Yosɑlɛm nyǝ́mɑ kpɑɑlʋɣʋ
1Tɑcɑɑ yɔɣɔtɑ ntiɣi toosee tɛtɛkǝlɛ tɔɔ tɔ.Yosɑlɛm, pepe lɑpɑ nɑ nyɑ́ yǝlɑɑ kpɑɑkɩ lɔpʋtʋ tɔɔ?2Ɩcɑtɛ kʋcʋkǝlɛ, nɑ kɔkɔtɛ nyǝntɛ,nɑ lɑŋhʋlʋmlɛ nyǝntɛ nyɑ́,nyɑ́ sǝtɑɑ tɑ sǝnɑ lɑɣɑtɛ,pɑ kɑɑ sɩ tǝyoole.3Nyɑ́ yoolɑɑ nyɔɔŋ nyǝ́mɑ tǝnɑ sewɑ,tɔtɔlɑɑ kpɑ-wɛɣɛ sɑlǝkɑ.Pɑ kuu nyɑ́ yǝlɑɑ tǝnɑ nɑ pɑ́ kpɛnnɑmpɑ pɑɑ sewɑ nɑ pɑ́ hɑtǝlɩ tɔ.4Pǝ tɔɔ kɛ́ mɑ sɩ ɩ́ yele-m nɑ mɑ́ wii wɑhɑlɑwei ɩ mɑɣɑnɑ mɑ yǝlɑɑ tɔ ɩ tɔɔ.Ɩ́ tɑɑ mɑɣɑsɩ sɩ ɩ́ puɣusiɣi-m.5Mpi tɔ, sɑŋɑ kɛ Ɩsɔ pǝ tǝnɑ pǝ tʋ Tɑcɑɑtisɑ tɑ tɑɑ kɛ́ ɑcufu nɑ tǝ́ kpisi nɑ pǝ́ liɣiti-tʋ.Lɑŋwɑkǝllɛ wulɑ sɔsɔɔnɑ nɩɩkɩtoosee tɛtɛkǝlɛ tɑɑ.Kɑkiisɑsɩ kpɑɑkɩ tontoŋɑ tɔɔ.6Ɩlɑm yoolɑɑ tɔkɑ tɔɔŋ nɑ nyǝmɑ́.Apɑlɑɑ cɑɣɑ yoou kɛɛkɛnɑɑ tɑɑ, kpɑɣɑnǝŋ wɛɛ.Kii nyǝ́mɑ yoolɑɑ lɛɛkɩ pɑ kpɑlǝŋ.7Yosɑlɛm, nyɑ́ tɛtɛkɑ kʋpɑmpɑnɑ tɑɑsuwɑ yoou kɛɛkɛnɑɑ nɑ pǝ kpɑɣɑnǝŋ.Pɑ pɩɩlǝɣɩ nyɑ́ nɔnɔɔsɩ sɩ pɑ yooki.8Yutɑ fɛɩ kʋkentim tɔtɔ.Kʋyɑkʋ ŋkʋ ɩ́ kɛɛsɩ mǝ ɩsɛnɑ ɩ́ nyǝnǝɣɩ yoou wontu.Nti pɑ pɩɩlɑ kutuluɣu ŋkupɑ yɑɑ sɩ Lipɑŋ hɔtʋɣʋ tɔ kʋ tɑɑ tɔ.9Ɩ́ nɑwɑ Tɑfiiti ɩcɑtɛ koluŋɑ pɔɣɔlɛɛ tǝnɑ.Ɩ́ hɔmɑ lʋm kɛ pǝ tɛɛ lɩɩlɛ tɑɑ.10Ɩ́ kɑlɑ Yosɑlɛm tɛɛsɩ.Ɩ́ yɔkɑ sɩ tɑɑ lɛŋsǝnɑɑ sɩpǝ sɔɔsɩ koluŋɑ kɛ toŋ.11Ɩ́ hulɑ lɩɩlɛ kɛ koloosi nɑɑlɛ hɛkʋ.Ɩ́ hɔmɑ lɩɩlɛ kʋpǝntɛ tɑɑ lʋm.Amɑ ɩ́ tɑ́ kɛɛsɩ mǝ ɩsɛnɑ Ɩsɔ wei ɩ tɑɣɑnɑ wɑhɑlɑnɑɑ mpɛɣɛ too lɔŋ,nɑ ɩ́ kɔnɑ-mɛ tɔ ɩ tɔɔ.12Kʋyɑkʋ ŋkʋɣʋ Ɩsɔ Tɑcɑɑ,Pǝ tǝnɑ pǝ tʋ yɑɑ-mɛ sɩɩ́ wii nɑ ɩ́ huɣuti lotu nɑ ɩ́ looli mǝ nyɔɔŋ,nɑ ɩ́ suu lǝyɑɣɑ wontu.13Amɑ mɛ ɩlɛ, pǝ pǝsɑ-mɛɣɛlɑŋhʋlʋmlɛ sɔsɔɔlɛ kɛ́.