2 Pheexiroosixxa Erga1
Nage'a
1Yessuusi Kiristoosike ergemallo Simi'ooni Pheexiroosi'a.Mageno no'oke'ninna anjirallo no'oke Yessuusi Kiristoosixxe qullumma darree'n no'o adhdhinnennexxe bifanni ulfatteexxa amana adhdheekeerii'a.2Magenokanna Gootta Yessuusi Kiristoosii'i ege'nati badhaadhikinna nage'i ha'no'a bira sa'owwaal.
Aamagnetixxa Ye'enshanna Filensha
3Ifike ulfinninna ifixxe ellenni no'oo ye'eeka isoo ege'nati hedhoteenna Mageno fakkaatatee no'aa hasisaachcho duuchcha isixxi Magenummatixxi hunna no'oo'a uute'een.4Fuggoxxe gaabbenaa'n kexxeexxa butta duuchcha'ni hexxeexxe buttatixxe hujexxe busha hedhonaa'n gattineexxi ookkonee Magenummatika adaba qoodendinaashsha tenne yaanuwwa darree'ni hara lummexxeexxanna ulfaateexxa addachchiisa no'a uwwe'een.5Tennexxee wo'ma jabeenninni amana ha'nooxe'ni elle laphphatee jabaatte; ellete'ni ege'na,6ege'nate'ni ifi hira, ifi hirate'n, ti'ni hiyya, ti'ni hiyyate'ni Mageno fakkaata;7Mageno magenoofatatte'n dayyummatixxa eeyya, dayyummatixxe eeyya'ni jaalala lebbe.8Kunni adabuwwi ha'no'a bira sa'eechcho kaddeele Gootta no'oka Yessuusi Kiristoosii'i ege'nati woyi fuldinabaakenna gummabeloke kadatenaa'n ha'noo gattissaan.9Konne adabuwwa afebaak kinni bayya hedheechcho afabaake, yookaan balla'aken; edixxe ifixxe cubbonaa'n luqqi hiyyeexxanna dedhe'een.10Tennexxee anke dayyuwwaa! Ye'injo ha'nokanna fileensha ha'noxxa kokeessatee edi caala jabaatte; tinni kaddaachchinna tenne yaaneera assitineele haranga guggufatinabaan.Woyyichchi Maxaafika Raaga
11Konne qicinni Gootta no'okenna anjirallo no'oke Yessuusi Kiristoosixxe duuchchi woddixxe moottumma'ni e'ya ha'noo'a wo'ma qicinni uwwendaan.Woyyichchiwwi Maxaafika Raaga
12Tennexxee ani fedhee qiconna tenne yaanuwwa egendineexxe kaddo'oolenna midde abixitineexxe dhugaa'n ti'ni hitine hexxino'oole tenne yaanuwwaxxee ha'noo heddole kassi assatenaa'n gaga'mi hiyyabe'non.13Konne buttike duunkaani giddo hedhenne qico'n ha'noo dammassa hassissaaxxe labbe ane'ni leellitaan.14Tinni kaddaachchinna Gootti no'oki Yessuusi Kiristoosi ane'ni ifiseeshshanni konne buttatika duunkaana hirbange'ni waale me'aannexxa ege'neennen.15Ani ta'a si'aaneechchinna reyoti ha'noonaa'n gargar higennechchi uduma ha'no tennee yaanuwwa duuchchi wodda qalli hitinaashshaten.Kiristoosike Ulfinnixxeenna Raaginke Hiyyichchixxee
16Gootta no'oke Yessuusi Kiristoosixxe hunnanninna isixxe langaxxe dagaxxee ha'no'ni kulennexxe qixxe'ni isika ulfinna ille no'oxxen uundeette malee manjiinke beekkuminni dadendeexxa manjiinxa xingo hordonfeetebaan.17Tenneexxi buuttonna, «Isike gaachchanniki ulfinni ani eeyyaank anki belti konneten» hiyyaak hafuuri isi'a dagee wodda Mageno Annakenaa'ni gaachchannakanna ulfinna adhdhe'een.18No'onna isinni welti woyyitte kooba'ni he'nenna wodda kunni hafuuri iimi'ni dagaa wodda lanqeennaxxeeten.19Yoona raagiink hiyyichchi lumo qico no'aa kokeesemmeen; hashshaa sooddaa qico'ninna soodi mariink bakkalchi qalbe ha'nooxxe'ni ifaa qico'ni; dukkanate'ni ifammake ifi'a xexxe'achcho assendammashsha ha'nonna konne hiyyichchi'a xexxe'atineele eloxxe assitinaan.20Duuchchiinxi edi darre ege'naa hassissaaxxi, konne woyyichchi maxaafi giddo hedheeka raagiinka hiyyichcho duuchcha huuni manjinna ifike yaadike ora'ni tikaakebaan.21Tennexxi buutonna raagi Magenokenaa'n ergemeek manni Woyyichchi Hafuurinni akeekemmeexxi haaso'eexxe malee'e haranga manjiinxe fedhiinni dageekebaa.The Word for the World International