1 Wakolinto9
1Elo nibule cha kuwalongela kuusu utazi wenu kwa watogozi weli mdibululu dya Yelusalemu,2kwavila huumanya moyo wenu wa kuwataza want'hu wamwenga, nanie huigoda kwaajili ya mbuli iyo kwa want'hu wa Makedonia, na niwalongela, “Ndugu zetu wa isi ya Akaya watiali kulava tangu mwaka ufosile.” Ivo, moyo wenu uo uwatenda wengi hagati yawe kuwa na moyo wa kulava.3Elo humtuma Tito na wala ndugu wamwenga waidi, ili mtende gesa ivochiwatunyile kwa want'hu wa Makedonia, ili yala chiwalongele kwa mbuli ya mweye yasekuoneka kuwa chikuwatunya bule.4Ikawa nikeza uko na want'hu wa Makedonia na chikawafika hamnaisasala, aho namuwe mnigela chinyala na ao nizile nao kuusu lolelo dyetu kumwenu. Vilavila na mweye namuwe muigela chinyala hachikusimulilika.5Ivoelo, niona idamana niwalombe wano ndugu zetu, walongole kwiza uko, ili msasale vitumetume mulongile namuilave. Kwa mbuli iyo namuwe muilava kwa moyo udamane, na sio kulonga imwe kawasulutiza.6Msekuzimiza mbuli ino kuwa mnt'hu akuhanda chidogo, akubwena chidogo, na akuhanda vingi, akubwena vingi.7Chila mnt'hu alave vila moyo wake ivoukubweda, mbali sio kwa kusulutizwa kulava, kwavila Mulungu akumbweda mnt'hu akulava kwa moyo wa ubwedo.8Mulungu akudaha kuwenk'hani mweye kuhuma yala mkuyalonda, mdahe kila siku kuwa na chila chint'hu ichomkukilonda, ivo mgendelele kutazana muikila sank'hano idamane.9Gesa ivoiyandikigwe Mmaandiko ya Mulungu, “Mnt'hu akulava vingi kuwenk'ha wachiwa mnt'hu iyo wende wake naukale siku zose.”10Mulungu nio akumwink'ha mnt'hu mbeyu kwaajili ya kuhanda na mgate kwaajili ya ndia. Vilavila naawenk'heni mweye mbeyu za kuhanda na kuwaongezela. Icho nio kulonga nawaongezele moyo udamane.11Mulungu naawenk'he mweye mbuli zidamane zikulonda kuwatenda want'hu wamwenga wabwede. Want'hu wengi nawamwink'he hewala Mulungu kwaajili ya chitumetume wakuhokela kulawa kumwetu cheye.12Naiwe ivo, kwavila sank'hano ino ya Mulungu mkuitenda sio kwaajili ya kuwataza watogozi muhala, mbali vilavila naiwatende want'hu wengi wamwink'he hewala Mulungu.13Sank'hano iyo ikulagisa kuwa mweye ni wasank'hani mdamane, kufosela mbuli iyo want'hu wakumtunya Mulungu. Want'hu nawamtunye Mulungu kwaajili ya utogofu wenu wakutogola Mbuli Idamane ikumuhusu Kilisito halongozi ha want'hu, vilavila wakumtunya Mulungu hala wakaona ubazi wenu kwa nzila ya lumbavya wa vinthu vyenu na ao na want'hu wamwenga wose.14Ivo, nawawalombeleni mweye kwa moyo, kwaajili ya ujomwa mkulu awenk'hileni Mulungu.15Chimwink'he hewala Mulungu kwa ajili ya ukulu wa kitumetume chake cha kukangawaza achink'hile.
The Word for the World International