Mukanda wu Pawuli ku bisi- Loma1
Zimbote
1Meno Pawuli, kisadi ki Yesu-Klisto, wu katumisa mu ba ntumwa na wu kasoola mu samuna Musamu Wumbote wu Nzambi.2Musamu Wumbote bewowo, Nzambi wa kasiila nsilulu ku mimbikudi myandi tuka ntama mu nzila yi Masonama malongo,3mana zonzila Mwana andi, wubutuka bonso muntu, mu nkuna yi Davidi.4Yondowo, Nzambi wu kasoola mu lulendo mu ba Mwana andi bu kamufulukisa mu bafwa mu nzila yi Mpeve Yilongo, ni Yesu-Klisto, Mfumu eto.5Mu yandi, natambula mulemvo mu sala kisalu ki buntumwa, mu twadisa mu nkumbu andi bantu ba nsi zimvimba, mwanki mu nzila yi kiminu, batumama.6Yeno mpe ludi mu kabu di bantu bebobo, Yesu-Klisto bakatumisa.7Meno nina sonika ku yeno bamvimba luu ku mbanza yi Loma, yobobo Nzambi bakatomini tya na bakatumisa mu ba bantu bandi. Bika Nzambi Tata dyeto na Mfumu eto Yesu-Klisto kalusakumuna na kaluhaana kiyenge.Pawuli na minsambidi mi mbanza yi Loma
8Nina vutula ntete matondo ku Nzambi ani mu nkumbu Yesu-Klisto mu dyambu di yeno bamvimba, mu dyambu ti bantu bana zonzila kiminu kyeno mu nza yimvimba.9Nzambi yina kwe sadilanga mu mutima ani wumvimba, bu nakwe samunanga Musamu Wumbote wu Mwana andi, wudi mbangi ani ti nakwe lubambukilanga moyo.10Mu zinsambulu zani, nina tatamana mu lomba luzolo lu Nzambi, mwanki na baka hwahwa dye kwiza luvunga.11Mu dyambu ti nkatika mpwila yii naani mu luyena, mwanki yeno mpe lutambula munkayulu wu Mpeve Yilongo, mpe lusyama,12bwabobo bufwanakani niza ku yeno tusyamasana ha kimosi yeno na meno mu nzila yi kiminu kimosi yeno na meno.13Mpangi zani, natiidi luzaba ti nakwe banga na mabanza me kwiza ku yeno, mwanki nayonzika mbutu ha kati dyeno bonso bu nayonzikila zo ku bantu bansi zihiika. Kansi nzila yikangama yidi natee mu kilumbu bekiki.14Nafweti sala kisalu kyani ku bantu bamvimba: balongoka na balembolo longoka, bandwenga mpe na balembolo ba na ndwenga.15Ni hahoho, nabakidi mpwila ye mwangisa Musamu Wumbote ku yeno bisi-Loma.16Nii na nsoni ko mu mwangisa Musamu Wumbote, mu dyambu ti wudi lulendo lu Nzambi mu vuukisa yondowo kwikidi, Muyudayo ntete, mboki lembolo ba Muyudayo.17Mu dyambu ti ni Musamu Wumbote wukwe lonkanga lunungu lu Nzambi mu nzila yi kiminu na mu kiminu kwandi bonso bu wudi wusonama ti: «Muntu wulunungu waazinga mu kiminu.»Mfundusu yi Nzambi
18Nzambi tuuka ku yulu kwe yenikisanga mankesi mandi ku bantu bakwe lembolo vuminanga luzolo lwandi mpe bakwe lembolo mu zitisanga. Mu nsadulu zawu zimbi, yawu bakwe fyetikisanga kikedika.19Kadi myo mitadidi Nzambi milendi zabakana ku yawu, mu dyambu ti Nzambi yandi bende wu bazabikisa myo.20Mu dyambu ti tuuka Nzambi bu kahidika nza, bu twayindula mavanga mandi, mavanga mandi makwe yenikisanga bumbote: nkadulu andi yilunga yikwe lembolo yenikanga, lulendo lwandi lu mimvu ka mimvu na bunzambi bwandi. Ni hahoho, bantu basidi dyaka na mpengomokono ko.21Mu dyambu ti bazebi Nzambi, kansi bakwe muzitisanga ko, mpe bamuzebi bonso Nzambi ko. Kansi, mayindu mawu ma buzengi ma kotisi mitima myawu mimbi mu kitombe.22Yawu bana kilonka ti bantu bandwenga badi, kansi byeka bilahuki.23Mpe bakitudi nkembo wu Nzambi wukwe lembolo bolanga mu kifwani ki muntu, ki zinuni, ki bibulu bii na malu maya na bibulu bikwe kwe syelomokingi ha butoto bikwe bolanga.24Ni hahoho, Nzambi kabayekodila mu mavanga mambi bonso budi nzinunu zi mitima myawu, mwanki basafula nitu zawu yawu na yawu.25Bakitudi kikedika ki Nzambi luvunu, bena zitisa na bena sadila kwawu bima bihidika Nzambi, na babisidi mu musambila yandi bende wuhidika byo, yandi fwanakani mu kemboso mimvu ka mimvu! Ameni!26Ni hahoho, Nzambi kabayekodila mu mpwila zinsoni: Bakento bawu bakwe bwesa vukisanga nitu awu na babakala bawu ko, kansi bana vuka mfulu yawu na yawu27Bumosi mpe babakala bana bisa mu vuka mfulu na bakento bawu, kansi bafulukidi mu mpwila ze vukisa mfulu yawu na yawu, bakala na bakala, bana hidika misamu minsoni. Ni hahoho, baatambudila musendo mu nkadulu awu yimbi.28Bu babisidi mu zaba Nzambi, Nzambi wubayekodi mu sadila madyela mawu matengama. Ni hahoho, bana sadila misamu milembolo fwanakana.29Basidi dyaka bantu balunungu ko, bafulukidi mu busafu, nzodyambongo, nzinunu, mbalu, bafulukidi mu kimpala, beka mimpondi, mayuma, luvunu, misamu mimvimba mimbi, kuhunina banawu misamu,30kutoola, beka mitantu mi Nzambi, bafuluka mu leho na mayama, kukitumpidika, bafulukidi mu ndwenga ze hidika misamu mimbi, kubisa mu tumimina bibuti,31wulembolo ba na madyela, na mpisulu, mutima wukangama, na wulembolo ba na nkenda.32Mpeleko bazebi nzengolo yi Nzambi yina ta ti, yobobo bakwe sadilanga misamu mimbi bemyomyo, baafwa. Kansi mya bakwe hidikanga yawu bende, na bakwe tambulanga mpe yobobo bakwe hidikanga myo.Wycliffe Bible Translators, Inc.