2 Qorontoosike Manni'a6
1Magenki welti mitteba hunjaaneke kandennaxxe; Adhitineeki badhaadhi butta gattoqe'e! Hine'e ha'no kadhantaanneni.2Mageni,«Eyendeexxe yanna'n atixxa laqeenneni;anjiratixxa barra'ni ate'e gargaarene» hiyyaamaxxe'e.Yoona eyendexxi yanna ta'ateni;anjiratixxi barranna ta'ate.3Ergatensha no'oxxi jibeendabaasha; fedhexxe yanna'ni fedheekee gufote kandabe'noni.4Iitta assati irra shorcho, yaado, seldonna rakko duuchcha'ni ossina'ni Magenoke'e erigatemaneeke kandeneexxa duuchchini gami'ni leelinshanoni.5Jadhafemati, usuremati, raankemat, hujete'ni fiidi hiyyat, diipho gophatinna solo'ik,6qullumat, ege'nati, ossuunteeti, elleti, Woyyichchi Hafuuriniinna dhugaatixxe eeyunteni,7Dhugaatike hiyyichchinni, Magenxe hunnanni, middakenna bit'ake kadaake qullicha loliinke miyi'n,8Ulfink yookaan salphinake'e, eloke yookaan elobaake summa adhdhatee qopheefanteneni. Dhugaatinge kandaano wodda, sonba'neeke hiyyyemeneeni.9Ege'nemeenge kande'e ege'nemebo'nosha kandeeneni. «Renneni» hiyyemanno wodda hedhoti he'nanoni; ganemonolenna rennabo'noni.10Yaado no'o'ni geltollenna duuchchi wodda gammandaaneni. Hiyyeeyende kande he'nennexxi heddo manna durreeyete asinaanneni. Mittelchonna afebaake manna kandonollenna; duuchchingeechi no'okeni.11Ha'no koo Qorontoosi hexxina'neeke mann! Farri assine'e ha'no'a kullaneeni; qalbe no'oxxa ha'no'a ba'linse banneneneni.12Qalbe ha'noxxa no'o'ni cu'misinne malee'e; no'o qalbe no'oxxa ha'no'ni cu'minsebo'noni.13Ani oose ifixxe'e haaso'amashanni aninna ha'no'a haaso'ole, no'o qalbe no'oxxa ha'no'a banneneshanni ha'nona qalbe ha'nooxxa no'a banne!
Amanabake Mannini Welti Guddagopha
14Kadabaake orini amanabake manninni welti mittondinoqe'e! Qulumatinna cubbo hitta weli mittomate'e dandeeta? Ifikinna dukannati mitteba hedha dandeetata?15Kiristoosi Duriisik welt hitta wel aago dandeesisata? Amanaakinna amanabaaki maa mittunte afe?16Magenk Galminna dharchi magen maa mittoma anfeeta? Magenkinna hiyya'neqic,Insa'ne'n galano;«Ani insa'nxe oddo'ni mammaremanoni;Ani insa'neke Mageno kadanooni. Insa'nenna anke arda kandaani» Hiyyeexxi haaso'emashanni no'o mitti mitting hedhaake Magenke Galman.17«Tennexxe insa'ne giddi'ni gargarti higineexxi fulle!Ani'a foyendineke kaddehiyya'neen Duuchchi Woddik Gootti.Batte yaane tuqinoqe'e!ha'no'onna anke kaddinaan.18Ani ha'noke anna kadanoni;Ha'nonna anxe meyyaxxenna labbaaxxe oosekadinaanhiyya'nen duuchinxa dande'aak Gootti.»The Word for the World International