FILEMONI1
Zimbote
1Meno ni Pawuli, wubatuula mu boloko mu dyambu di Yesu-Klisto, na mpangi ani Timote tusonikini ku ngeye Filemoni mpangi eto yi zola yi kisalu,2na ku kibusi kyeto Apiya, na ku Alisipo mpangi eto yikwe nwananga mvita neto, mpe na ku dibundu dikwe yonzamanga ku nzo aku.3Bika Nzambi, Tata dyeto na Mfumu eto Yesu-Klisto kalusakumuna na kaluhaana kiyenge!Luzolo na kiminu ki Filemoni
4Ntangu zimvimba zina kwe sambilanga, kwe kubambukilanga moyo na kwe vutulanga matondo ku Nzambi,5mu dyambu ti nayudi kikuumu ki kiminu kyaku mu Mfumu Yesu na luzolo lwaku ku bantu bamvimba bavwihulu ku Nzambi.6Nina lomba ku Nzambi ti, kiminu kii neto ntwadi kiba kisyama mu ngeye, mwanki misamu mimbote mimvimba mii neto mu Klisto mitoma zabakana.7Mpangi ani, luzolo lwaku lumpeeni kyese kikingi mpe lutomini nsyamisa, mu dyambu ti wukindisi mitima mi bantu bavwihulu ku Nzambi.Ndombolo yi Pawuli mu dyambu di Onezime
8Ni hahoho, mpeleko mu kintwadi kyeto mu Klisto, nii na kimpwanza mu kutuma misamu mi fweti hidika,9kansi ntiidi kwani mu kulomba mu dyambu di luzolo lweto. Meno Pawuli, kinunu kii kikangama bwabu mu boloko mu dyambu di Yesu-Klisto,10nina kubombidila mu dyambu di Onezime, yondowo wuhikidi mwana ani mu Yesu-Klisto mu kati di boloko.11Mu ntama, kaba mfunu ku ngeye ko, kansi bwabu wuhikidi mfunu ku meno na ku ngeye.12Yandi wuhikidi bwabu mwana ani wu mutima na nina muvutula ku ngeye.13Natya ti na musimbidila ehaha ha nidi, mwanki ka nsadisa ha kibuka kyaku mu ntangu yi nakidi mu boloko mu dyambu di Musamu Wumbote.14Kansi natiidi mu hidika dyambu ko wulembolo teka zaba luzolo lwaku, mwanki wuhidika musamu bonso budi mutima aku wumbote, kansi ka mukukwikisa ko.15Bulendi ba ti Onezime wuba wutatuka naaku mu mwa ntangu yifyoti, mwanki wubwesa ba kintwadi nandi ntangu zimvimba.16Mu dyambu ti kasiidi dyaka bonso mundongo wumpamba ko. Kansi hyokidi mundongo mfunu: weka mpangi yi zola. Meno ntomini mu tya, mpe ngeye waavula mutya, ka mu kinsuni kaka ko, kansi mu kintwadi na Mfumu.17Tala ti kwe mbongilanga bonso mpangi aku yi kiminu mu Klisto, mubwana bonso ti meno kwandi wuna bwana.18Tala ti musamu wumbi kakuhidika, hoti kima kana kudefa, tuula kyo mu nkumbu ani.19Meno Pawuli, nina kusonikina mu kooko kwani, mbo nakufuta. Ntiidi mu kubambula moyo ko ti, ngeye mpe mfuka yii naku ku meno, ni luzingu lwaku.20Ninga mpangi ani, nina kubombidila, mpidikila musamu bewuwu mu zola ku Mfumu: kindisa mutima ani, mu dyambu di kintwadi kyeto mu Klisto.21Mu ntangu beyiyi yi nina kusonikina, nsidi kivuvu ti waahidika mimvimba mi nina kulomba. Mpe nzebi ti waahidika mivudidi.22Nina kulomba dyaka ti, wunkubikila kihinga. Nii na kivuvu ti naavutuka ku ludi mu dyambu di zinsambulu zeno.23Epafalasi, wudi naani mu boloko mu dyambu di Yesu-Klisto, wukutambikidi mbote,24bumosi mpe na Malako, na Alisitalaki, na Demasi, na Luka, yawu bakwe salanga naani mu kisalu ki Yesu-Klisto.25Bika Mfumu Yesu-Klisto kalusakumuna!Wycliffe Bible Translators, Inc.