Read 2 Qorontoosike Manni'a 1

2 Qorontoosike Manni'a1

¹Mageniinxe fedhinn Yessuusi Kiristoosike ergamallo kade'eeke Pawuloosinaa'ninna dayyo no'oke Ximotoosinaa'n.
Qorontoosi afeenda'nexxe Magenke tuuti'ana iitanni Akkaayiyaa afendaaxxe ammanye Woyyoole duuchchi'a.

²Magen anni no'okikinna Gootti Yessuusi Kiristoosi badhaadhinna nage'i ha'noni welti hedhowwaal.

Phawuloosi Magenoke'e Shiqisheeka Galata

³Marartetik anninna dayyesak duuchchike Mageno kade'eek no'oka Gootta Yessuusi Kiristoosike anni'a Mageni'a galati geyowaal.⁴No'o Magenbaa'ni alfinenexxe dayyeesanni rakkoti giddo hedhdheka manna duuchcha dayeesa dandenanoshsha Magen no'o rakko no'oxxe duuchcha'n dayyeesa'neen.⁵Kirsitoosixxi abara no'on birasaxxeexxe qixxe'n iittani Kiristoosi darree'n no'a dayya'a bira saxxaan.⁶No'o abara uunda'enelchi ha'no daya'atanna anjira alfitino'aten. No'o dayaanano wodda dayaananelchi ha'no no'o uundenexxa abara osati adhdhitineexxi dayatino'aten.⁷Abara no'oxxa qoodendinemaashaani daya'a no'oxxanna qoodendinaaxxa egennenaxxe'e no'o ha'no'n anfeenexxi adde jabaxxen.

⁸Anke dayyuwwa! No'o Issiyake boga'n he'nenna wodda no'o'ni gelteexxi rakko egendino'a eenaaneni; tinni no'o'n gelteexxi rakkon dandeenabe'noxxe kadeemaxxe'e lubboti hedhdhotinxi adde midde hexxemabaani.⁹Tenne waali, rewotixxi murrite no'o'ni murrendeecho labe'e no'o'ni laqendeemaani. Tinni duuchcha no'o'ni gelteechi ifi ugudhdha no'oxxi reyyeka manna reyotenaa'ni ke'isaake Mageno'nite malee'e no'oxxe hunnanite kadebaaxxa egenanoshshateni.¹⁰Magen no'o fuggoxxe reyonaa'n gatisi'een; gatisa, Edi'anna gatisaaxxa adde no'oxxi iso'nit.¹¹Ha'nonna no'o'o soodachchoti gargartino'a hasisaani. Mayye'e? Heddo mannixxe soodachchonni Magen no'oo qarqaara wodda heddi mann no'oxxe Mageno galateefataani.

Phawuloosi Me'atika Yaada Jijiidhdheexxa

¹²No'o ifi saadaanexxi yaane dhugaate kadeexxa wodani no'ok dhugga no'o kula'neeni. Tenne butta'ni he'nenexxi hedhdho no'oxxi giddii'ninni ha'noni welti hexxexxi afeenshsha Magenbaa'ni alfinenexxe woyyumaninna qajeelumati hana jaarendeexxenni. Tinninna kadeechchi Magenke badhaadhinite malee'e manjinke beekuminitebaan.¹³Haasesitineexxi qalbefachcho dandetinaaxxe yaane kaddole malee'e wele mittelchonna hano'o borresinabe'no; duuchchiinxa qalbefatinaaxxa addatano.¹⁴Ta'a ha'no hanii'n calla egendineexxi uduma kinni duuchchiinxa yaane egendinaaxxa addantaaneni; tennenaa'ni kexxexxa Gootti Yessuusi dagaaxxe barra'n no'o ha'no'n ifisaandanon; ha'nonna no'o'ni ifisaadinaan.

¹⁵Tinni yaane duuchchi itta kadaaxxa ege'nenaxxe'e lamele la'o alfitinaashsha hiyyenexxi ediseneexxi ha'no'o dageenexxi uudona'a mudheenaani.¹⁶Ha'nobaa'n Meqedooniya'a sa'ano wodda hano'o uudona'a, iitanni Maqadonnaa'n ha'noba ille iima hige Yihudake bogibaa me'ano wodda ane'e gargartinaaxxa hedenne.¹⁷Tenne yaane iitta murenno wodda hedebe'nok assenelcho ha'non labbaata? Yookaani buttatike mannisha «Eet, eet» hiyye jijirenexxi, «Waawwo, waawwo» hiyyanocho ha'no labbaata?¹⁸Magen addatemeeke kademaxxe, no'o ha'non kulenek hiyyichchi «Eettinna waawo» hiyyaake hiyyichobaan.¹⁹Tinninna kaddaachchi ani, Sillaasinna Ximotoosi Magenka belto Yessuusi Kiristoosixxe lallanbenek, «Eetti» hiyyaake hiyyichcho mallee'e, «Eettinna waawo» hiyyaake hiyyichchintebaan. Iso'ni duuchchi wodda eetiten.²⁰Magen no'o'a uwwexxi adde duuchcha «Eettite» kadaachi Kirsitoosi ga'minteni. Tennexxeeteni Magenoke ulfinni Kirsitoosini gamii'ni «Ameen» hinanolchi.²¹No'onna hano'onna Kiristoosi'n jabaanosha asseek Magenokeni; isike kandanoshanna no'o hariireekinna isoten.²²Isike kandenaxxe'e dhuga leelishaaka ifika Woyyichchia Hafuura, edi'a alfinanoxxe yaaneka abidilsha qalbe no'oxxi giddo ugeek isoten.

²³Ani Qorontoosi'a illeema higenexxi daga gopheenelchi ha'no'o yaadisabo'noshatemaani. Tinnenne'anna dhugaa anxi Magenoken.²⁴Ha'no amana ha'noxxe'ni jabaatineke manna kadinemaxxe'e ha'noxxe gammasho'a ha'noni welti hunjeenne malee'e amana ha'noxxe'n no'o ha'no'o ajanjabe'non.

The Word for the World International

https://app.library.bible/content/2b894378475c6aea