Mukanda wu Pawuli ku bisi- Loma9
Nzambi na kanda di Isaeli
1Kikedika nina ta mu Klisto, mpe nina huna ko. Mayindu ma mutima ani mana nteela kimbangi mu Mpeve Yilongo:2Nafulukidi mu kyadi na mutima ani wuna yena mpasi zina lembolo hwa.3Ninga! Natya naba kwani mebende muntu wusingu ku Nzambi, mpe wuhambana na Klisto mu dyambu di zimpangi zani, ba tudi kanda dimosi .4Zimpangi bezozo, ni kanda di bisi-Isaeli: Nzambi wubakitula baala bandi, wubakubikila nkembo andi, wutunga luwawanu nawu, wubahaana Misiku, wubalonka bwedi bwe musambidilanga mpe wubasila nsilulu.5Bisi-Isaeli bebobo badi mu nkuna yi matata meto, mpe Klisto mu lunitu lu muntu, wudi wumosi mu nkuna awu. Bika Nzambi kwe yaalanga bima bimvimba kasiiku mimvu ka mimvu. Ameni!6Tuteedi ko ti Mambu ma Nzambi masiidi dyaka mfunu ko. Mu dyambu ti ka bamvimba bafuma mu nkuna yi Isaeli baa baala ba-Isaeli,7mpe baala ba Abalahami, bamvimba badi mu nkuna andi ko. Mu dyambu ti Nzambi wuta ku Abalahami ti: «Ni mu Isaaki waabakila nkuna yi nakusila nsilulu.»8Mpila mosi ti: ka baala babutuka mu nsuni ko badi baala ba Nzambi. Kansi, ni baala ba butuka mu nsilulu yi Nzambi baaba mu lutangu belolo lu nkuna.9Mu dyambu ti Nzambi wusa nsilulu bu kata ti: «Bu naavutuka mu ntangu beyiyi na Salayi waaba na mwana wu bakala.»10Misamu kamyamimi kwandi ko, Lebika mpe wubuta nsimba zandi mu tata dimosi, Isaaki, nkaka eto.11Buna baala babutukidi ko, mpe bahiidikidi kani musamu wumbi na wumbote ko, Nzambi bu kazonza ku Lebika, mwanki makani mandi masikila.12Wusa bobo, mwanki luzolo lwandi lu hilama, nsodolo andi yiba mu dyambu di mavanga mawu ko, kansi mu mbokolo andi. Nzambi bu kata ku Lebika ti: «Kihunda kyaaba kisadi ki mpangi andi.»13Bonso buu wusonama ti:«Natya Yakobi, kansi nayangalala Esawu ko.»14Nki bwabu tulendi ta e? Nganunu, Nzambi kadi wulunungu ko e? Kaani!15Kadi yandi wuta ku Mose ti: «Mbo nafwiila nkenda wonso muntu wu natiidi mu fwila nkenda, mpe mbo nayenina kyadi wonso muntu wu natiidi mu fwila kyadi.»16Bwabu lusiidi dyaka luzolo lu muntu ko hoti ngolo zandi ko, kansi Nzambi kwe fwilanga muntu nkenda.17Ni hahoho mu Masonama, Nzambi kateela ku ntinu yi Ngipiti ti: «Nakusoodidi ntinu mu lonka mu nzila aku, lulendo lwani, mpe mwanki nkumbu ani yisamunu mu nza yimvimba.»18Bwabobo mpe, Nzambi kwe fwilanga nkenda wonso muntu wukatiidi, mpe kwe haananga mutu-ngolo ku wonso muntu wukatiidi.Mankesi na nkenda zi Nzambi
19Kampe mbo wunteela ti: «Nki bwabu Nzambi kakwe tusembilanga e? Nani bwabu lendi tedimina luzolo lu Nzambi e?»20Kansi, ngeye nani wudi mu bangisa Nzambi e? Kisiku ki tubumba lendi ta ku yondowo wumuhidikidi ti: «Nki mpidikidi bobo e?»21Kihidiki ki bisiku bi tubumba kwe sanga mi katiidi na tubumba: mu tubumba, lendi hidika kisiku kintalu hoti kisiku kilembolo ba mfunu.22Nki tulendi ta, tala ti Nzambi mu lonka mankesi na lulendo lwandi, wuvibidila bubwingi bantu bafwanakana mu bwidila mankesi mandi na mu tambula lufwa.23Kasila bobo, mwanki kalonka kimvwama ki nkembo andi ku yobobo bakayenina nkenda, mpe yobobo ba kakubika tuka ntama mu kota kintwadi na nkembo andi.24Ni yeto bantu bakatumisa mu ba ha kati di Bayudayo kaka ko, kansi ha kati mpe di yobobo balembolo ba Bayudayo.25Bonso bu wudi wusonama mu buuku di mumbikudi Oseya:« Mbo natumisina mukangu ani, wowowo wulembolo ba mukangu ani,mpe mbo namutumisina muntu wu natiidi, yondowo wu nedi lembolo tyanga.26Mpe ha bibuka bibedi bateelanga ti: “Yeno ludi mukangu ani”,mbo babatumisina ti baala ba Nzambi yimoyo.»27Mu myomyo mitadidi Isaeli, mumbikudi Yesaya wulooka ti: «Yeno baala ba-Isaeli, mpeleko lufunani bonso munyenge wuu ha kumu di mubu, mwa ndambu yi bantu kaka yaavuuka.»28Mu dyambu ti Mfumu mbo kalungisa Mambu mandi mamvimba mu nswalu ha luse lu butoto.29Bonso buta wo mumbikudi Yesaya ti:«Tala ti Mfumu Sebaoti katusisila kani nkuna yimosi ko,nganunu tukituka bonso mbanza yi Sodomo,na tufwanakana na mbanza yi Ngomola.»Lunungu mu nzila yi kiminu
30Nki bwabu tulendi ta e? Balembolo ba Bayudayo bedi lembolo sosanga lunungu, babaka lo, lunungu belolo lukwe fumanga mu kiminu.31Kansi ba-Isaeli bedi sosanga mu ba bantu balunungu mu nzila yi Misiku, balembakana.32Hambo mu dyambu di nki e? Mu dyambu ti Isaeli wusosa lunungu, ka mu nzila yi kiminu ko, kansi mu nzila yi mavanga. Ni bayenda koyama ha tadi dikwe bwisanga,33bonso bu wusonama:«Meno nina tuula mu mbanza yi Syoni tadi dikwe bwisanga,tadi dilendi bwisa,kansi muntu siidi kiminu kyandi mu yandi, kaafwa nsoni ko.»Wycliffe Bible Translators, Inc.