NGALATIYA1
Zimbote
1Meno Pawuli, nidi ntumwa, ka mu luzolo lu bantu ko hoti mu nzila yi muntu ko, kansi mu luzolo lu Yesu-Klisto na Tata Nzambi, wu mu fulukisa mu bafwa,2meno Pawuli ha kimosi na zimpangi zimvimba zi naani haha, meno nina sonika mukanda bewuwu ku mabundu ma kizunga ki Ngalatiya.3Bika Nzambi, Tata dyeto na Mfumu eto Yesu-Klisto kalusakumuna na kaluhaana kiyenge!4Klisto yandi bende wukiyekola mu masumu meto, mwanki katukula mu nza beyiyi yimbi, bonso buu luzolo lu Tata eto Nzambi.5Bika Nzambi kakemboso mimvu ka mimvu! Ameni.Musamu wumbote wumosi kaka
6Meno nina yituku mu manzangu ma lubeki mu nyafuna Nzambi, yondowo wu lutumisi mu mambote ma Klisto, bu lubangumukini mu landa musamu wumbote wuhiika.7Kaani, kunaani musamu wuhiika wumbote, kansi kuu na bantu batiidi mu nata mvwanzi ha kati dyeno na batiidi mu vwanzikisa Musamu Wumbote wu Klisto.8Kansi, tala ti yeto hoti mbazi yi fumini ku yulu, yizidi mu luteela Musamu Wumbote wuswaswana na myomyo mi tulusamunini, bika kasingu!9Watuteka luteela, nabwesi ta wo dyaka: tala ti muntu wu lusamunini Musamu Wumbote wuswaswana na wo wulutambudi, bika kasingu!10Bwabu masiika ma bantu hoti ma Nzambi nina sosa e? Kadi bantu nina sosa mu yangidika e? Tala ti bantu nina sosa mu yangidika, nganunu nii kisadi ki Klisto ko.Bwedi Pawuli ka tambudila na ka samunina Musamu Wumbote
11Mpangi zani, naluteela ti Musamu Wumbote wu nalusamunina wufuma ku muntu ko.12Kadi meno bende natambula wo ko, mpe nalongoka wo ku muntu ko, kansi Yesu-Klisto wunsamunina wo.13Yeno luyuwa nkadulu yiba naani, bu naba wukwikama mu Misiku na mu kinkulu ki Bayudayo. Luzebi bwedi nazomina dibundu di Nzambi, mpe bwedi nasosila mu mwangisa dyo.14Mu nsadulu ani yi Misiku na yi kinkulu ki Bayudayo, navudila zimpangi zani zi Bayudayo zi tuba mimvu mi mosi. Naba na vema dihyokidi kitezo mu kinkulu ki bankaka zeto.15Kansi Nzambi wunsoola tuka moyo wu ngudi ani, mpe mu mulemvo andi wuntumisa.16Wuyena bumbote mu ndonka Mwana andi, mwanki nasamuna nkumbu andi ku yobobo balembolo ba Bayudayo. Kansi nalomba malongi ku muntu ko,17mpe natomboka ku mbanza Yelusalemi ko mu kwe longoka ku yobobo bantekidila mu ba zintumwa. Nina tumbu kwenda ku kizunga ki Alabi, mboki navutuka ku mbanza Damasiko.18Mimvu mitatu mihyoka, natomboka ku mbanza Yelusalemi mu kwe mokana na Sefase. Bilumbu kumi na tanu nahyokisa nandi,19nayena zintumwa zihiika ko, tala ti ka Zaki kaka ko, mpangi yi Mfumu.20Nzambi wuu mbangi ani, mu misamu bemimi mi nina lusonikina na mii mi luvunu ko!21Mboki, nayenda mu bizunga bi Siliya na bi Silisi.22Kansi mu ntangu beyoyo, naba wuzabakana ko ku bantu ba mabundu ma Klisto maba mu kizunga ki Yuda.23Yawu bayuwa ti: «Muntu bewowo wedi tuzomanga, bwabu wuna samuna Musamu Wumbote wu kiminu wu kedi fyetikisanga.»24Ni bedi kembisanga Nzambi mu dyambu dyani.Wycliffe Bible Translators, Inc.