan,ha'nooke beltuwwixxi arenna yabaabuldaan.14«Labballi yaababuldammaxxe melaallenni welti qili'misemmaxxeennafakkuwwa mageneefantamake minixxe yabaabulto melaallenn welti tolcha tolchineemmaxxee ha'nooki dubarruwwiYabaabulaake kadaa wodda,ha'nooke beltuwwixxi aruwwa yabaabulda wodda:Insa'ne xixabe'non.Qaabbatabaak ardi ba'nete'n me'aan!15«Tee Isira'eel ati yaababuldottolennaYihuda ballesanjummati qoremoqqe.«Ha'noona Geligeeli'anna martinoqqe.Beeti awweeni'anna fuldinoqqe, ‹hedhaake Duuchchi Woddike Gootixxa!› hitine kakatinoqqe.16Isira'eelik ard jallichchi jibichchishshahalocallikeeran;Eega, Duuchchi Woddik Gootti insa'neediidi giddo hedheeke gedhebinke buruusishsha;hitta bobbaasata?17Efireem fakkuwwati welti guddeen;amme iso waalle;18Ha'wi mudeexxe yanna'ni midde,yaabubullemma insaa'nexxa waallebaan;insa'neki galchalluwwinna shookisaaxxa yaane yo'oshsha eenaan.19Hobonbaltetinna insa'nee filte adhdhite me'itaan;Tolchi insa'nekinna shooko insa'ne'ni geessisaan.The Word for the World International