1 Odotikaa Maxaafa14
Daawitika Minenna Mini Hado
1Ookkone wodda Xiroosik moyanjinna Kiraami Daawwitixxe mootumma'a hunjaashsha erganjuwwa, kinjo bocaaka mannanna ijaraaka manna birbirsiinke haqichchinni welti erge.2Daawwitinna Duuchchi Woddik Gootti Isira'eli'ni mootonse jabeessemmaxxanna ifike arda Isira'eelixxe hiyye mootomma ifixxa lummisexxa qalbeefate.3Daawwitinna Iyyerusaalemi'ni heddo are aadhe; insa'nenna'n labbaxxanna meyaxxa oose i'le.4Okko hedhemaba i'lemmaxxe oosek summi konneechchinni butti'a hedheen; Saamusi, Sobaabi, Naataani, Solomoon,5Yibihaar, Elishuu'a, Elifaalat,6Nooga, Naafeqi, Yaafi'a,7Elishaama'i, Be'eeliyadanna Elifeeletiteeran.Daawwiti Filisixeemika Manna Lole Injifate
8Daawwiti Isira'eelika boga duuchcha mowashasha hariiremeexxa Filisixeemik manni laqeexxi, hunna jabefante iso'o hasito fulle; Daawwitinna tenne laqemmaxxee insa'nenni weli adhatee fule.9Ettene yanna'n Filisixeemik manni dageexxi Raafayimixxa dhooqa bunqe.10Tennexxee Daawwit, «Filisixeemike manna'ni haano mare lola ke'issanno? Ati anga anixe'n insa'ne'e sa'isite uutato?» hiyye Mageno laqe.Duuchchoi Woddiki Goottinna, «Eeti fuli! Aninna anga atixxe'n insa'ne'e sa'isse uwwannon» hiyye hiisse haaso'e.11Tennexxee Daawwitinna Ba'aalifeeradiimite hine ye'naak booncho'n Filisixeemike manna'ni lola ke'iseexxi inisa'ne kutti asseechchi uduma; «Wode'i tansaase sa'ammashsha Magenikinna naaphuwwa anka anxe anganinni diigiseen» hiyye. Tennenaa'ni kexxeexxa okkone booncho «Olipharasimi» hine summa fulchine.12Filisixeemik manni magenuwwa insa'neka ooko'o laffi assinemaxxe'e, Daawwiti giirati gunbaasha ajaje.13Filisixeemik manninna higgeen dhooqatanna ale aade'n bunqe;14Higgenni Daawwiti Mageno laqe; Magenikinna hiyye hiisee qic, «Ale aade'i insa'ne qoqqobbe odi'inke haqichchi edo saxxe lola ke'issi; male'e ittanna alale qabattoxxe.15Odi'inke haqichchixxe xungo'ni yaasumiinka hirba laqqottole ille iima insa'ne'e fulde adhi: tinninna Filisixeemike mannika sannachcha Mageni balleso'a edo sa'en hiyyoten» hiyye.16Tennexxee Daawwitinna Mageni hiyyeexxa asse; Geba'oonii'ni ke'isse Geezir qico'ni Filisixeemika manna shorrine.17Tennenaa'ni kexxeexxa Daawwitik gurri boga duuchcha'ni geye; Duuchchi Woddik Goottiinna mootoleeyye duuchcha Daawwiti'i sodaataashsha asse.
The Word for the World International