1 Odotikaa Maxaafa27
Sannachchiinka Umo Umo Kuta
1Isira'eelik mini hadik ajajalli, kuma manna ajajammaki, dhibba manjo akeekamma ja'laabi, ittanni wogga duuchcha agenjo agenjo'ninn dhaanba'neexxi umo umo kuta'ni hedhe moyanjo ergatamaki insa'nek akekisanjuwwik summi konneechchinn butti'a hedheen. Mitti mittiinxe kuta'ni lame tommenna shoole kuma manjo hedhemman.2Siretike agenijo'ni taakkanba hexxeexxe kuta'ni umo kadeek Zabidi'elik belti Yaashobi'amite kadaa wodda isi hunda ergatemaammaki lame tommenna shoole kuma manjo hedhemman.3Insa'nenna Faarasixxe sanne kandaa wodda, siretinge agenjo'ni sannachchiinke ja'labuwwi duuchchi'a umokemman.4Langake ageno'ni kuta mitte'ni loliinke umo akeekisanjo kadeeki Ahoohichcho Doodayiten; tenne kutak sooreessi kinn Miqilotineni; isi hunda lame tommenna shoole kuma manjo hedhemman.5Sakkake agenjo'ni sakaxxe kutak loliink umi ajajalli qeesichcho Yodahek belti Bennayaasitemman; umi isote kadaa wodda isi hunda lame tommenna shoole kuma manjo hedhemman.6Kunninna sase tommi irra jabake hunnaameessa, sase tommoke umoman; belti isik Amizabadimi kutatike sannachchike ajajallomman.7Sholgake agenjo'ni sholgaki umi ajajalli Iyyo'aabik dayyi Asaheeli, bakka isixxe'n wobbinseek belti Zebadiyaten; isi hunda lame tommenna shool kuma manjo hedhemman.8Ondeesoke agenjo'ni ondik umi ajajalli Yizirawichcho Shemehutiten isi hunda lame tommenna shool kuma manjo hedhemman.9Jayake agenjo'ni jiyaki umi ajajalli Yetequhawichcho Ye'isik belti Iraasiten isi hunda lame tommenna shoole kuma manjo hedheman.10Torbake agenjo'ni torbak umi ajajalli Efireemixxe gosanaa'ni Filonawichchi Selesiten isi hunda lame tommenna shoole kuma manjo hedhemman.11Saddeetike agenjo'ni saddeetik umi ajajalli Kazarawichchiinxe gosanaa'ni Huushaki Suusawichchi Siibokayiten isi hunda lame tommenna shoole kuma manjo hedhemman.12Sallanike agenjo'ni sallanik umi ajajalli Biiniyaamixxe gosanaa'ni Anaatootichcho Abi'eezeriten. Isi hunda lame tommenna shoole kuma manjo hedhemman.13Tommeessoke agenjo'ni tommik umi ajajalli Kezarawichchiinxe gosanaa'ni Nexoofichchi No'ereten. Isi hunda lame tommenna shoole kuma manjo hedhemman.14Tommenna mitteessoke agenjo'ni tommenna mitteessok umi ajajalli Efireemixxe gosanaa'ni Phire'atonawichcho Bennaasiten. Isi hunda lame tommenna shoole kuma manjo hedhemman.15Tommenna langake agenjo'ni tommenna langeessok umi ajajalli Gotoneyalike mini hadinaa'n Nexoofichcho Helidayitemman. Isi hundanna lame tommenna shoole kumma manni hedhemman.Isira'eelike gosatik mini minika akeekisanjuwwa
16Isira'eelike mine minena'n galchatee filemeeke hadiki summi konnechinn butti'a hedheen;Roobelika mini hado galchaashsha; Zikirki belti Eli'eezer;Sime'onika mini hado galchaashsha; Me'akaki belti Sefaxiyaasi.17Leewwika mini hado galchaashsha; Qemu'elik belti Hashabiya;Aaroonika mini hado galchaashsha; Saadooqi.18Yihudaka mini hado galchaashsha; Daawwitik dayyi Elihu;Yisakoorika mini hado galchaashsha; Mika'eelik belti Omiiri.19Zabilonika mini hado galchaashsha; Abidiyuk belti Yishemaya,Nefitaalemika mini hado galchaashsha; Aziri'eelik belti Yaaremuti.20Efireemika mini hado galchaashsha; Azazirek belti Hoosse'i;Minaaseka mini hado gamisa galchaashsha; Fedayak belti Iyyu'eeli.21Gele'adi hedheeka Minaaseka mini hado gamisa galchaashsha;Zakaaryasiki belti Ido, Biiniyaamika mini hado galchaashsha;Abeneerik belti Isi'eeli.22Daanika mini hado galchasha; Yirohamik belti Azare'elyoona kunnir duuchchi Isira'eelike mini minike hadike akeekisanjuwwamman.23Duuchchi Woddik Gootti Isira'eeli'i iimatixxe urjeshsha bira sa'isa'neexxa haaso'emaxxee, Daawwiti wogga insa'nexxi lame tommenna okkoneechchi butta hedhekaara laakko'emmabaan.24Tsiriyak belti Iyyo'aabii laakkossa safe muuxebaang gate; konne laakkossiinxe buuto Isira'eel'ni mufe idagemmaxxee, laakko'emeekinna moyanjo Daawwitike mazigaba'ni borreessemebaan.Moyanji Baallonseeka Umo Galchalluwwa
25Adi'eliki belti Azimooti mootummati minika miya massa'neeke minike sooreessamman.Oziyak belti Yoonataan awuraaja duuchcha'n qachcha qacha'ninn, loola loolake'ninna kollo kollote'n hedheeka miya masse'na'neeke minuwwi'a sooreessakemman.26Kelubik belti Eziri boga hucca'neeke wiisaluwi'a sooreessakemman.27Raamatawichchi Semee'i woyinetike hiddichike booncho'ni sooreessakemman; Shefamawichchi Zabidi woyinetike bulbulke miya masse'na'neeke minike sooreessamman.28Gedeerichchi Ba'aalihanaan dhidhimi darrexxe koobuwwa qarqara'n hexxeexxa woyinetanna qilxi haqicho heqqa'neeke sooreessamman; yu'aashi zayiteti minike akeekisanjomman.29Saaroonichchi Sexirayi Saaronii'i marema'neeke horiinke haagani'a sooreessakemman.
Adiilayik belti Shaafaxi dhooqa giddo hedheeke horiinke haagani'a sooreessakemman.30Isima'elichchi Oobil gaaliinke sooreessamman.
Meronotawichchi Yehidiya harruwwatike sooreessamman.31Haggaarichchi Yaaziziya gedhebiinkenna re'etike haaganike sooreessamman.
Kunniichchuwwi duuchchi moyanjo Daawwiti karra'a sooreessakemmaaran.32Qalbeeffachcho afeek Daawwitik annik dayyi Yoonataaxxe murranna borreessanjomman; Hakimoonik belti Yihi'eeli kinn moyanjiinke belti'a annomeemman.33Akixofeel moyanjiinke shiqike gorsallo kadaa wodda, Arkichchi Huushe kinn moyanjiinke jaalomman.34Bennayak belti Yodaahenna Abiyataar Akixofeelixxe bakka'ni tukkoome.
Iyyo'aabinna moyanjiinke sannachchike ajajallo kade.
The Word for the World International