1 Odotikaa Maxaafa9

1Isira'eelixxe ilaxxi aante duuchcha laako'endeexxi summi Isira'eelike moyanjuwwiinke mazigaba'n borreessemeen. Iyyerusaalemike Qachchika Arda
Yihudik ardi hujeexxe balleesanaa'ni kexxeexxa booji'emeexxi Baabilooni'a a'leme.
2Sirete'n ifi ifinge qadadiba'anna qachchiba'a higeexxi ofo'le'ek heenook Isira'eelik manni, qeesole, Leewwitonna galmi giddo hunnatixxa huje hujammak erganjuwwamman.
3Iyyerusaalemi hedhammak Yihudak, Biiniyamik, EfireemikinnaMinaaseke mannixxi horte konneechchinn butti'a hexxeexxen.4Yihudake beltonaa'n, Faareesixxe sannuwwana'ni, Baanik belti,Imeerik belti, Omerik belti, Amihudik belti Utaayi.5Seelonawitotenaa'nangafi belti Asayanna isixxi laabbaxxe oose.6Zaarahitotenaa'nYi'u'eeli, isike mannik laakkossinna jaane dhibbanna sallanetommemman. Yihudike minike mannik laakkossinna jaanedhibbanna sallane tommemman.7Biiniyamitotenaa'nHasenu'ak belti, Hodaawiyak belti, Mesulamik belti Suul.8Yirohamik belti Yubineya, Miikiyak belti, Oozik belti Ela; Yibineyak belti Ragu'eelik belti Safaxiyak belti Meesa'ulam.9Ilatixxe aanteke mazigaba'n borreessememmashshann Biiniyamik mannike hortek laakkossi sallane dhibbanna onde tommenna jaanekemman; kunn labballi duuchchi mini minike akeekisajnuwwamman.10QeesoletinnaYida'iya, Yiho'yaraabi, Yaakin,11Mageniinke minik soorreessa kadeek Ahixuubik belti,Merayutik belti, Saadoqik belti, Meesulamik belti, Hilqiyasik belti Azatreyasi.12Melikiyaak belti, Phasikorik belti Yirohamik belti Adaaya, Imeerik belti, Mishilamitik belti, Mesulamik belti, Yehizeramik belti, Adi'elik belti Me'isaayi.13Mini hadike soorreessuwwa kadeexxe qeesolek laakkossi mitte kumanna torbaane dhibbanna jaane tommemman: kunniirina Mageniinke mine'n kadda'neexxe ergatensha'a ege'na lumoxxa afeeke mannamman.14Leewwitotixxe gamonaa'n Meeraarixxe sannuwwanaa'n Hashebiyak belti, Azireqamik belti, Hashuubik belti Shemaya,15
Beqibeqaare, Hereeshi, Galalinna Asaafik belti, Zikiirik belti, Miikaki belti Mettaaneya.
16
Edotaamik belti, Galalik belti, Semusik belti Abidiya. Ittann Nexoofake qachchi giddo hedhemmak Hilqaanak belti, Aasak belti Beerekiya.
17Hula galminxa heqqammakir:Seelom, Aqubi, Xalmoon, Ahimaaninna dayyuwwi insa'nekiir: sooreessi insa'nekinna Seelomiteman.18Isinna dhidhimi darre'n moyanjinxe hulaba telchiqico'n uggine uggineeba hedheen. Kunnirinna Leewwitotixxa hula heqqamakemmaaran.19Ebiyasaafike beltik belti, Qorek belti Seelomenna insa'nek mini hadi'a hado kadeek Qorewito seemmat giissineek Duuchchi Woddike Goottike fooqixxe hulaba'n heqqinammashsha konne galminba e'inamabanna ittan heqqinaamman.
20Edi wodda hula haqqamake mannik sooreess Ali'aazaarik belto Finihaasitemman; Duuchchi Woddik Goottinna isinni welti hedhemman.21Afenshatike duunkaanixxa giddixxe kutabaa e'yatixxa hula heqqammak kinni Musilamike belto Zekkariyasitemman.22E'yina'neexxa huluwwa heqqinaashsha filemeeki manni lame dhibbanna tommenna lameken. Insa'nexxi ilaxxe aanteshanni he'na'neeke olla'uwwa'n laakko'emme borreessemme; hula heqqaamakir okkone booncho'ni uggine'ek Daawwitinna oojanjo Saamu'eelitemman.23Afenshatike duunkaana tinninna Duuchchi Woddike Gootika mine heqqaammari insa'netenna sannuwwa insa'nexxeramman.24Hula heqqammakiirinna dhidhimi darre'n, boroti darre'n, middi'ninna bita'i darre'n hedheeke shoolin darre'n he'nemman.25Dayyuwwi insa'nekinna ifi ifike loola'in he'ne yanna yanna'inn fulla'ni torbaane torbane barra heqqina'nee insa'nee gargarraamman.26Shoole hula heqqitammaxxi Leewwito sooressuwwa kinn Mageniinke mini giddo hexxeexxa kutanna miya masse'naake mini'a sooreessa kande heqqinaamman.27Heqqatixxa huje muuxa'neek insa'nete kandeemaxxee okkone Magenike minixxi soro'ni gallaamman: gorsa gorsa dalla'inka cufana insa'nende bannaamman.28Insaa'ne giddi'ni mitti mitti gamiinke mini giddo la'onfataa'na hujete'n hosaaka miyuwwa maganne a'line heqqinaamman; miyi fula woddanna higaa wodda duuchcha laakkonna'nemman;29Wele Leewwawito kinni miyuwakanna galmiink minik woyyichcha miya, bulletanna woyinetika bulbulo, ejersiinxa zayite, hixaana foole eloka affeexxa shuutta shufuroora heqqinaashsha uggemeemman.30Qeesoleti giddii'n mitte mitte shittotixxa shuuta shufuroora weli laanqe qophphesinaamman.31Qorexxe gosak Seelomik angafi belti Leewwichchi Matiteya qurbaanixxa kebbo kossaashsha iso'ni deettesine kulleemman.32Sanbata sanbata'ninn shiqqaxxe tenne ita'a maganne uuneek Qe'atawwichchiinxe dayyuwwi giddi'n duuchchakeetemmabaan.
33Leewwitotike mini hadike sooreessuwwa kadeemmaxxi faarsaleyye kinn galmiinxe kuta giddo he'naashshanna wele huje duuchchana'ni qullo fullaashsha assendeemman; buutotinna hashshanna barra insa'ne hunja'neexxi huje hexxemman.
34Kunnir duuchchi Leewwitotixxe mini hadike aakeekisanjuwwa kanda woddaa, ila insa'nexxixxe aanteshann borreessemme: he'na'neekinna Iyyerusaalemitemman.

