Wunzole wu Timote4
1Nina kubombidila ha ntadisi yi Nzambi na yi Yesu-Klisto wuna fundisa bamoyo na bafwa mu ntangu yi nyizulu andi na yi kimfumu kyandi:2longa mambu ma Nzambi, mpe tatamana mu longa mo mu ntangu yimbote hoti yimbi. Sungika, semba na syamisa mu ndongosolo na mu luvibudulu lulwingi.3Mu dyambu ti, ntangu yaakwiza yina ba ti bantu baabwesa tya mu yuwa ndongosolo yikedika ko, kansi baatya mu landa nsatu zi yawu bende. Baazungudulu ku milongisi mimingi, myaabateela misamu mi bakwe tyanga mu yuwa.4Baaduka makutu mawu mu bisa kikedika mwanki bayuwa bimpa.5Kansi ngeye ba muntu wu ludedomo, vibidila zimpasi, sadila ngolo mu samuna Musamu Wumbote, na lungisa kisalu kyaku ki Nzambi natee ku nsukunu.6Mu dyambu ti, mu meno kilokola kifweni ki nina yekolo bonso munkayulu, mpe ntangu ani ye sisa nza yifweni.7Nanweni mvita yimbote, namanisi mu nooka ntiinu mpe nakebidi kiminu.8Bwabu musendo wu ndungunu wuna nkingila. Ni mpu yi mpulusu yaampana Mfumu, Mumfundisi wulunungu, mu kilumbu kyaaba mfundusu. Ka kuu meno kaka ko kaahaana yo, kansi mpe ku bantu bamvimba bana kingila mu luzolo kilumbu ki kaayenika.
Ebulusi, Pudesi, Linusi, Kolodya na mpangi zimvimba zihiika, mbote bakutambikidi.22Bika Mfumu [Yesu Klisto] kaba naku! Bika lusakumunu lu Nzambi luba neeno!
Pawuli wuna teela Timote kiza kamubata
9Sadila ngolo mu kwiza mu muswalu ku nidi,10mu dyambu ti, Demasi wunyafuni mu dyambu di byese bi nza bi ntangu beyiyi, na wuyenzi kwandi ku mbanza yi Tesalonika. Kelesikesi wuyenzi ku kizunga ki Ngalatiya, mboki Tito ku kizunga ki Dalamasi.11Luka kwandi wudi naani kintwadi. Yizeeno yeno na Malako, mu dyambu ti mfunu kadi naani mu kisalu ki Mfumu.12Natambikidi Tisiki ku mbanza yi Efeso.13Bu waakwiza, ntwadila kiyunga kina sala sisa ku mbanza Towasi ku nzo yi Kalepusi. Yiza mpe na mabuuku, sungula mabuuku mahiduku mu mikanda mi bibulu.14Alezandeli kisadi ki bisengo, wunyenisi mpasi zizingi. Mfumu waamusenda mu myo mi kampidikidi.15Ngeye mpe, keba kwaku mu yandi, mu dyambu ti yandi nkatika mbeni yi zindongosolo zeto kadi.16Nkumbu yintete yi nasamba mu nzo yi lufundusu mu nwanina nitu ani, nakani muntu kaba kintwadi naani ko mu nsyamisa, bamvimba bamana ntina. Bika Nzambi kalembolo babakila wo kibila.17Kansi Mfumu wunsadisi na wunsyamisi natee bu na samuni Mambu mandi mpe nayuwikisi mo ku bamvimba balembolo ba Bayudayo. Bwabobo Mfumu kankuudidi mu munwa wu nkosi.18Mfumu waankuula mu nsadulu zimvimba zimbi, mpe waamvuukisa mu nkotisa mu Kimfumu kyandi ki yulu. Bika nkembo wuba ku yandi mimvu ka mimvu! Ameni!Zimbote zi mansukina
19Haana mbote ku Pilisile na Akilase na ku kanda di Onesifoli.20Elasiti wusidi ku mbanza Kolinto na Tofimi wubeela namusisidi ku mbanza Mile.21Sadila ngolo mu tuula tekila tukota mu ntangu yi nsungi yi kyozi kingolo.Ebulusi, Pudesi, Linusi, Kolodya na mpangi zimvimba zihiika, mbote bakutambikidi.22Bika Mfumu [Yesu Klisto] kaba naku! Bika lusakumunu lu Nzambi luba neeno!
Wycliffe Bible Translators, Inc.