Lallabiinkaa Maxaafa4
1Higgeenna buttate'n hujenda'neexxa seeri beloxxa duuchcha afenne;miicemeek manni oodha'nemman,yaane kinni insa'nee dayyeessaak hedhemmabaan;Hunnatinna insa'nee miice galchammakeera'ni hexxemmaninsa'nee dayyeessaakinna hedhemmabaan.2Tennexxee aninna edi wodda reyeektechcho hedhot hedheeke manni mannii'nigammashsho anfeexxa haaso'ennen.3Yaane kinni konne lamiinge manni errata'i qico ilemebaaktenne butta'n asseneda'neexxafuggoxxannaa miiccama uudebaaka woyya.4Iitanni manji afeexxe ogenni hitta elo'e huja'neexxa uudenne; iitta assa'neechchi wele manjo hinaafeete kaddeexxanna wo'menne; tinninna mekki assitaxxenna diidallo hordofat qixxeten.5Da'labi anga mirqedhe ofo'laansolo'ik ifi shiyaan.6Elo'atinna diidallo hordafa labaake yaadinni lumoxxa alfiyyotee hujati mannii'n,nageellite sammonni shiixxoka alfiyyotee huja woyya.7Tenne butta'n wele mekki assitaaxxa yaane afenne;8Qofitti hedhaaki mitti manjichchi hedheen;manji belto yookaan fira afebaake hedheen;Kaddo malee duuchchiin wodda hujaan;alfeexxi karra isoo dheebo fulchitebaan;isinna godobi giddo, «Ani ayyi'aate elo'aanneki?Ita ha'wa gophe maayeete ifi qoorsaanek?» hiyye isoo qore:tinni duuchcha hara mekki assitaaxxennaa abaratixxe hedhon.9Mitteba huccinoole eloxxa la'o alfinammaxxeemitteke kadati mannii'n lameke kada woyyan.10Lami giddii'n mitti iboole mitti ke'issaan;iboole ke'issaaka afebaak kinni hitta yaadisaake manjo!11Lami welti diiphoole lamiingi eebbaan;mitti qofitti dhiiphoole kinni hitta eebba?12Mitti manjichchi qofitti mitte manjichchinni lolemooleinjifataaxxinna hexxeen; yaane kinni lame manjinni lolemoole dande'abaan;Sakka assine sirinbe ganneexxi wodaro kutendaba.13Gorsa adhdhabaake gowwi geerchi moyanji mannii'n beekichcha hiyyeessa dargaggeessa woyya;14Dargageessi ikki usuriinke minenaa'n moyanjummatiba'a dageeke yookaan hedheemaxxe galcha giddo hiyyummati ilemeeke kada dande'aan.15Buttate'n hedheek ardi duuchchi moyanjiinxe bakka'n moyemmaka dargaggeessa hordofa'naa afenne.16Isi edi darre hedhemmak ardik laakkossi ege'nemmabaaken; isi uduma dagaak kinni bakka isixxe'n ofo'leemmaken gammadeba'a; tinni mekki assitaaxxe diidallo hordofatixxe qixxen.
The Word for the World International