Yontu54dop_sim

Kʋnyɔntɔɣɔlʋ yɑɑkɩ sɩ pɑ́ wɑɑsɩ-ɩ

1Tɑfiiti yontu nti pɑ yookinɑ sɑŋkʋnɑ tə wɛ yonyoolɑɑ nyʋɣʋ tʋ tɑkəlɑɣɑ tɑɑ tɔɣɔlɔ.2Tə tɑɑ kɛ́ pɑ kɛɛsəɣɩ ɩsənɑ Sifɩ nyə́mɑ polɑSɑyuli kiŋ nɑ pɑ́ tɑɣɑsɩ-ɩ sɩTɑfiiti ŋmɛlɑ pɑ tɛtʋ tɑɑ tɔ.Yontu ntəɣəlɛ sɩ:
3Hɑɩ, Ɩsɔ, yɑ-m nyɑ́ hətɛ tɔɔ,nɑ ń hʋlɩ mɑ tɑmpɑnɑ nɑ nyɑ́ toŋ.4Hɑɩ, Ɩsɔ nɩɩ mɑ kʋyɔɣɔtʋtʋ.Ke ŋkpɑŋŋ nɑ ń nɩɩ mɑ kʋsələmʋtʋ.
5Mpi tɔ, kpɑɩ nyə́mɑ kʋlɑ mɑ tɔɔ,nɑ pɑ́ sɔɔlɩ mɑ weesuɣu ləsʋɣʋ nɑ mʋsʋŋpɑ pɑɑ fɛɩnɑ-ŋ.6Amɑ nyɑɑ wɑɑsənɑ-m,nyɑɣɑlɛ Tɑcɑɑ, nɑ ń pɑɑsəɣənɑ-m.
7Ɩsɑɣɑtʋ ɩ́ məlɩ mɑ kolontunɑɑ nyɔɔŋ tɑɑnɑ ń təkɩ pɑ nɔɔsɩ kɛ nyɑ́ tɑmpɑnɑ tɔɔ.8Mɑɑ lɑ-ŋ kɔtɑɣɑ nɑ lotu kʋlʋmtʋnɑ mɑ́ sɑ nyɑ́ hətɛ.Mpi tɔ, Tɑcɑɑ n kɛ́ kʋpɑŋ kɛ́.9N fitɑ-m nəɣəsɛɛ tənɑ tɑɑ kɛ́,nɑ mɑ́ nyənəɣɩ mɑ kolontunɑɑ kpisuɣu.
expand_more
Search