KOLOSAYI1
1Meno Pawuli, ntumwa yi Yesu-Klisto mu luzolo lu Nzambi, na mpangi eto Timote,2Tusonokini ku bantu bavwihulu ku Nzambi bakwe banga ku mbanza Kolosayi , na zimpangi zeto zikwikama mu Klisto: Bika Nzambi, Tata dyeto kalusakumuna na kaluhaana kiyenge.3Tukwe tatamananga mu vutula matondo ku Nzambi eto, Tata di Mfumu eto Yesu-Klisto, mu ntangu yi tukwe lusambidilanga.4Mu dyambu ti tuyuwidi nsangu zi kiminu kyeno mu Yesu-Klisto na luzolo lweno mu bantu balongo bamvimba,5mu dyambu di kivuvu kyeno mu mi balukubikila mu mazulu, kivuvu ki luteka yuwa mu mambu ma kedika, Musamu Wumbote.6Musamu Wumbote bewowo wutula ku yeno, bonso bu wuna buta mbutu na wuna mwangana mu nza yimvimba, bonso bu wusa mpe ku yeno tuka kilumbu ki luyuwa na ki luzaba mu kedika mu mulemvo wu Nzambi.7Ni Epafalasi, mukundi eto wuzola mu kisalu, wululonga mambu bemomo. Yandi wuna sala mu dyambu dyeno bonso kisadi kikwikama mu Klisto. 8Yandi mpe wututedidi mu nkye luzolo Mpeve kana lutwadisila.9Ni hahoho yeto tukwe lusambidilanga ntangu zimvimba tuka kilumbu ki tuyuwa nsangu zeno. Tukwe lombanga ku Nzambi kalufulusa mu nzayilu yi luzolo lwandi, mu ndwenga zimvimba na mu madyela ma kimpeve.10Mwanki ludyatila bonso bufwanakani ha meso ma Mfumu, mu hidika misamu mi kakwe tyanga. Mbo luhidika mavanga mambote makwe butanga mbutu, na mbo lukula mu nzayilu ye toma zaba Nzambi.11Tuna lomba ku Nzambi ka lukindisa mu misamu mimvimba mu lulendo lu nkembo andi, mu ba bantu ba tatamana na mu vibidila nkwamusu zimvimba. Mu kyese,12vutuleeno matondo ku Tata Nzambi wusidi ti luba bantu balenda tambula kikunku ki fwa dikasiila nsilulu ku bantu bandi ba kavwidi baa mu kati di kya.13Yandi wutukuula mu lulendo lu tombe na wutukotisa mu kimfumu ki Mwana andi wu katomini tya.14Ni mu yandi tubakila nkudulu na tutambula ndemvokolo yi masumu meto.15Mwana wudi kifwani ki Nzambi yikwe lembolo yenikanga. Yandi wuntete wuteka butuka mu bimvimba bi hidika Nzambi.16Mu dyambu ti, mu yandi Nzambi kahidikila bima bimvimba bii ku yulu na bii ha butoto, bikwe yenikanga na bikwe lembolo yenikanga, bintinu, bimfumu, minyadi na mintwadisi . Ni mu yandi na mu dyambu dyandi Nzambi kahidikila bima bimvimba.17Yandi wudi tekila bima bimvimba biba, mpe mu yandi bimvimba bikwe tamananga mu zinga.18Yandi ni mutu wu nitu, nitu ni dibundu. Yandi ni mbadukulu, muntu wuntete wufuluka mu bafwa, mwanki kaba wuntete mu bimvimba.19Mu dyambu ti Nzambi wuyena bumbote ti kinzambi kimvimba kiba mu Mwana.20Mu Mwana, Nzambi kasa ti bimvimba biwawana nandi, byo bi ha butoto na bi ku yulu. Ni mu menga ma Mwana andi matengolo ha kulunsi, Nzambi ka haanina kiyenge ku bantu bamvimba.21Yeno mpe luba kitatu na Nzambi, mpe mitantu myandi mu dyambu di mabanza na mavanga meno mambi,22kansi bwabu, Nzambi siidi ti, mu lufwa lu nitu nsuni lu Mwana andi, luwawana mwanki kaluyenikisa ha meso mandi bantu balongo, bavedila na balembolo ba na kibila.23Kansi lufweti ba mu kiminu, bantu ba sikama na bakwikama, mwanki lulembolo hengama mu kivuvu kii neeno mu Musamu Wumbote wuluyuwa. Musamu Wumbote bewowo wusamunu mu nza yimvimba, meno Pawuli nayikila kisadi.24Meno bwabu nyangaladi mu mpasi zi nina yena mu dyambu dyeno. Mu dyambu ti bwabobo nina lungisila mu nitu ani, mimvimba milembolo ba mu mpasi zi yena Klisto mu nitu andi. Nitu beyoyo, ni dibundu.25Meno nayika kisadi mu dibundu, bonso buu kisalu kimpaana Nzambi mu yeno: kulonga mimvimba mi tadidi Mambu ma Nzambi,26Mambu ma Nzambi bemomo ni mabanza maba maswama tuka ntama ku zimbandu zimvimba. Kansi bwabu Nzambi zabikisi mo ku balongo bandi.27Mu dyambu ti Nzambi wutya mu bazabikisa bonso budi bunene bu kimvwama ki mabanza maba maswama ha kati di yobobo balembolo ba Bayudayo. Mabanza bemomo maba maswama ni Klisto wuu mu yeno. Wuna luhaana kivuvu kye kota mu nkembo yi Nzambi.28Ni Klisto bewowo tuna samuna ku bantu bamvimba. Tuna balwengisa na tuna balonga mu madyela mamvimba mana tuhaana Nzambi. Mwanki tulonka ku Nzambi kadi muntu wukudidi mu Klisto.29Ni mu dyodyodyo meno nina sadila, mpe nina nwana mu ngolo zi Klisto wuna sala mu lulendo lumvimba mu meno.
Wycliffe Bible Translators, Inc.