EFESO4
Kintwadi ki nitu yi Klisto
1Meno nkole yi Mfumu, nina lulomba mu ba na nkadulu yimbote mu mbokolo yi lutambudi,2beeno na luyinunu, na lembami, na luvibudulu, mboki vibidileno nkadulu zi baneeno mu luzolo.3Seeno ngolo mu keba kintwadi ki Mpeve mu nzila yi kiyenge.4Nitu yimosi kwandi yidi na Mpeve yimosi kwandi mpe yidi. Bumosi mpe kivuvu kimosi kwandi kidi bonso mbokolo yi lutambula ku Nzambi.5Mfumu yimosi kwandi yidi, kiminu kimosi mpe mbotokolo yimosi kwandi yidi,6Nzambi yimosi kwandi yidi, Tata di bamvimba. Yandi wuu ha yulu yi bima bimvimba, kwe salanga mu bamvimba, mpe wuu ha kati di bamvimba.7Kadi muntu mu yeto wutambula munkayulu bonso Klisto bu katezila wo mu muhaana.8Ni hahoho, kateela ti:«Wutomboka mu yulu,wunata zinkole,mpe wuhaana minkayulu ku bantu.»9«Wutomboka», mbangululu yawu nki e? Yina lonka ti: wukulumuka ku nsye butoto e?10Yondowo wukulumuka, ni yandowo kwandi mpe wutomboka kuhyoka yulu, mwanki kafulusa nza yimvimba.11Yandi wusa ti bahiika baba zintumwa, bahiika mimbikudi, bahiika milongi, bahiika dyaka mimvungi mpe bahiika milongisi,12mwanki kakubika bantu balongo mu sala kisalu kyawu, mu ntungulu yi nitu yi Klisto,13natee yeto bamvimba bu twaaba bakangama mu kintwadi ki kiminu na twaazaaba Mwana-Nzambi, bu twaaba bantu bameni kula mpe bu twaatuula mu kitezo ki bantu balunga bonso Klisto kaa wulunga.14Ni hahoho, twaabwesa ba dyaka mwa baala bafyoti ko bana ningusu ku ndambu ka ndambu ku bipo bi mamba, bana natu ku ndongosolo zi mumpila-mumpila, mpe bana hunu ku bantu bana bazimbikisa mu madyela ma luvunu.15Kansi mu zonza kikedika mu luzolo, twaakula mu misamu mimvimba myaatunata ku Klisto, wuu mutu.16Ni mu yandi nitu yimvimba yidi yikangama huma hamosi mu lusadusu lu misunya na misisa mikwe vukisanga nitu. Buna kadi kinama ki nitu kikwe salanga kisalu kyandi mu kitezo kifwanakani, mpe nitu yimvimba yikwe kulanga na yikwe tungamanga yawu bende mu zola.Luzingu lumona mu Klisto
17Taleeno misamu emi mi nina luteela mpe nina lusikimisa mu nkumbu yi Mfumu: Lulendi bwesa dyatila bonso bantu balembolo zaba Nzambi ko, yawu bakwe landanga mabanza mawu mampamba-mpamba.18Mu dyambu ti madyela mawu maa ku nsye kitombe, yawu baa kintwadi na luzingu lukwe hananga Nzambi ko, mu dyambu di bunzimbu bwawu mpe mitima myawu midi mikangama.19Basidi dyaka na nsoni ko. Bayambukidi mu sadila kindumba, mu hidika misamu mimvimba mimbi bonso bubatiidi.20Kansi yeno kabwabobo ko lulongokila mu zaba Klisto,21tala ti yandi luyuwa, mpe mu yandi baluhaanina ndongosolo, nkatika bonso budi kikedika kii mu Yesu.22Buna lufweti katuka mu kimuntu kyeno ki ntama, kii kwe fukusungu mu landa nsatu zi luvunu.23Bika Mpeve yilongo yi lukitula bamoona mu madyela meno,24mpe beeno bantu bamoona ba hiduku ku Nzambi mu lunungu na bulongo bu tukanga ku kikedika.25Ni hahoho, bikeno luvunu, mpe kadi muntu kata kikedika ku munandi, mu dyambu ti yeto bamvimba tudi binama bi nitu yimosi.26Tala ti lubeki mankesi, luholandi masumu ko, mpe bikeno mankesi meno tekila ntangu yidyama.27Luhaanandi hwakisa ku nkadyampemba ko.28Mwivi wukwe yibanga ka biika mu bwesa yiba, kansi mu moko mandi, kasala kisalu kidedama mwanki kabaka bima bye sadisila yobobo baa mu mbindumunu.29Luduukisandi kani dyambu dimosi dimbi mu minwa myeno ko. Kansi duukiseeno misamu mimbote na mii nkinzi myaasadisa baneeno bonso buu mbindumunu zawu na myaaheeka lusakumunu ku yobobo bana yuwa myo.30Luyenisandi Mpeve Yilongo yi Nzambi kyadi ko, yi balutula bonso kinyemo, mu dyambu di kilumbu ki nkudulu.31Looseeno misamu mimvimba mindudi, mi mankesi, mi nganzi, kuzangula mbembo, mpe bituku. Katuleeno misamu mimvimba mi mbi ha kati dyeno.32Beeno bantu bambote mpe bankenda yeno na yeno, lemvokileeno baneeno bonso Nzambi bu kalulemvokila mu Klisto.Wycliffe Bible Translators, Inc.