Langassatikaa Maaafa8
Duuchchi woddika Gootta Deetoxxe'e
1Lubboti hexxinaasha, hortinaashanna Duuchchi woddiki Gootti edike ha'nooke annuwwi'a kakate addachiisemmake boga'n e'yitine dhaaldino'a, ani telcho ati'a uwwaanneka mitti mittinga ajaja hordofatee'e xexxe'atte.2Duuchchi woddiki Gootti atik Mageni ajajuwwa isika ati heqqexxettexxanna godobi atiki giddo hexxeexxa ege'nate'e, ate'e shaqqake asso'aanna hega uudo'a tenne shoole tomme wogguwwa'ni konne qiilla gammooje bogike orika googeessa duuchcha hitta ate'e akeekeexxa qaabbati.3Manji Duuchchi woddike Goottike afo'inaa'ni fula'neeke mitti mitti hiyyichchinnite malee'e ita callin hedha'nebaaxxa ate'e barsiiso'a atee'e sololse: atinna kadi atik edik annuwwi egedinebaaxa menna atee'e itise:4Konne shoole tomme wogga giddo seema atixxinna muddeeban: lekka atixxinna luquluqu hiteeban.5Tennexxee manji ifika belto xixammashsha Duuchchi Woddik Gootti atik Mageninna ateenna xixaaxxa godoba galchedhi.6Duuchchi Woddike Gootta atike Magenike ora'ni me'ita'ni isoonna ulfeessita'ni ajajuwwa isika heqqedhi.7Duuchchi Woddik Gootti atik Mageni koobatena'ni butti'a yaa'ammake wode'ina'ninna baleessiinxi muummuwwa hexxeeke dhooquwwatena'ninna tulluchuwwakenaa'ni wodi'i yaa'a'neke shamoke bogibaa'a atee'e e'yisho'aten.8Dinnenna so'a, woyinenna odiink haqqichchuwwa, roomaane, ejersiinxi zayitenna malebi afemaake bogan:9Mittichchinna gophemabaaxxe kebbo gophendabaaba, rassuwwa sibilo kaddaaba, tulluchuwwa iseka uunde sageetto qote fulcha dandeettattoke bogani.10Atinna ittee godditatto wodda iitta hedheeka shamoka boga ati'a uuwweemmaxxe'e Duuchchi woddika Gootta atika Mageno galteeffati.11Ani telcho ate'ni uwwaaneka ajaja isika, aadanna seera isika heqqedha gophphee Duuchchi Woddika Gootta atika Mageno deetaboxxoshsha heqqedhi.12Itte godditatto woddanna elo eloka minuwwa ijaadhdhite hexxatto wodda;13Iittanni lali, gedhebikinna, re'e, hore bira sa'aa wodda, birretiki sibljinna worqe, ati'a bira saxxaa wodda, affettelichchi duuchchi itti lebemaa wodda,14hollitettexxi garbumma hexxattake boganaa'ni Gibtsee'ni atee fulichchemmaka Duuchchi Woddika Gootta Mageno atika deetattoni.15Eetenne ba'laaxxe, sodaachchiissaaxxenna dheebeessitaaxxe qiilla gammoojje'ni; wodi'i afe mabaake bagoke boga'ni; ha'la calliki bofinna gaado hexxexxe qiilla gammooje'ni ate'e akeekeni; jabaxxe rassanaa'ninna wodde'e ati'a fulichcheeni.16Uduma ati'a eloxxe kaddaashsha atee saliphphisso'a manjo asso'aanna hega uudo'a; ediki annuwi atiki hara egenebaachcho menna hinaacho qiilla gammoojjeke boga'ni atee itiseeni.17Dedha «Ani duroomenneki hunna anxenni jabaate hujeeteni» hitee godobi atiki giddo heddattoxxe hexxeeni.18Yaane kinni karra horatattoshsha hunnanna ati'a uwweek, edike atike annuwi'aanna aageemmaxxa kako muuxeeki isote kadeemmaxxe'e Duuchchi Woddika Goottta atika Mageno hedi:19Duuchchi Woddika Gootta atika Mageno deetottolenna wele magenuwwa hordoffe kumbu hita'ni ookkone magenuwwi'a magenooffattottole, dhugaandinni baxxinaaxxa ha'no'a techcho kokeessaannen.20Duuchchi Woddiki Gootti ha'no edii'ni hedhemmaka gosa gosaka arda biremmashshanni Duuchchi Woddike Gootta ha'noke Mageni'a ajajama gophphinemmaxxe'e ha'nonna muddinaani.The Word for the World International