Tɑcɑɑ kɛlɛ tɑmpɑnɑ tǝŋlɑɑ tǝcɔɔsǝlɛ
1Hɑɩ Tɑcɑɑ, nyɑɣɑlɛ mɑ Ɩsɔ.Mɑɑ sɑ-ŋ nɑ mɑ́ pʋɣʋlɩ nyɑ́ hǝtɛ.Pǝ tɑɣɑ pʋlʋ, nyɑ́ lɑpǝnɑ mpi mpi pǝ wɛ teu kɛ sɔsɔm tɔ.Mpi n sɩɩwɑ hɑtoo lɔŋ tɔ,pǝ cɑɣɑ teu kɛ́ nɑ pǝ nyɔɔwɑ.2Pǝ tɑɣɑ pʋlʋ, n pǝsɑ ɩcɑtɛ kɛ pɛɛ kɑŋmɑɑɣɑ.Tɩɩ kɛ́ koluŋɑ ɩcɑtɛ kɛ́.Kpɑɩ nyǝ́mɑ ɩcɑtɛ sɔsɔɔlɛ tɑ kɛ ɩcɑtɛ tɔtɔ.Nɔɣɔlʋ kɑɑ tɑsɑ-tɛɣɛ ŋmɑʋ.3Pǝ tɔɔ kɛ́ yǝlɑɑ toŋtunɑɑ kɑ́ tʋ-ŋ teeli.Nmɑkǝllɑɑ piitim ɩcɑtɛ kɑ́ nyɑnɑ-ŋ.4Nyɑɣɑlɛ ɩcɑm tǝcɔɔsǝlɛ.Nyɑɣɑlɛ kʋnyɔntʋ kpʋlʋɣʋtǝtʋlɛ kɛ lɑŋwɑkǝllɛ wɑɑtʋ.Nyɑ́ kɛnɑ tǝcɔɔsǝlɛ nɑɑni nyǝntɛkɛ tɛʋ sɔsɔɔʋ wɑɑtʋ.Nyɑɣɑlɛ tɑ ɩsotom kɛ hɑŋɑɣɑ wɑɑtʋ.Nmɑkǝllɑɑ pɑ́ɑ́nɑ́ sɔsɔɔnɑ wɛkɛ́ ɩsɩɩ tɛʋ sɔsɔɔʋ nɩɩkʋɣʋ koluŋɑ tɔ.5Yɑɑ ɩsɩɩ hɑŋɑɣɑ kɛ wʋlɑɣɑ tɛtʋ tɑɑ.Amɑ nyɑ́ sumsiɣi kpɑɩ nyǝ́mɑ kɔkɔtɛ,ɩsɩɩ hɑŋɑɣɑ tɛŋʋɣʋ sɑɑ wei ɩsɔŋmʋntʋ tɛɛkɩ tɔ.Ḿpʋ́ɣʋ́ n sɩɩ tǝnɑɣɑ kɛ ŋmɑkǝllɑɑ yontu.Piitimnɑɑ tǝnɑ ɑcimɑ
6Pǝ tǝnɑ pǝ tʋ Tɑcɑɑ n kɑ́ lɑ piitimnɑɑ tǝnɑɣɑ ɑcimɑkɛ pʋɣʋ kʋnɛ kʋ tɑɑ.N kɑ́ sɑɑ tɔɣɔnɑɣɑ kʋpɑmpɑŋkɑ,nɑ nɑntʋ kʋpɑntʋ, nɑ sʋlʋm kʋpɑmmpi pǝ wɛ tǝcǝlǝcǝlɩ tɔ.7Pʋɣʋ ŋkʋ kʋ tɔɔ tǝnɑɣɑn kɑ́ cǝlɩ lɑŋwɑkǝllɛ sɑɑlɑɣɑŋkɑ kɑ kentɑ yǝlɑɑ tǝnɑ tɔ.Nkɛ kɑ tɑkǝnɑ piitimnɑɑ tǝnɑ.8Tɑcɑɑ n kɑ́ kpiisi sǝm kɛ tɑm tɔɔ.Ɩsɔ n kɑ́ hɩɩsɩ yǝlɑɑ tǝnɑ ɩsǝlʋm.N kɑ́ kɛɛlɩ tɛtʋ tǝnɑ tɑɑ kɛ́fɛɛlɛ nte nyɑ́ yǝlɑɑ kɑ tɔɣɑɑ tɔ.Tɑcɑɑ mɑ́ mɑ yɔɣɔtǝnɑ.Ɩsɛɣɛlɩ nyǝ́mɑ lɑŋhʋlʋmlɛ, Mowɑpʋ nyǝ́mɑ wɑkǝlʋɣʋ
9Kʋyɑkʋ ŋkʋɣʋ yǝlɑɑ kɑ́ yɔɣɔtɩ sɩ:Nyɑɣɑlɛ tɑ Ɩsɔ wei tǝ lɑpɑ nɑɑni tɔ.Nyɑ́ wɑɑsǝnɑ-tʋ.Tɑcɑɑ kɛ tǝ tʋwɑ nɑɑni.Tɑ lɑŋɑ ɩ́ hʋlʋmɩ nɑ tǝ́ yɔɔlɩ.N yɑpɑ-tʋɣʋ.10Tɑcɑɑ n kɑ́ tǝnɩ niŋ kɛ pʋɣʋ ŋkʋ kʋ tɔɔ ɩsɩɩ kʋkentim.Amɑ ɩ kɑ́ fɛlɩ Mowɑpʋ kɛ nɔɔhɛɛ kɛ tǝnɑ ɩnɩ.Ɩsɩɩ pɑ fɛlʋɣʋ nyɩɩtʋ kɛ hute pʋ́ʋ́ɣʋ́ tɑɑ tɔ.11Tǝnɑɣɑ Mowɑpʋ kɑ́ hʋ́lɩ́ niŋ nɑ ɩsɔ ɩsɩɩ lʋm yɑlʋ.Pɑɑ nɑ mpʋ, Tɑcɑɑ kɑ́ tisi kɑlɑmpɑɑnɩ nyǝ́mɑ mpɛɣɛ tǝfɛ.Pɑɑ pɑɑ kɑɑsɩ pɑ tǝɣɩ ɩsǝnɑ.12Mowɑpʋ ye pǝ kɑɑsɑ nyɑ́ koloosi sɔsɔɔŋsɩ nɑ toŋ nyǝnsɩ.Ɩsɔ kɑ́ pǝsɩ-sǝɣɩ kpɛntǝlɑsɩ.Ɩ kɑ́ pɛtɩ-sǝɣɩ ɑtɛ mʋsʋɣʋ tɑɑ.