Sa'oolixxa Ilaxxa Aante

35Geba'oonik anni Yi'i'eeli, hedha'neb Geba'onitemman:Aretik summinna Mee'akaten.36Angafi belti Abidonit kada wodda, iso'ni hana ilemeekir Duur, Qiisi, Ba'aali, Neer, Naadabi37Gedoori, Ahiyyo, Zakaaryaasi, Miqilotiteraman.38Miqiloti Same'oni'i i'le, isinna fir isikinni welti Iyyerusaalemike qarqara'n he'na'nemman.39Neer Qiseni i'le: Qiisi Sa'ooli'i i'le, Sa'ol Yoonataani'i, Melikishu'a, Aminadaabii'i, Eshabaal i'le.40Yoonataanixxi labbaxxi oose Merba'aliten; Merba'al Miikane'e i'le.41Miikaxxi labbaxxi oosePitone, Meleki, Tare'a, Akaazi.42Ahaazi Ya'iraami i'le, Ye'iraami Naaremetine, Azimootinenna Zimmirebe i'le; Zimmirenne Motsaane i'le.43Motsaane Biine'aani i'le beltikinna Refiyatemman: belti isik Eli'aasanna, Atseelii'i i'le.44Atseeli jaane labbaxxa oose i'leemman;summi insa'nekinna Azireqam, Bokkeeru, Isima'eli, She'areya, Abidiyu, Hananni, kunnir Aseelixxe labbaxxe oosen.

The Word for the World International

https://app.library.bible/content/2b894378475c6aea