Yontu29dop_sim
Tɑcɑɑ nɔɣɔ
1Tɑfiiti yontu.Ɩsɔtɑɑ nyə́mɑ mɛ ɩ́ sɑ Tɑcɑɑ.Ɩ́ pʋɣʋlɩ Tɑcɑɑ teeli nɑ ɩ sɔsɔɔntʋ tɔm.2Ɩ́ sɑ Tɑcɑɑ hətɛ sɔsɔɔlɛnɑ ɩ həntɩ-ɩ ɑtɛɣɛsɑɑ wei ɩ hʋləɣɩ ɩ tənɑŋŋ wɛɛtʋ tɔ.3Ɩsɔ teeli tʋ yekinɑ nɑ tɛʋ tiliɣi.Ɩnɩ ɩ holiɣinɑ lʋmnɑɑ tɔɔ.Ɩsɔ ŋmɑkəlɑ lʋm sɔsɔɔm kɛ́.4Tɑcɑɑ nɔɣɔ nɩɩkənɑ toŋ kɛ́ nɑ sɔsɔɔntʋ.5Nyɑ́ nɔɣɔ pɛləɣɩ tɩɩŋ sɔsɔɔŋ kɛ́.Nyɑ́ pɛləɣənɑ Lipɑŋ tɩɩŋ sɔsɔɔŋ.6N lɑkɩ nɑ Lipɑŋ pʋɣʋ ŋmɑɑkɩ ɩsɩɩ lɑtəcɛ kʋfɑlʋ.Nɑ Hɛɛmɔŋ nyəŋkʋ ɩsɩɩ tɑɑlɛ nɑʋ kʋfɑlʋ.7Tɑcɑɑ nyɑ́ nɔɣɔ lɑkənɑ nɑ tɛʋ ŋmɛləsəɣɩ.8Nɑ kɑ ciɣitiɣi Kɑtɛɛsɩ wʋlɑɣɑ tɛtʋ.9Nyɑ́ nɔɣɔ lɑkənɑ nɑ nɑməŋ lʋləɣɩ,nɑ kɑ́ yeki nɑ hɔtʋ tɩɩŋ kpɑɑləɣɩ təkpɑlɑkpɑlɑ.Nɑ pɑ tənɑ pɑ kpɑɑləɣɩ Tɑcɑɑ təyɑɣɑ tɑɑ kɛ́ ɩsɔtɑɑ sɩƖsɔ kɛlɛ teeli tʋ təkpɑpɑ.10Nyɑ́ kɑwulɑɣɑ tətɔɣɔlɛ ntɛ́ lʋm sɔsɔɔm tɔɔ.Tənɑɣɑ n kɑ́ tɔkɩ-kɛɣɛ tɑm tɔɔ.11Tɑcɑɑ hɑ toŋ kɛ nyɑ́ yəlɑɑnɑ ń kooli-wɛɣɛ kʋpɑntʋnɑ ń yele nɑ pɑ́ hɛɛsɩ.