3 YOANE1
Zimbote
1Meno mukuluntu nina sonika ku ngeye Ngayusi mukundi ani wu nakwe toma tyanga.2Mpangi ani yizola, meno ntiidi ti mu mimvimba wuba na ntomoso mpe na mavimpi mambote bonso budi ntomoso yi mwela aku.3Zimpangi bu ziyizi tuula, nayeni kyese kikingi bu bantedidi kimbangi kyaku: bwedi wudi wukwikama mu kikedika mpe bwedi buu kizingu kyaku mu kikedika.4Kyese kyani kilutidi bunene mu yuwa ti baala bani bana dyatila mu kikedika.Kukwikama ku Ngayusi
5Mpangi ani yizola, mu kiminu kwe hidikilanga mimvimba mikwe sanga ku zimpangi, sungula ku zinzenza.6Batedi kimbangi ki zola kwaku ha ntadisi yi dibundu. Nina kulomba wu basadisa, bonso bufwanakani ha meso ma Nzambi, mwanki batatamana nzyetolo awu.7Mu dyambu ti, mu Nkumbu yi Yesu-Klisto bayenzidi, balembolo tambula kima ku balembolo ba minkwikidi.8Tufweti bwana bantu ba bobobo, mwanki tusalasana nawu mu dyambu di kusamuna kikedika.Dyotelefe na Demetiyuse
9Nsonikini ku dibundu mu lukufi, kansi Dyotelefe kwekwe kadiminingi mu ba wuntete ha kati dyawu, kana tubwana ko.10Ni hahoho, bu naakwiza, mbo nasemba misamu mi kana hidika. Wuna kwe mwangisi misamu mimbi na mi luvunu mu yeto. Kansi kamyamyomyo kaka ko: wuna bisanga mu bwana zimpangi, na yobobo baatidi mu babwana, wuna bakakidila na wuna bakuma mu Dibundu.11Mpangi ani yizola, kulandandi bifu bimbi ko, kansi landa bifu bimbote. Yondowo kwe hidikanga misamu mimbote vwihulu ku Nzambi. Yondowo kwe hidikanga misamu mimbi kazebi Nzambi ko.12Bamvimba bana teela Demetiyuse kimbangi kimbote, mpe kikedika kina muteela kyabende kimbangi. Yeto mpe tuna muteela kimbangi, mpe zebi ti kikedika tuna ta.Mbote zi manunu
13Misamu mimingi mii naani mu kusonikina, kansi ntiidi mu sadila kipapila na ntinta ko.14Kivuvu kii naani ti ha sidi ntama ko twaayenana mpe mbo tumokana meso na meso.15Bika kiyenge kiba naku! Bakundi baku bakuheeni zimbote. Haana mbote ku bakundi beto bamvimba, wumosi-wumosi mu nkumbu andi.Wycliffe Bible Translators, Inc.