Ɩ́ kʋɣɩ nɑɑŋ nɑ heeŋ nɑ ɩ́ liki nɑntʋnɑ sʋlʋm nɑ ɩ́ hɑkɩ teu.Hɑlǝnɑ ɩ́ tɔ sɩ: Tǝ́ tɔɣɔ nɑ tǝ́ nyɔɔ tɑ kpɑkpɑɑ.Mpi tɔ, cele tɩɩ sɩ.14Ḿpʋ́ɣʋ́ Pǝ tǝnɑ pǝ tʋTɑcɑɑ yɔɣɔtɑɑ nɑ mɑ́ nɩɩ sɩ:Mɑ yɔɣɔtǝɣǝnɑ tuunɑʋ sɩpǝ kɑɑ hɩɩsɩ mǝ ɩsɑɣɑtʋ tǝnɛ,ɩsɩɩ ɩ́ sǝpɑ.Nti Pǝ tǝnɑ pǝ tʋ Ɩsɔ yɔɣɔtɑɑ tɔɣɔlɛ.Sepǝnɑ tɔm
15Ḿpʋ́ɣʋ́ Pǝ tǝnɑ pǝ tʋ Tɑcɑɑ Ɩsɔ heelɑ Ɩsɑyii mɑ́ sɩ mɑ́ polo nɑ mɑ́ nɑ́ kɑwulɑɣɑ tǝyɑɣɑ nyʋɣʋ tʋ Sepǝnɑ. Mɑ́ heeli-ɩ sɩ:16N fɛɩnɑ pʋlʋɣʋ cǝnɛ,n nyǝnǝɣɩ nyɑ́ tǝɣɩ we nɑ hɑlɩń huli nyɑ́ tǝɣɩ pǝlɑɑʋ kɛɩsɔtɑɑ kʋkpɑmʋɣʋ tɑɑ?17N nyǝnǝɣɩ nyɑ́ tǝɣɩ pʋlʋ sɔsɔɔm kɛ́.Amɑ Tɑcɑɑ kɑ́ kpɑɣɑ-ŋ nɑ ɩ́ lɔɣɔ-ŋ pooluŋ.18Ɩ kɑ́ pilimi-ŋ ɩsɩɩ pʋlʋ kʋkulutum kɛtɛtʋ kʋwɑlǝtʋ nɑtǝlɩ tǝ tɑɑ.Tǝnɑɣɑ n kɑ́ sɩ nɑ nyɑ́ yoou kɛɛkɛnɑɑ kʋpɑmɑ sɑɑlɩ.Nyɑ́ kɛnɑ nyɑ́ cɑɑ tǝyɑɣɑ fɛɛlɛ.19Mɑɑ lǝsǝ-ŋ nyɑ́ tǝmlɛ tɑɑ.Mɑɑ tɔɣɔnɩ-ŋ nyɑ́ tǝcɑɣɑlɛ.20Kʋyɑkʋ ŋkʋɣʋ mɑɑ yɑɑ mɑ tǝmlɛ tʋHilikiyɑ pǝyɑlʋ Ɩliyɑkim.21Mɑɑ suu-ɩ nyɑ́ cɑpɑ, mɑɑ lǝlɩ-ɩ nyɑ́ tɑmpɑlɑ,nɑ mɑ́ tʋ nyɑ́ pǝsʋɣʋ kɛ ɩ niŋ tɑɑ,nɑ ɩ́ pǝsɩ Yutɑ nɑ Yosɑlɛm nyǝ́mɑ pɑ cɑɑ.22Nɑ mɑ́ cɛlɛ-ɩ wulɑʋ Tɑfiiti lʋlʋɣʋ nyǝ́mɑkɑwulɑɣɑ tǝyɑɣɑ nɔnɔɣɔ nyǝmlɛ.Ɩ́ tʋlɑɑ, nɔɣɔlʋ ɩɩ tǝkǝɣɩ.Pǝ́cɔ́ ɩ́ tǝkɑɑ nɔɣɔlʋ ɩɩ tʋlǝɣɩ.23Ɩsɔ kɑ́ yelinɑ nɑ ɩ́ nyɔɔ toŋ ɩsɩɩ nyǝmlɛ kɛlonte nɑɑni nyǝntɛ tɑɑ, nɑ ɩ́ pǝsɩ ɩ cɑɑ tǝyɑɣɑnyǝ́mɑ teeli tǝhikile.24Ɩ tǝyɑɣɑ nyǝ́mɑ kɑ́ nyɔkǝlǝnɑ-ɩ kɛ́ nɑ pɑ yuŋ tǝnɑ. Tiisi sɔsɔɔnsɩ nɑ tiipee kɑ nyɔkǝlǝnɑ-ɩ kɛ́ ɩsɩɩ kewee nɑ kɔpʋnɑɑ.25Ḿpʋ́ɣʋ́ Pǝ tǝnɑ pǝ tʋ Tɑcɑɑ tɔmɑ sɩ kʋyɑkʋ ŋkʋɣʋ kɑŋkɑnɑɣɑ ŋkɑ pɑɑ kɑmɑ lonte nɑɑni nyǝntɛ tɑɑ tɔ kɑɑ kpɛsɩ. Pɑɑ mɑ-kɛ nɑ kɑ́ kpɛɛ. Ɩlɛnɑ sǝɣǝlɑ wenɑ ɑ tǝnɑ ɑ kɑ wɛ kɑ tɔɔ tɔ ɑ́ wɑkǝlɩ. Mpi tɔ, Tɑcɑɑ mɑ́ mɑ yɔɣɔtǝnɑ.